BAGYŞLAMAK

Günleriň birinde bir syýahatçy otly-da gidip barýarka, ýanynda gamgyn halda oturan bir adam bilen gürrüňdeş bolupdyr. Ýaş ýigit oňa özüniň türmeden boşap gel¬ýän¬digini aýdypdyr. Onuň türmä düşmegi maşgalasyna şeýle bir agyr degipdir welin, ne onuň yzyndan baran bolupdyr, ne-de ondan habar alan. Ýöne ol maşgalasy özüni bagyşlar umydyny asla ýitirmändir...

Ol maşgalasynyň bagyşlap-bagyş¬lama¬ndygyny bilmek üçin olara otly öz oba¬synyň baglyklaryna golaýlaberende görer ýaly bir yşarat goýmaklaryny haýyş edip¬dir. Eger maşgalasy ony bagyşlan bolsa, onda demirýoluň gyrasyndaky alma aga¬jyna ak mata daňmaly eken. Eger maşga¬la¬sy onuň yzyna gaýdyp gelmegini isleme¬ýän bolsa, ol şol otlydan düşmän, ýat illere siňip gitmekçi eken.

Otly obasyna golaýlaberende onuň kalby gozgalaň tapdy. Syýahatçy bilen ýerini çalşyp, penjireden alma agajyny görjek bolýardy. Şol barmana syýahatçy elini ol adamyň egnine goýup:

- Seret, seret!- diýdi.

Şol wagt ýazykly adamyň ýaňaklaryndan iri-iri gözýaş damjalary syrygyp gaýtdy.

Hemme zat düzüwlikdi. Ýoluň gyrasyndaky alma agajynyň çürbaşynda täp-tämizje ak mata galgap durdy.

Onuň gubar baglan kalbyny tämizleýän ýaly, ol damjalar şol syrygdy durdy, syrygdy durdy...
BAGYŞLAMAK WE BAGYŞLANMAK DUYGUSY...