Türkmenistanyň Prezidenti wezipesine dalaşgärler we olaryň terjimehallary

mena Gurbanguly Berdimuhamedowa ses berjek

Babam pahyr aýdardy:
Parahatchylyk bolsa bolýar
Men hem shony goldaýan.

Adam:
Babam pahyr aýdardy:

Parahatchylyk bolsa bolýar

Men hem shony goldaýan.

Goldaýaryn Dost

Shu ses berilshigin edileni bilen bize bolan peydasy barmyka? yagny chyndanam prezident saylananda halal edilyamika? onsonam uns berseniz name ucin guycli yerlerden konkurensiya yokda dine pes yerlerden bolyaka? Meselem Rashid Meredow my namemi sho name ucin yokka?

kakageldi bashimovich dag injenerchylygyny gutardy diyyarmay? shony saylasaga arkamyzda dag yaly bolup dyrarmyka diyyan men😆

Jorap:
Shu ses berilshigin edileni bilen bize bolan peydasy barmyka? yagny chyndanam prezident saylananda halal edilyamika? onsonam uns berseniz name ucin guycli yerlerden konkurensiya yokda dine pes yerlerden bolyaka? Meselem Rashid Meredow my namemi sho name ucin yokka?

rashid meredow kimay dost?🙂

onsonam bular 4-6 chagasy bar diyyar hemmesinin tuveleme bulardan biri secilse sonra her chagasyny yokary vezipelere goysa turkmenistany polnyy mashgala bolup ele alarlarey

Türkmenistanyň Prezidenti wezipesine dalaşgär
görkezilen “Lebapgurluşyk” önümçilik birleşiginiň başlygy Esendurdy Gaýypowyň

MAKSATNAMASY

Türkmenistan döwletimiz Beýik Garaşsyzlygymyzyň 20
ýyly içinde syýasatda, ykdysadyýetde, medeniýetde ajaýyp üstünliklere,ruhy 
galkynyşaeýe boldy. Mil­­­li
däp-dessur­la­ry­my­zyň, medeni gymmatlyk­larymyzyňdikeldilmegine we mundan beýläk hem pajarlap ösmegine giň ýol
açyldy.

Ýurdumyzda alnyp barylýan işleriň rowaçlanmagynda bir
maksada — Türkmenistanyň ro­waçlanmagy üçin mäkäm jebisleşen türkmen halkynyň
agzybirligi we päk zähmeti durandyr. Agzybirlik, asudalyk we jebislik
Türkmenistan döw­letiniň içerki syýasatda gazanan ägirt ýeňişleriniň naýba­şy­sydyr,
agzybirlik, asudalyk we jebislik biziň üstünliklerimiziň özenidir.

Garaşsyzlyk ýyllarynda Türk­menistan durmuş-ykdysady
taýdan batly depginler bilen ösdi, öňe gitdi. Soňky ýyl­larda ýurdumyzyň jemi
içerki önüminiň ösüş depgininiň ýokary bolmagy, «Türkmenistanyň durmuş-ykdysady
ösüşi­niň 2011-2030-njy ýyl­lar üçin Milli maksatnamasy» bu mö­hüm wezipeleri
çözmekde tä­ze ugurlary açýar. Dünýäde bo­lup geçýän ykdysady-maliýe çökgünlik
şertlerinde Türk­menistanyň makroykdy­sady taýdan durnukly ýagda­ýy­ny we
maliýe garaşsyzly­gyny saklap galandygy, ykdy­sa­dyýetimizi ösdürmek, döw­le­timiziň
kanunçylyk binýa­dynypugtalandyrmak,
demokratik esaslaryny giňeltmek boýunça alnyp barylýan işleri dowam etmek bilen
birlikde, ýurdumyzy mundan beýläk-de ösdürmek babatda uzak­möhletleýin, toplumlaýyn
maksatlary we özgertmeleri durmuşa geçirmek boýunça öňde goýlan wezipeleriň
üstünlikli ýerine ýetirilýändigi bellemäge mynasypdyr.

Geçirilýän işleriň netijesinde döwletimizde
halkymyztebigy gazdan, elektrik
energiýasyndan, suwdan, duzdan, awtoulag ýangyjyndan mugt peýdalanýar, ulag hyz­matlary,
çörek we beýleki önümler elýeterli bahadan üpjün edilýär. Ilaty bu ýeňil­likler
bilen üpjün etmäge Türk­menistanyň berk ykdy­sa­dy kuwwaty mümkinçilik berýär.

