Belki-de şol dag hiç wagt hem ýokdy!...

Belki-de şol dag hiç wagt hem ýokdy!...

- Men saňa diýipdim diýme Nurjahan.

- Diýemok. Ýagdaýlaryň neneň?

- Ynsan ençe sagatlap bir daga dyrmaşar. Tutar ýaly bir oý gözlar. Nirä aýak basjagyny bilmez; ýykylaýjak ýalydyr. Başyny galdyryp, depä gözüňi dikersiň. Haýdarsyň. Depä ýetmek yşgy, ruhuňy joşduryp, güýjüňe güýç goşar. Ahyrynda depä ýetersiň. Bagtlydyr, indi depä ýetdim diýip, diňe gol çekaýmek galandyr. Emma gaýanyň arkasyndan çykan el, bir ýumruk berer welin, näçe sagatlap dyrmaşan dagyňdan birnäçe minudyň içinde eliň-goluň ýaraly halda yza gaýdarsyň. Men ine şu halda Nurjahan!

- Aşak gaýtmagyňy dal-de, ýokaryk çykyşyň hakda gürleşeli Dünýä. Şol daga dyrmaşyp başlanyňda, maksadyň namedi?

- Elbetde, depä ýetmek!

- Senden öňki depä çykanlaryň, şol ýerdaki depdere gollaryny çekenleriň hiç ähmiýeti ýokmudy?

-Elbetde, ähmiýeti bardy. Menden öň çykanlary gutlamakdan başga elimden näme geler?!Emma soňky dyrmaşan men bolmalydym. Depdere golumy çekip, özümde saklajakdym depderi. Dagyň bagtly boljagyna ynamym bardy.

- Şeýle ýagdaýda bagtly boljagyny aýtdymy?

- Ýok, aýtmady. Sen dyrmaşyp başla hany, - diýipdi.

- Dyrmaşanyňda görgi baryny gördüň. Alla ýalbaran pursatlaryňy az görmedim. Näçe gezek dagdan gaçjak bolduň. Öňüňe çykan böwetler saňa bir yşarat bermedimi?

- Berdi. Dyrmaşmagymy islemeýänini, depä çagyrmaýandygyny pikir etdim. Islemeýän bolsaň, gowusy men gelmäýin diýdim. Ýok, isleýärin, sen meniň bir bölegim bolduň diýdi.

- Bölegi däl ekeniňmi?

- Bölegi ekenim, ýöne depäniň bölegi däl.

-Näme üçin depäniň seni bagtly etjegine ynandyň? Ýokary galmagyň özi az agyryly, emma kyndyr. Aşak düşmegiň özi bolsa diýseň agyryly, emma aňsatdygyny öwrendiň. Ýetmek islän depäň hiç wagt öz aýaklaryň astyna gelmejegini pikirlendiňmi? Bolýar, hany aýt, senden öňki depä çykanlary gördüňmi? Olar dagyň eteklerinde hem ýok ahyry. Depäniň senden has ýalňyzdygyny görmediňmi?

- Oňa ýetip bilerinmi, bilmek isledim. Ýetdimem. Meni gördem. Emma göwnüne ýaramady, ürkdi. Hemme zat şundan ybarat eken diýmek nähili agyrdy.

- Ýyllar boýy görgi gördüň, emma hiç ýadamadyň. Kemçiligiň bardygyny bilene deňeç, sen hiç gorky, irginlik näme bilmediň. Indi seni ýaşaýyşdan goparmak isleýän zat seniň nebsiň.

- Näme indi dyrmaşmakdan göwün döndüreýinmi? Ýykylan ýerimde galyp, depä gözümi dikip duraýynmy?

- Seni aşak bakan iten depä ýene-de dyrmaşjak bolsaň, ýykylanyňda öwrenen zatlaryňy ulanyp dyrmaşmalysyň. Depderi gözleme. Görersiň has erkin duýarsyň özüňi. Sebäbi hakykatlary görersiň.

- Öz hakykatlarymymy ýa-da depäniňkini hem görerinmi?

- Depäniň hakykatlaryny bilip dyrmaşdyň sen! Bilmeýäniň: depäniň seni nähili garşy aljagydy. Ony hem ýaşap öwrendiň. Dyrmaşmagyňa rugsat berdi, emma ol ýerde galmagyňa rugsat bermedi. Ine şu saňa hödürlenen hakykat.

- Onuň hakykaty bilen, meniň hakykatym gowuşmazmy?

- Uzyn ýyllar boýunça sen ilkinji gezek dyrmaşdyň. Ol hem haýran. Saňa garaşmaýardy. Depdere gol çekmäge synanyşma. Onuý saýa uzadaryna garaş.

- Uzadarmy?

- Oňa ýetmek üçin az görgi görmediň ahyry Nurjahan. Ol hem görýär muny. Şonda-da men ýene dyrmaşjak diýseň; depä çykda otur. Onuň seniň ýanyňa gelmesine garaş. Eger gelse bagtly bolarsyň, gelmese-de şol daga hiç wagt dyrmaşmanyňa düşünersiň.

- Ol gelende bir MEN galarmy?

- Ol gelmese bir SEN galarsyňmy, şol has möhüm!

- Men dyrmaşjak däl Dünýä. Ýaralarymy daňyp, uzaklaşjak. Diýmek, beýle dag hiç wagt bolmandyr.

- Men saňa diýipdim!...