BIZ BIR MAHLUK
Çaklama däl, fakt!
2004-nji ýylyň dekabrynda Ýuwaş okeanda, Indoneziýanyň töwereklerinde erasty sarsgyn boldy. Onuň netijesinde dörän Sunami suw joşguny 230 000 sany adamyň ölümine sebäp boldy. Ýöne bu tebigy betbagtçylykda gury ýerde we suwda ýaşaýan jandarlar, haýwanlar howpdan sowlup bilipdirler. Gözi bilen görenleriň aýtmagyna görä, Sunami tolkuny gelmezden bir sagat öň maýmynlar, piller, towşanlar, it-pişikler... dowla düşüp, howpsuz ýere gaçyp gidipdirler. Şol heläkçilikde haýwanlardan diňe bir ýabany doňuz heläk bolupdyr.
Şeýle ýagdaýda haýwanlara, jandarlara Gaýypdan nähilidir bir hili signalyň berilýändigine şübhäm ýok. Şeýle signal, ähtimal, adama-da berlendir. Meger biz ony duýýan däldiris. Belki-de, şolar ýaly howpuň boljagyny haýwanlara seredip duýmalydyrys. Altynjy duýgyny ýüze çykarmak ukyby her kime berlen däl, berlen bolaýanda-da, kim bilýär, edil şol iki arada bir ýerden Şeýtan çykyp, al saljakmy, belli däl.
Biz bir mahluk. Özümizem gaty ejiz. Ýaradylanlaryň içinde bizden ejizi barmyka? Ýokdur! Şoň üçin Alla sygynýas, Ondan pena isleýäs, "Özüň gora, goraýanlaryň içinde edeweri!" diýip ýalbarýas. Toba edýäs.
Onsoň käte-käte "öňümizi bilmeýänimizem bir gowy zat" diýip şükür edýäs. Şol bir wagtda-da kimdir biri geljegiňi aýdyp bereýinmi diýse, biperwaý garap bilemzok. Ýogsa, boljagy-geljegi Eýämizden başga biljegiň ýokdugyna köpimiziň aklymyz çatýar.
Baýak töweregiň aýal-ebtatlarynyň iki-üç sanysy üýşüp:
- Akgoňurda bir palçy aýal döräpdir. Hakyt eliň aýasyna seredip, öňüňi aýdyp otyrmyş. Howa maýlasa, bizem gidip, täleýmize garadyp göräýmeli - diýip, ters gürrüň etdiler.
Onsoň şu gün şol aýallaryň birine:
- Şol diýýän palçyňyz adamyň geljegini bilýän bolsa, öňünden aýdyp, Mary GRES-iň golaýynda bolan awariýaň öňüni almaly ekeni-dä - diýdim. Gaharyma diýdim. Näme diýendir öýdýäňiz?
- Awariýa bolup, ölmejek bolsalar, öňräginden gidip, täleýine garatmaly ekenler-dä. Men-ä, ine basym gitjek şoňa - diýdi.
Allatagalaň bir sypaty - sabyr. Ol howluganok. Edil şonuň ýaly-da, Onuň Adyl diýibem bir ady bar. Ol biadyllyk edenok /etmez/.
Arhiwiň ýagdaýy
● Doly tekst
● 22/22 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 22
Aýallar şu meseleda gaty ynanjaň bolýarlar! Onda-da oňarsaň olar-a aýdyp durmaly! Ýaşulular palça ynanan Gurhana ynanýan däldir, Palça ynananyň aýaly talakdyr diýerdiler!
Aslynda biz bu ýalançy dünýä inmegimiz bilen, ne sebäpden we nä sebäpden, döränmegimiz syr bolup galýar, ýagny kim bizi dolandyrýar, ýönne köp dindarlaryň aýtmagyna görä Kaza bile Yazgyt dp ündeýäler, o da mümkin, ynha meselem, men şeýle bir bagytlyga ýetdim, aýdaly daže, daban azabym bilen, ýöne geçmişde swoloç bolonym üçin, Ajal hanyň pogrammasynda otyryn, oňa höküm edilýär, şol swolojy al, goý öziniň günä ýalňyşyny bilsin dp, Dünýä beýik mugallym, bu mugallymy entek öz okuwçysyny, käbir ýeriň mugallymlary ýaly, kagyz gymmatyna satyp,arkasyna geçireni ýok, ýeke berk we ýowuz tälim alan okuwçysyny gyzyl diplom bilen göyberýär, hernä alla düşenersiňizdä
Ya Swami
Aslynda biz bu ýalançy dünýä inmegimiz bilen, ne sebäpden we nä sebäpden, döränmegimiz syr bolup galýar, ýagny kim bizi dolandyrýar
O nahili syray? ne we na sebapden doraninem bilennokmy indi?