Türkmenistanyň daşary 
syýasaty ynsanperwerlik, hoş­meýillilik ýörelgeleri esa­synda alnyp
barylýar, döwletimiz parahatçylygy öňe sür­ýän ýurt hökmünde özüni dün­ýä
tanatdy, hut şonuň üçinem halkara bileleşigi biziň Bitarap­lyk derejämizi
ykraretdi.Ýurdumyzy  
ösdürmekdegazanylan netijelerbi­ziň halkara derejesinde «Açyk gapy­lar»
syýasatyny, dürli döwletler bilen deňhukukly, özara bähbitli gatna­şyklary
ösdürmek, döwletimiziň deň­hukukly gatnaşyjy hökmünde dünýä bileleşigine
goşulmak syýasatyny işjeň durmuşa geçir­ýändigimiziň netijesidir.

Garaşsyzlyk ýyllarynda, aýratyn-da beýik özgertmeler
eýýamynda ýurdumyzyň ykdysadyýeti düýpli pugtalandy. Türkmenistanyň halk
hojalyk toplumynyň mundan beýläk hem ösmegini üpjün etmek maksady bilen ylmyň
we tehnikanyň gazananlaryny, iň täze teh­nologiýalary ornaşdyr­maga aýratyn üns
berler.

Türkmenistanyň ykdysady taýdan ösmegine özüniň oňyn
täsirini ýetirjek gaz geçiriji desgalarynyň, gara ýol­laryň gurluşygy dowam
etdiriler. Mundan başga-da gyzyk­lanýan taraplar bilen türkmen gazyny Ýewropa
ugruna eksport etmegiň mümkinçilikleri öwreniler.

Beýik özgertmeler eýýamynda ýurdumyzda dürli maksatly
binalary gurmak boýunça uly möçberli işler ata Watanymyzyň rowaçlygynyň, ilatyň
bagtly we göwnejaý ýaşaýşynyň üpjün edilmeginiň hatyrasyna berjaý edilýär.

Geljekde
hem bilim, saglygy goraýyş ulgamlaryny ösdürmäge uly üns bereris. Täze
mekdepleri we çagalar baglaryny, ýokary we ýörite okuw mekdepleriniň
binalaryny, täze hassahanalary we bejeriş-dynç alyş öýlerini we merkezlerini,
medeni-durmuş maksatly desgalary gurmak we olary häzirkizaman enjamlary bilen
üpjün etmek güýçlendirilen depginde dowam etdiriler.

Oba
ilatyny arassa agyz suwy bilen üpjün etmek üçin suw arassalaýjy desgalary, suw
geçirijileri gurmak oba durmu­şynyň derejesiniň ýokarlanmagyna we ilatyň
saglygyny berkitmekde uly orna eýe bolar. Ýaşaýyş jaýyny satyn almak we hususy
jaý gurmak isleýänlere ipoteka karz­laryny bermegiň tertibi saklanyp galar,
gurluşyk guramalaryna ýaşaýyş jaýlarynyň gurlu­şygy üçin karzlaryň möçberi her
ýyl artdyrylar. Şäherlerde, şäherçelerde we obalarda durmuş maksatly desgalaryň
gurluşygy barada kabul edilen maksatnamalaryň yzygiderli ýerine ýetirilmegi
dowam etdiriler.

Beýik
özgertmeler zamanasynda ýurdumyzyň oba hojalygyny ösdürmek boýunça alnyp
barylýan işleriň netijesinde daýhanlara oba hojalyk ekinleriniň bol hasylyny
ösdürip ýetiş­dirmek üçin öndürijilikli işle­mäge, ýokary hasyl alyp, halal
zähmetden baýamaga döwletimiz tarapyndan ähli şertler döredilýär, agrosenagat
toplumynyň maddy-tehniki binýady pugtalandyrylýar. Oba hojalygynda geçiril­ýän
özgertmeler netijesinde Türkmenistan azyk garaş­syzlygyny gazanmak bilen, diňe
bir pagtany we ondan öndürilýän önümleri däl, eýsem dänäni hem eksport edýän
döwlete öwrüldi.

Oba
hojalygynda geçirilýän düýpli özgertmeleri dowam etdirmek zerurdyr. Agrosenagat
toplumyna maýa goýumlaryň möçberi artdyrylar, olar täze ýerleri özleş­dirmäge,
suw how­danlarynyň kuwwatlylygyny artdyrmaga, zerur oba hojalyk teh­nikasyny,
ösümlikleri goraýan himiki serişdeleri satyn almaga gönükdiriler. Bu pudakda
tohumçylyk, seleksiýa işi we ösen tehnologiýany önümçilige ornaş­dyrmak hem
örän wajyp wezipeler bolup durýar. Ussat kärendeçi-daýhanlaryň sanyny düýpli
artdyrmak hem oba hojalyk pudagynyň baş wezipesidir.

Garaşsyzlyk
ýyllarynda ýurdumyzda häzirkizaman dokma senagat kärhanalarynyň onlarçasy
guruldy, gurulýar we gurlar. Bu kärhanalarda gym­matly çig mal bolan pagtany
işläp bejermekden tä taýýar önümleri çykarmaga çenli gutarnykly önümçilik
işleri dowam etdiriler.

