Eý iman edenler! geliň iman edeli
Gurhan’daky Nisa süresi 136-njy aýaty ýatladaýyn: “ Eý iman edenler! Allaha, Pygamberine, Pygamberine iberilen Kitaba, we ondan öň iberilen kitaba iman ediň. Allahy, perişdelerini, kitaplaryny, pygamberlerini we ahyretini inkär edenler beter azaşanlardyr.”
Eý iman edenler iman ediň diýilýär. Sahabalar hem käwagt köçede duşanda “gel bir sagat iman edeli” diýp imanlaryny täzelep durýan ekenler. Iman täzelemek näme kä? Bir gezek “La ilaha illallah” diýen soň bütin ömrüme ýetik däl mi? Diýmek aýat we hadyslardan bellenilişi ýaly imanymyzy aram aram täzeden gözden geçirip durmaly diýen many çykýar.
Fiziki tarapdan seretsek biz her gün nahar, çörek iýmäne mätäç. Sebäbi tebigatyň işleýşi şeýle. Her bir organymyzyň özüne gerekli iýmiti bar. Biz nahar iýen wagtmyz habarymyz bolmasa da endamymyzdaky her bir organ öz gerekli iýmitini, ýagyny, witaminini alýar. Adamzat diňe fiziki barlyk däldir onyň akly, duýgylary, kalby, wyjdany ýaly göz bilen görünmeýän taraplary hem bar. Bu organlaryň iýmiti nahar däldir, fiziki zatlar däldir. Wyjdan näme üçin aglaýar? Bu iýmitleri bir näçe gün berilmese wyjdan azap çekip başlaýar we adamy rahatsyz edýär. Kalb näme isleýär?
Iman adamyň kalbyna dogan bir nurdyr diýp wasp edipdir alymlar. Diýmek La ilaha illallah sözüni ilki bilen yürekden aýtmaly.
La ilaha – “Ilahlar, taňrylar, hudaýlar, sebäplere höküm edip biljek güýç we kuwwat eýesi hiç zat ýok, diňe Allah bar.” Ýüregimizi ilki bilen her dürli taňry,hudaýlardan arassalamaly. Adamyň yüreginde ýer alyp biljek, Allahdan başga islendik zada hetden aşa söýgi, pul, şohrat, özüne buýsanmak we başga sebäpler ýüregimizi arassa saklamana mümkinçilik bermez we kalbymyzy baglar. Kalbymyzy bulardan arassa tutjak bolmaly we yzyndan Ilallah diýmeli.
Illallah – “diňe Allah bar.” La ilaha bilen arassalanan ýürege Allah girýär. Allaha iman girýär. Ýüregine iman giren adam başga zatlara gul bolmakdan halas bolýar. Içden içe bir bagt, erkinlik duýmana başlar.
Halas bolup bilmese, Allahdan başga hemme zada gul bolup iki dünýäde weýran bolar. Ýa söýgiden, ýa da yzynda ylgap ýören baýlygyndan, şohratdan, çensiz söýgi bilen baglanan näme sebäb bar bolsa şolaryň hemmesinden belasyny çeker. Dünýä durmuşynda da ahyretde de ne bagt tapar ne de rahatlyk.
Şahyryň aýdyşy ýaly “Allahyny tapan hemme zady tapdy, Allahy ýitiren başyna müň bela tapdy.”
Mowzugyň dowamynda nesip bolsa siz eziz we gadyrly ertirdeşler bilen Imanyň akla höküm etmesi näme? Aklyňa La ilaha illallah diýdirmek nähili bolýar? Diýen soraglara jogap aljak bolars.
Arhiwiň ýagdaýy
● Doly tekst
● 40/40 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 40
Eşhedü En La İlahe İlallah ve eşhedü enne Muhammeden Abduhü Rasulüh...
hmm tüweleme gaty gowy yazylypdyr.. adamyn içine tasir etyar..👍👏
Imany täzeläp durmaly. Her gün uka gitmezden öň hem Kelemäni öwürmeli. Iň esasy hem, iki dünýäň serhedine ýetmänkäň Kelemeýi-Şahadaty gaýtalamaly. Hadysy Şerifde Iman Kelemesi Behişdiň açarydyr diýilýär.
Sag bol Free dunyan ginap gidya okanda, dini kitaplary okamana elem degenok, barde yazyp onarypsyn. Thanks...
hali pikirlerde yazyp durdyn🙂 gowy dushundirip bilipsin
gaty gowy,dowamy bolsyn.
Imany täzeläp durmaly. Her gün uka gitmezden öň hem Kelemäni öwürmeli. Iň esasy hem, iki dünýäň serhedine ýetmänkäň Kelemeýi-Şahadaty gaýtalamaly. Hadysy Şerifde Iman Kelemesi Behişdiň açarydyr diýilýär.