Adam pahyr tanapynyň ujuny ýitirende, elinden gelýän zat bolman erbet ýagdaýda näme etjegini bilmän palça ýüz tutýar.. Bular ýaly ýagdaý köp bolýar. Diňe ýüregine giňlik alyp, köşeşmek üçin gapysyndan barýar.
Özlerine palçy diýänler hem Allanyň bendeleri, olara berilen bolsa we ynsana kömek edip biljek bolsa biz olary günälemäge hakymyz ýok.
Hemem şeýle ýagdaý: bir tanyşym kiçilikden bäri tebipçilik-pal bilen meşgullanýan eken. Durmuşa çykandan soň adamsy rugsat etmändir, ol bolsa ýagdaýy erbet (saglygy peselipdir). Gepiň gysgasy adam bejermese öz hallary erbetleşýär eken.
Men ne'ha mekir sheytan ne'de perishde, men bir
adam ve her bir adam yaly ejiz...
Adam pahyr bir çyg süyt emen diyleni-da.. Garnyny doyuruşy kimin aklyny, ruhuny hem doyurmaly. Yogsam başga zatlar dolduryberyar..
Gaty Dogry!
6-njy duýgyny bilmedim welin ýöne adamlara akyl berlen. Aklyny ulanyp tebigy, dini, sosial we gumanitar ylymlary öwrenip özleşdirip bilýär.
Tebigy apatlary adamlar ylmyň kömegi bilen duýýarlar, bilýärler. Ýöne nätjek, töwregimiz ýaradylyşdan gelýän ak-gara söweşi bilen gurşalyp alnan. Käbir bigünäleriň aradan aýrylmagy käbir toparlary begendirýär. Indoneziýada ylym we tehnika ösen. Häkimiýete uly ilat agyr gelen bolsa gerek; bellige alynjak bir hereket etmändir.
Gelejegi bolsa biziň hereketlerimiz şekillendirýär. Edýän işlerimiziň netijeleri hakda oýlanyp mydama garaşylmadyk ýagdaýlara taýyn bolmak gerek iň gowusy. Ýunus Emre ýaly düşünip bilmelidirs =>
Hoşdur maňa Senden gelen,
Ýa gunça-gül, ýa-da diken.
Alla islemese zerre yaly chopem gymyldamaz... Allatagalanyn adamyn onunde goyan her bir ishi synagdyr. Palchylygam Musulman dinimiz boyuncha gadagandyr. Biz adamlar, bu dunya geldik we gelshimiz yaly gityas. Prosta aramyzda kabirilerine bize berilmedik duygylaram berilipdir. Diymek Alla olary synagyn bir gornushinden gechiryar... Yada bizi ol synagdan gechiryar, sebabi palchy we palcha giden adamam guna giryar...
her zat Allanyn takdyry bilen bolyandyr.
palça gıtden adamyn 40 gün okan namazy kabul dal dıyıp eşitdim
eşrefi mahluk...
Aslynda shu palchy diyilen zat(yagny men onu adam yerine hem goyamak)Men meselem(oz shahsyma )ilki bilen ynanamak,gormek islamok,hatda shon yaly yere gityan Ynsan oglundan hem igrenyan.Kab Aga gowu mowzuk.biz bilen paylashanynyz uchin sag bolun!👍
ey way bu döwürde entagem palça ynanyan mahluklar bamay name.
biz taraplarda da bir palchy bar diyyaler, gidip ozuni pallap gaymtalymy name, gaharym gelyar sholar yaly gurrunler eshidemde, ol gun biri geldow oye, Kakamyn Pacientynyn Adamsy, sheyle sheyle palcha gitdik, o da siz sahet bellapsiniz, shony owurak suyshirin sebabi hassanyn 3-4 ay wagty bar diyipdir... O.o gen gordum, nahili bilip bilyar kimin hachan oljegini?
palça ynanyan kop entagem, birzat yitirseler şoňa ylgayalar...
Tsunami ah tsunami
Şeýle ýagdaýda haýwanlara, jandarlara Gaýypdan nähilidir bir hili signalyň berilýändigine şübhäm ýok.
Nahili şübhän yok? Ylmy ya dini cesmelerde barmy olara imenno Gayypdan bir habar gelyar diyip?
Ellerinize saglyk temanyzy haladym hem goldayan... 👍
dayzany hich hili gunakarlamok, jahyllykdan bolyar, yeri nadip jahyl bolmasyn, 70 yyllap Gurhana gargan, metjit yumuran Sistemadan songra entak adamlang angynda dushunje we ideologiya yer tutanok, ol adamlar aslynda samsyk adamlar dal, yone gorup bilenoklar, Aydyshyngyz yaly sabyrly bolmaly, Palchy hem palinden tapsyn diyaymeseng...