Döwletimiziň
ykdysady kuwwatynyň ýokarlanmagyna degişli düzümleriň hem möhüm ähmiýeti
bardyr. Ulaglar we aragatnaşyk pudaklary durnukly ösýär. Gurlan we gurulýan
gara we demir ýollar, bu topluma de­gişli ulgamlar, ulag, awiasiýa, gämi gat­nawy,
daşalýan ýükler, ýurdumy­zyň üstünden üstaşyr geçirilýän ýükler döwletimiziň
ykdysady taýdan rowaç­lanmagyna getirer.

Türkmenistanyň
ykdysadyýetiniň ösmegi bilen baglylykda ykdysadyýetiň döwlete dahylsyz ulgamy
döredildi we ösüşe eýe boldy, olaryň aglaba köpüsi oba hojaly­gynda,
gurluşykda, işläp bejeriji senagatda we söwdada işleýär.

Döwletimiz
hususy telekeçilik ulgamynyň ösmegine uly itergi berýär. Tejribeli, döwlet
ulgamynda hyzmat­daş­lyk edýän daşary ýurtlaryň iri kompaniýalarynyň, uly
firmalarynyň iş ýö­rediş usulyny öwrenýän hususyýetçilerimiz özleriniň iş
tejribelerini barha artdyrýarlar. Türkmende «Ökdeden öwrenmek aýyp däl» diýen
pähim bar. Şoňa eýerýän telekeçilerimiz işewürlik dünýäsinde özlerini barha
ynamly duýýarlar. Häzir olar köp sanly senagat, medeni-durmuş maksatly desga­larynyň
we ýaşaýyş jaýlarynyň gur­luşygyny alyp barýarlar. Kiçi we orta telekeçiligi
döwlet tarapyndan goldamak, döwlet banklary tarapyndan olara ýeňillikli
karzlaryň berilmegi boýunça ykdysadyýetimiziň hususy ulgamynyň mundan beýläk
hem ösmegine ýardam bermek işi geljekde hem dowam etdiriler.

Köpçülikleýin
bedenterbiýe-sagaldyş hereketiniň we sportuň ösdürilmegi Türkmenistanyň döwlet
syýasatynyň ileri tutul­ýan möhüm ugurlarynyň biridir. Bu döwlet syýasaty
milletiň sag­lygynyň berkidilmegine, düýpli öz­gertmeler ýoly bilen ynamly öňe
bar­ýan Watanymyzyň geljegi bolan—beden taýdan berk we ruhy taýdan baý ýaş
nesliň terbiýelenilmegine gönükdirilendir.

Şu işleriň üstünlikli durmuşa geçirilýändiginiň ähli
welaýatlarda stadionlaryň,sport
toplumynyň gurulmagy, etraplardaky sport mekdepleri, ola­ryň häzirki zaman
enjamlary bilen enjamlaşdyrylmagy hem aýdyň subutnamasydyr. Paýtagtymyzyň
ajaýyp künjeginde Merkezi Aziýada iň iri sport toplumy bolan Olimpiýa
şäherçesiniň gurluşygyna badalga berildi.

Sport we olimpiýa hereketini hö­wes­lendirmek we
ösdürmek, oňa ýaşlary işjeň çekmek, türkmenistanlylarda çagalyk ýyl­laryndan
başlap bedenterbiýe bilen meşgullanmaga, zähmete bolan höwesi terbiýelemek,
sagdyn durmuş ýörelgesiniň, zähmetsöýerligiň we döredijiligiň esa­synda duran
gymmatlyklary berkarar etmek biziň esasy wezipelerimiziň biri bolmalydyr.

Türkmenistan baý medeni miras galdyran gadymy
medeniýetiň watany hökmünde dünýäde tanalýar. Watanymyz Gündogar bilen
Günbatary birikdiren Beýik Ýüpek ýolunyň möhüm bölegi bolupdyr. Gadymy Merwiň,
Köneürgenjiň, Nusaýyň ýadygärlikleriniň ÝUNESKO-nyň Bütindün­ýä mirasynyň
sanawyna girizilmegi ýurdumyzyň taryhy, medeni we tebigy baýlyklarynyň
gadymylygynyň, olaryň dunýä derejesinde uly ähmiýetiniň bardygynyň
subutnamasydyr. «Türkmenistanda syýahatçylyk ulgamyny goldamagyň we ösdürmegiň
2011-2020-nji ýyllar üçin Milli maksatnamasynyň» kabul edilmegi ýurdumyzyň
syýahatçylyk mümkinçiliklerini giňden özleşdirmek, syýahatçylyk toplumyny
ösdürmek, syýahatçylara döwrebap we amatly dynç alyş şertlerini döretmek,
ulgamy ykdysady taýdan berkitmek, Watanymyzyň gadymy taryhyny, medeniýetini,
däp-dessurlaryny dünýä ýüzüne wagyz etmek, halkymyzyň ruhy dün­ýäsini has-da
baýlaş­dyrmak üçin döw­letimizde alnyp barylýan işleriň mö­hüm ugurlarynyň biri
bolar.