Imany täzeläp durmaly. Her gün uka gitmezden öň hem Kelemäni öwürmeli. Iň esasy hem, iki dünýäň serhedine ýetmänkäň Kelemeýi-Şahadaty gaýtalamaly. Hadysy Şerifde Iman Kelemesi Behişdiň açarydyr diýilýär.
klass chuvak!!!
Berekellah free dost. Azajykdan dowamlyja bolsa gowy bolyar. Shular yal temalary Huday bereketlendirsin.
1-2 sany hadys goymagy yuregime duwdimblumygamberimiz sallalahu aleyhi we sellem aytdylar:Iman bilen amal
biri-birinden aýrylyşmaýan ýoldaşdyr. Olar biri-birinden aýrylsa zada ýaramaz.
Şeýle bolansoň musulman adam
oňardygyndan amal etmek bilen bolup, borjuny berjaý etmelidir. Amaldan maksat
gije-gündiz namazlykdan düşmän oturmak diýen söz däl, belki parz we wäjipleri
eda etmekden ybaratdyr. Sünnet, mustahablar hem şonuň bilen biter. Bular takat
(güýç) ýetmejek derejede müşgil (kyn) iş däl. Muňa diňe adat etmek ýeterlikdir.
Şonuň ýaly ahlak düzetmek barasynda-da ygtybarly bolmak gerek. Her bir amal öz
wagtynda edilmese, ahlak hem bozuk bolsa, „men musulman“ diýmekde ullakan bir
many ýokdur. Dili bilen ykrar kylyp duran adama „sen mumin däl“ diýmäge hiç
kimiň haky ýok. Şeýle-de bolsa her kim özi bilen Allahyň arasyny düzetmäge
urunmak gerek. „Ýa resulullah! Maňa bir amal öwret, şol amal meniň jennete
girmegime sebäp bolsun“ diýen bir sahaba resulullah hazratlary: „Şirk
gatyşdyrmaýan halyňda Allah tagalaga ybadat kyl. Namazyň oka, rozaňy tut,
zekadyňy ber“ diýdi we „jennet ählini göresi gelýän şol adama garasyn“ diýip
galdy. Allah tagala ýardam edende bu işleri hiç kim üçin hem takatdan daşary
bolmasa gerek.
ARO...
Yene hadysblumygamber a.s. aydypdyrlar:
Takyk
falah we zafar tapdy (ýeňdi) şol kişi: iman dogrusynda göwnüni halys we
salamat, dilini sadyk (rastgöý), nebsini aram-kararly, gylygyny hoş, gulagyny
hakykaty eşidiji, gözüni hakykaty görüji kyldy.
Maksat: her
dürli nebis bozuklyklaryndan päk bolan imanly we salamat göwünli, dogry sözli,
Allah tagalanyň hökümlerinden razy bolup duran kararly nebisli, hoş gylykly,
göreninden ybrat alýan, ygtybar bilen seredýän gözli adam dünýäde, ýaşaýyş we
durmuş meýdanynda ýeňiş gazanan diýmekdir. Şu sypatlary özünde jemlän kişi
elbetde uly we kemalat eýesi ynsandyr we hakyky iman eýesidir. Şonuň üçin,
sözleri seljermän eşidýän, göreninden ybrat almaýan kişiler hakynda Allah
tagala Kur’anda: “Elbetde köp taýpalary jähennem üçin ýaratdyk, olaryň
ýürekleri bar, emma onuň bilen hiç zat aňlamazlar. Gözleri bar, emma zat
görmezler. Gulaklary bar, onuň bilen eşitmezler. Olar haýwan ýaly, belki
olardan hem gümrarakdyrlar, gapyllar şolardyr” (Agraf 179-njy aýat) diýip habar
berýär.
👍
. Alla Resuly sallallahu aleyhi ve sellem diydi:
. Alla Resuly sallallahu aleyhi ve sellem diydi:Iman, jennete, jahenneme, hasap gününe, edenlerini hasaplayan tereza we gowusy erbedi bilen yazgyda ynanmakdyr. Ahmed.
Kalbynde zerre yaly imany bolan adam, jahennemden çykar. Tirmizî.
*.
Alla Resuly sallallahu aleyhi ve sellem diydi:
Şübhesiz Alla, dine öz razylygy bilen, La ilahe illallah diyene ataşy (ody) haram etdi. Buhârî.
Mundan gowy dushundirish bolubam bilmez! Allah sizden razy bolsun free abi!!! Sheydip bizin bn imanlashyp durun 🙂
ALLAH yüregine düwen hayyrly niyetlerini kirletdirmesin, biz yaly gapyl ynsanlaryn bular yaly öwütlere entek kän hajaty bar. Allajan bizi Muhammede sallahu aleyhi wessellem layyk ümmet eylesin. AMIN...
Amin 🙂
Sahabalar radiallahu anhuma gökdäki yyldyz yalydyr; biz olara yetibilmeris, emma olar bize garanky gijelerde yol görkezer.
Tanryýalkasyn.$eyle peydaly mowzuklan yzy kop bolsun.