Kemelder (Perwana Şahyr)

Adam ogly cekme gaýgy ,
Gaýgy gam ömrüni kemelder, 
Sözlemäwer Ýalan sözü,
Yalan söz yrsgalyň kemelder.

Eger aklyň bolsa başda,
Düz ýola gel juwan ýaşda,
Diliň toba diýse käşgä,
Toba güneňi kemelder.

Kuran oka , Hadys oka,
Bäş wagtyna namaz oka,
Hudaý ýoluna ber sadaka,
Sadak belany dep eder.

Ilden çykmaweri utan ilden,
Dinden çykmaweri gork Jelilden,
Tama kylmaweri baý bahyldan,
Hantama haýany kemelder.

Serhoş bolup başyň yrap,
Gül ömrüňi kylma harap,
Nesihatym içme şerap,
Şerap sogabyň kemelder.

Perwana diýr eý gardaşym,
Hak bolsun ýakyn syrdaşyn,
Säher dökseňeý göz de yaşyň,
Allahym günahiň kemelder.

Perwana Şahyr
Türkmen halk aýdymy