Türkmenistanda her bir raýatyň ýa­şamaga, zähmet
çekmäge, dynç almaga, saglygyny goramaga, bilim almaga, maşgala gurmaga, abadan­laşdyrylan
ýaşaýyş jaýyny edinmäge, ylmy-döredijilik bilen meşgullanmaga Türkmenistanyň
Esa­sy Kanuny bolan Konstitusiýasy tara­pyndan kepillendirilen hukuklaryny
goramak dowam etdiriler. Bu wezipeler ilatymyzyň girdejilerini yzygiderli
artdyrmak­dan, zähmet haklaryny, pensiýalary, talyp hak­laryny, döwlet kömek
pullaryny köpeltmekden, ýaşaýyş-durmuş taýdan be­rilýän ýeňillikleri saklap
galmakdan, maş­galany maddy taýdan goldamak­dan ybaratdyr.

Türkmenistanyň her bir raýaty hakynda alada bu gün
dowletimiziň, jem­gyýetimiziň baş aladasydyr, «Döwlet adam üçindir!» diýen baş
ýö­rel­gäniň hakyky mazmuny hem şu aladadyr. Döwletimiziň her bir raýa­ty hem
bu alada jogap edip «Adam döwlet üçindir!» diýen ýörelgä eýerip, Türkmenistanyň
rowaçlanmagyna öz mynasyp goşandyny goşmalydyr.

Halkymyzyň abadan durmuşy, ruhy-ahlak sagdynlygy,
döwletimiziň kuw­watynyň berkemegi, onuň abra­ýynyň dünýäde mundan beýläk-de
artmagy ugrunda yhlasly we tutanýerli zähmet çekmegimiz gerek.

Türkmenistanyň Prezidentiniň
saýlawlaryna gatnaşýan saýlawçylara Watanymyzyň mundan beýläk-de rowaçlanmagy
ugrunda alnyp barylýan işleri mynasyp dowam etdirip biljek dalaşgäre öz
seslerini berjekdiklerine berk ynanýaryn.

Türkmenistanyň
Prezidenti wezipesine dalaşgär görkezilen Gökdepe etrap pagta egriji fabriginiň
direktory Saparmyrat Batyrowyň

MAKSATNAMASY

Mukaddes
Garaşsyzlygy­my­zyň şanly 20 ýyllyk toýuny uly ruhubelentlik hem agzybirlik
bilen bellän türkmen halky ýene-de bir möhüm syýasy wa­kanyň bosagasynda dur.
Nesip bolsa, 2012-nji ýylyň 12-nji fewralynda Türkmenistanyň Prezidentligine
saýlawlar geçiriler. Mälim bolşy ýaly, halkara talaplaryna laýyk gelýän,
demokratik esasda, agzybirlik hem asudalyk, ýokary işjeňlik hem jebislik
ýagdaýynda geç­ýän bu syýasy waka türkmen halkyna gadymdan mahsus bo­lan milli
demokratiýanyň da­baralanýandygyny Ýer ýüzüne jar eder.

Ýurdumyz
häzir beýik öz­gert­meler eýýamyny başdan geçirýär. Milli ykdysadyýetiň ähli
pudaklarynda we künjek­lerinde, welaýatlarda, etrapdyr şäherlerde, obalarda uly
öz­gert­meler amala aşyrylýar. Şo­nuň bilen birlikde döwlet gur­luşy, hukuk
ulgamy we saýlaw ulgamy halkara ülňüleriniň talaplaryna laýyklykda özgerdilýär.

Türkmenistan
döwletimiziň syýasy-jemgyýetçilik dur­mu­şyn­da uly üstünlikler gazanyl­ýar we
syýasy jebislik, durmuş taýdan ösüş, ruhy hem-de me­deni galkynyş ýoly bilen
belent sepgitlere tarap ynamly gadam basýar. Häzirki
we geljekki nesillere bagtyýar durmuş üpjün edilýär.

Konstitusiýamyzyň, kanunlarymyzyň
kämilleşdirilmegi Watanymyzyň gülläp ösüşiniň kepili bolup çykyş edýär. Häzirki
zaman türkmen jemgyýeti döwrebaplyk, kanunylyk, milli we dünýä tejribesini ut­gaş­dyrmak,
sagdyn durmuş, ahlak ýörelgeleri bilen öňe bar­ýar. Bu işleri mynasyp dowam
etdirmek biziň her birimiziň jana-jan borjumyzdyr.

Gurýan, döredýän mähriban halkymyz öz
zähmetini we başarnygyny beýik özgertmeler eýýamynyň ägirt uly mak­satnamalaryny
durmuşa geçirmäge gönükdirýär.

Şu geçen döwürde amala aşyrylan uly
özgertmeleriň ne­tijesinde ýurdumyz tanalmaz derejede özgerdi, ykdysady taýdan
ösdi, kuwwatly döwlete öwrüldi. Ýurdumyzyň raýatla­ry­­nyň syýasy we hukuk
düşün­jeliligi ýokary derejelere göterildi. Ýurduň ykdysadyýetini ýokary
galdyrmak, halkyň hal-ýagdaýyny gowulandyrmak bilen baglanyşykly kabul edilen
maksatnamalar özüniň my­nasyp netijesini berýär. Ýurdumyzyň ilaty gaz, elektrik
to­gy, nahar duzy, suw, awtomobil ýangyjy bilen mugt üpjün edilýär.

Türkmenistanyň daşary sy­ýasaty
ynsanperwerlik, hoş­meýillik ýörelgeleri esasynda alnyp barylýar, ýurdumyz
parahatçylygy öňe sürýän, dün­ýäde hopwsuzlyga we durnuk­ly ösüşe çagyrýan we
onuň üp­jün edilmegini ykrar edýän ýurt hökmünde tanalýar, hut şonuň üçin hem
Türkmenistanyň halkara başlangyçlary dün­ýäniň ähli künjeklerinde gyz­gyn
goldawa eýe bolýar.

Ýurdumyzyň her bir raýaty hakyndaky
alada bu gün döw­letimiziň, jemgyýetimiziň baş maksadydyr we Watany­my­zyň
şöhrat-şany, belent abraýy we mähriban halkymyzyň ony gülledip ösdürmek ug­rundaky
aladasy oňa bolan çäksiz söýgüsindedir.

Ýurdumyzyň ilaty hakynda yzygiderli
alada edilmegi, pensiýa, kömek pullarynyň, zähmet we talyp haklarynyň
ýyl-ýyldan ýokarlandyrylmagy, «Döwlet adam üçindir!” diýen baş şygara ýugrulan,
oýlanyşykly alnyp barylýan döwlet syýasatymyz mähriban halkymyzyň jana-jan
bähbitlerine gönükdiriler.

Ýurdumyzyň halkara abra­ýy barha
ýokary derejelere galýar. Türkmen diplomati­ýasy täze öwüşgine, many-mazmuna
eýe bolýar. Ýurdumyzyň diplomatik gatnaşyk­larynyň gerimi ýylsaýyn giňe­ýär. Daşary
ykdysady gat­naşyklarymyz giňelýär. Türkmenistan bilen dip­lomatik gatnaşyk
saklamak isleýän ýurtlaryň sany köpelýär. Iri halkara gu­ramalary ýurtda alnyp
barylýan içeri hem da­şary syýasata ýokary ba­ha berýärler. Ählumumy howpsuz­lygy
we durnukly ösüşi üpjün etmek baradaky ýurdumyzyň öňe süren başlangyçlary dünýä
jemgyýetçiligi tarapyndan gyzgyn goldawa eýe bol­ýar. Mundan beýläk hem bu işi
üstünlikli dowam etdirmegimiz gerek. Ýurdumyzyň halkara derejesindäki abraýy
biziň ählimiz üçin mukaddesdir.

Türkmenistanyň köpugurly energiýa
bazary soňky ýyllarda görlüp-eşidilmedik derejede ýokary göterildi. Türkmenistanyň
Nebit-gaz sena­ga­tyny ösdürmegiň 2030-njy ýyla çenli döwür üçin Maksatnamasy
kabul edilip, geljegi uly bolan nebitli-gazly känleriň üsti açyldy, gaz
geçirijiler guruldy. Türkmen gazy, elektrik togy we nebiti dünýä bazarlarynyň
arzyly harydyna öwrüldi. Ýurdumyzyň ykdysady kuwwatlylygynyň, halkara
arenasyndaky ornunyň pugtalanmagynyň we halkymyzyň röwşen geljeginiň hatyrasyna
bu ugurda amala aşyrylýan giň möçberli işleri mundan beýläk hem dowam
etdireris. Milli baý­lyklarymyzy rejeli peýdalanyp, halkymyzyň, Watanymyzyň
bähbitlerine ulanmak biziň baş wezipämiz bolar.

Ýurdumyzyň ulag we aragatnaşyk ulgamy
milli ykdysadyýetiň çalt depginler bilen ösýän we geljegi uly bolan
pudaklarynyň biridir. Döwlet tarapyndan bu ulgama goýlan maýa goýumlary geljegi
uly bolan halkara ulag geçelgelerini döretmäge gönükdirilendir. Içeri hem
daşarky gatnaw ýollaryna hyzmat edýän ýurdumyzyň awtomobil, demir ýol hem-de
howa ýollarynyň parky häzirkizaman ulag serişdeleri bilen üsti ýetiriler.

Ýurdumyzda üstünlikli amala aşy­ryl­ýan
oba hojalyk hem azyk syýasa­ty ilatyň esasy azyk önümlerine bolan isleglerini
öz önümçiligimiziň hasabyna doly kanagatlandyrmagy göz öňüne tutmak bilen,
döwletimiziň azyk Garaşsyzlygyny üpjün et­mek­lige gönükdirilendir. Oba hojalyk
toplumyny ösdürmek üçin gönükdirilýän maýa goýumlary bu wezipäni üstünlikli
çözmegi üpjün edýär. Obasenagat toplumyna goýberilýän ma­ýa goýumlar bu pudagy
toplumlaýyn özgertmäge we önümçiligi artdyrmaga gönükdiriler. Ýurtda üstünlikli
alnyp barylýan oba hojalyk syýasaty netijesinde ýylyň-ýylyna zähmet
üstünlikleri gazanylar.

Guşgursak türkmen bugdaýy
babadaýhanlarymyzyň halal zähmetiniň netijesi bolup, türkmen saçaklaryna
dolýar. Ak altyna deňelýän ak pagtamyzdan öndürilýän taýýar önümler
«Türkmenistanda öndürilen» diýen harytlyk belgi bilen dünýä bazarlaryn­da
giňden tanalýar. Şonuň üçin hem oba hojalygynda däneçilik bilen bir hatarda
ileri tutulýan pudak pagtaçylyk pudagy bolmagynda galýar. Bu pudagyň
ösdürilmegi bilen senaga­tyň pagta arassalaýjy, ýag öndürýän, dokma pudaklary
ýaly ýurdumyzda täze dörän we geljegi uly bolan pudaklaryň soň­ky ýyllarda
has-da güýçli depginler bilen ösmegine getirdi. Garaşsyzlyk ýyllarynda kemala
gelen we ösüşiň täze belentliklerinde beýik sepgitlere eýe bolan dokma
pudagynyň ýurdumyzyň ykdysady kuwwatlygyny berkitmekde halky­myzyň
hal-ýagdaýyny gowulandyrmakda, iş ýerleri bilen üpjün etmekde we ýurdumyzyň
halkara derejesindäki abraýyny has-da pugtalandyrmakda uly ähmiýeti bardyr.

Garaşsyz ösüşiň 20 ýylynyň içinde
häzirki zaman fabrikleriň onlarçasy guruldy we gurulmagy dowam etdirilýär. Mundan
beýläk hem, pagtany işläp bejermekden tä taýýar önümleri çykarmaklyga çenli
ýola goý­lan gutarnykly önümçilik işlerini go­rap saklamak we ony mynasyp do­wam
etdirmek ugrunda iş alnyp barlar. Bu bolsa, köp mukdardaky oba hojalyk çig
malyna, häzirki zaman gaýtadan işleýän önümçilige we zähmet serişdelerine baý
bolan Türkmenistan ýurdumyzda öndürilýän önümleriň dünýä bazarlaryna
çykarylyşyny artdyrmaga mümkinçilik berer.

Häziki wagtda ýurdumyzyň dokma
senagaty pudagy milli ykdysadyýetiň ileri tutulýan pudaklarynyň birine öwrüldi.
Ýurdumyzda hereket edýän dokma kärhanalarynda dün­ýäniň öň­debaryjy
kompaniýalarynyň iň täze, ýokary öndürijilikli enjamlary ornaş­dyrylyp, daşary
ýurt bazarlarynda ýokary isleg bilen alynýan dürli gör­nüşli harytlaryn
önümçiligi ýola go­ýuldy. Birnäçe täze fabrikler gurlup ulanmaga berildi we
milli ykdysady­ýetimiziň kuwwatlylygyny artdyrmaga mynasyp goşantlaryny
goşýarlar.

Önümçilik desgalaryndan başga-da,
pudakda zähmet çekýän işgär­leriň durmuş-ýaşaýyş şertlerini go­wulandyrmak
maksady bilen, döwrebap ýaşaýyş jaýlar we söwda merkezleri gurlup ulanmaga berilýär.
Pag­taçylyk bilen meşgullanýan her bir etrabyň ilaty üçin goşmaça iş ýerlerini
döretmek mak­sady bilen, kuw­watlylygy şol etrapda öndüril­ýän pagta süýüminiň
möçberine laýyklykda kesgitlenen, gysga döwrüň içinde öz-özüni ödeýän pagta
egriji fabriklerini gurmaklyk häzirki döwürde alnyp ba­rylýar. Pudagy mundan
beýläk hem ösdürmegiň Maksatnamasynda diňe müşderiler tarapyndan isleg bildiril­ýän
dokma önümleriniň önümçiligini artdyrmak we şonuň bilen birlikde içerki hem-de
daşary bazarlara taýýar dokma önümleri ýerlemegiň möçberlerini artdyrmak göz
öňünde tutulýar. Göz öňünde tutulan işleriň amala aşyrylmagy pudagyň ykdysady
ýagdaýyny has-da berkitmäge ýardam berer.

Türkmenistanyň Dokma senagaty
pudagyny 2011-2016-njy ýyllarda dur­muş-ykdysady taýdan ösdürmegiň esasy
ugurlarynyň Maksatnamasyna laýyklykda ýurdumyzyň dürli künjeklerinde täze
fabrikleriň gurlup ulanmaga berilmegi we öň bar bolanlarynyň hem durkuny
täzelemek göz öňünde tutular.

Daşary ýurtlarda gazanylan ýokary
halkara tejribesini ýurdumyzyň dokma kärhanalaryna ornaşdyryp, dokma
önümleriniň hiliniň has-da ýo­kary bolmagyny we geçginliligini gazanmak ugrunda
işleri has-da ýaýbaň­landyrmak bu pudagy ösdürmek babatdaky biziň esasy
wezipelerimiziň biri bolar. Häzirki wagtda Türkme­nistanyň dokma senagaty
sebitde ösen pudaklaryň biri hökmünde tanalýar we bu pudagy sebit möçberinde
däl-de, dünýä derejesinde öňdäki orunlara ýetirmek ugrunda iş alyp barmagymyz
gerek. Munuň üçin bolsa, ähli mümkinçilikler hem, şertler hem bar. Şonuň üçin
hem, biziň her birimiziň öz iş ýerlerimizde jebis durup, halal zähmet
çekmegimiz gerek. Türkmen halkynyň asudalygy Türkmenistan döwletiniň
berkararlygy, rysgal-döwletiniň egsilmezligi, elbetde, oýlanyşykly alnyp
barylýan döwlet syýasatyndadyr we halk bilen häkimiýetiň agzybirligindedir.

Ýaş nesil baradaky alada hem elmydama
ýurdumyzyň baş aladasy bolmagynda galar. Ýaşlaryň ylymly-bilimli, sagdyn ruhly,
berk bedenli bolmaklary barada ýurdumyzda kabul edilen kararlardyr kanunlary,
mak­satnamalary, amala aşyrylýan uly özgertmeleri mynasyp ýerine ýe­tir­mek
we mundan beýläk hem dowam etdirmek biziň baş maksady­myz bolar.

Beýik özgertmeler eýýamynda ýurduň
sport, saglyk we syýahatçylyk ulgamlary düýpgöter täze keşbe gir­ýär. Welaýatlaryň
ählisinde täze stadionlar, hassahanalar, sagaldyş we dynç alyş merkezleri,
şypahanalar, etrapdyr şäherlerde sport mekdepleri we sport desgalary, etrap
hassaha­nalary, oba saglyk merkezleri gurlup ulanmaga berilýär. Aşgabat
şäherinde bina edilen halkara lukmançylyk merkezlerinde diňe bir ýurdumyzyň
raýatlary däl-de, onuň çäklerinden has uzak­larda ýerleşýän döwletlerden hem
gelip sag­lyklaryny bejerd­ýärler.

Aşgabat şäherinde gurlup ulanmaga
berlen halkara sport toplumlary we sport desgalary halkara ýa­ryşlarynyň
geçirilýän ýerine öwrüldi. Mähriban Watanymyzyň paýtagty Aş­gabat şäheriniň
2017-nji ýylda sportuň başa-baş söweşi we ýapyk binalarda geçiril­ýän
görnüşleri bo­ýunça Aziýa oýunlarynyň geçirilýän ýeri hökmünde saýlanylyp
alynmagy ýurdumyzyň sport abraýynyň has-da ýokarydygyny subut edýär. Bu iri
halkara çärä şu wagtdan taýýarlyk görül­ýär. Ýurdumyzda gurlup ulanmaga
berilýän şypahanalar, dynç alyş we sagaldyş merkezleri, Hazaryň ekologik taýdan
arassa türkmen kena­rynda täze döredilen we Aziýanyň merjeni hasaplanylýan
“Awaza” milli syýahatçylyk zolagy halkymyzyň sag­ly­gyny goramak babatda alnyp
barylýan döwlet syýasatynyň miweleridir. Bu ugurlarda alnyp barylýan iş­le­ri
mynasyp dowam etdirip, halky­myzyň alkyşyna eýe bolmakdan uly bagt ýokdur.

Türkmenistanyň Prezidentiniň
saýlawlar güni barha golaýlaşyp gel­ýär. Hemmämiz üçin ähmiýeti uly bolan bu
syýasy çäräni ýokary guramaçylyk derejesinde geçirip, Wata­ny­myzyň at-abraýyny
ýene bir gez beýge galdyrmaga siziň hemmäňizi çagyrýaryn! Görşüňiz ýaly,
saýlawlara taýýarlyk aç-açanlyk, aýanlyk esa­synda geçip dur. Dalaş­gärleriň her
birine kanuna laýyklykda deň şertler döredilen. Olaryň arasynda dürli
wezipedäki, dürli kärdäki adamlar bar. Men olaryň ählisine hem hormat goý­ýaryn.
Mähriban halkymyzyň bolsa, ýurdumyzy ösüşiň täze belentliklerine tarap mynasyp
alyp gidip biljek adama öz seslerini berjekdigine berk ynan­ýaryn.

Türkmenistanyň Prezidenti wezipesine dalaşgär görkezilen

“Türkmennebit” döwlet konserniniň “Nebitgazdüýpliabatlaýyş” müdirliginiň
dolandyryjysy Gurbanmämmet Mollanyýazowyň

MAKSATNAMASY

Täze Galkynyş zamanamyzda Watanymyzyň her bir güni uly
tutumlara beslenip, il-günümizi eşretli geljege alyp barýar. Garaşsyz, baky
Bitarap Türkmenistan özbaşdak ösüş ýolunyň 20 ýyly içinde mil­li ykdysadyýetiň
ähli ugurlary boýunça iň çalt depginler bilen ösýän ýurtlaryň hataryna goşuldy.
Şonuň bilen birlikde dünýä döwletleri bilen hoşniýetli, dostlukly, özara
bähbitli gatnaşyklaryň alnyp barylmagy we ösdürilmegi, adam hakyndaky aladanyň
ilkinji nobatda goýulmagy, tutuş dünýäniň ünsüni özüne çekýär.

Nebitgaz senagatynyň işgärleriniň zemin gatlaklaryna
aralaşyp, ýerasty baýlyk­lary gazyp alyp, halkymyzyň rysgal-berekedine, eşretli
durmuşyna gönükdirilmegi muňa aýdyň şaýatlyk edýär.

Türkmenistan amatly geosyýasy ýagdaýda ýerleşmek bilen örän
köp mukdardaky uglewodorod serişdelerine eýedir. Şoňa görä-de, halkymyzyň
häzirki we geljekki nesilleriniň bähbitleri üçin ägirt uly tebigy we ykdysady
mümkinçilikleri netijeli durmuşa geçirmekde uly işleri alyp bararys.

Özüniň ýangyç serişdeleriniň baý gorlary bilen Türkmenistan
soňky ýyllarda örän ygtybarly we geljegi uly hyzmatdaş hök­münde halkara
derejesinde aýratyn orna eýe boldy. Biziň öňümizde energetika syýasatyna
laýyklykda amatly ugurlar boýunça energiýa serişdelerini dünýä bazarlaryna
ibermegiň esa­sy wezipeleri kesgitlenildi. Nebitgaz pudagyny ösdürmek
ýurdumyzda ileri tutulýan ugurlarynyň biridir. Häzirki wagtda möhüm ýataklaryň
birnäçesi—Garabil, Gurrukbil, Merkezi Garagum topa­ryndaky, Amyderýanyň sag
kenaryndaky we beýleki ýataklar özleşdirilýär. Olaryň hatarynda ýakynda
“Galkynyş”diýen ada eýe bolan
özboluşly ýatakhem bar.

“Asyryň gaz geçirijisi” diýlip atlandyrylýan
Türkmenistan—Hytaý gaz geçirijisiniň, Türkmenistan—Eýran gaz geçirijisiniň
ikinji şaha­synyň ula­nylmaga berilmegi global energiýa howpsuz­lyga, halklaryň
hal-ýagdaýynyň ösü­şine degişli meseleleriň anyk çözülmegine ýardam edýär.

Nebitgaz senagatyny ösdürmegiň 2030-njy ýyla çenli döwür üçin
Maksatnamasynda nebitiň we gazyň çykarylyşyny we gaýtadan işlenilişini birnäçe
esse artdyrmak göz öňünde tutulýar.

Türkmenistanyň nebitgaz toplumynyň ösü­şiniň esasy ileri
tutulýan ugurlary:

— gury ýerde nebiti we gazy gözlemek hem-de çykarmak üçin
ýataklary özleş­dirmek we ygtyýarlylandyrmak;

— Hazar deňziniň türkmen böleginiň ýangyç serişdeleriniň
ýataklaryny öz­leşdirmek;

— turbageçirijiler, desgalar we kommunikasiýalar ulgamynda
nebitgaz toplumynyň infrastrukturasyny döretmek;

— nebiti gaýtadan işlemek we nebitgaz hem-de himiýa
pudaklaryny ösdürmek öňküle­ri ýaly bu toplumyň esasy ugurlary bolmagynda
galar.

Häzirki wagtda Türkmenistanda nebitgaz top­lumynda desgalary
gurmak, ýangyç seriş­delerini halkara bazarlaryna ibermek, şol sanda
Türkmenistan—Hytaý gaz geçirijisiniň ikinji şaha­syny, Türkmenistan—Owga­nystan—Pa­kistan—Hindistan
gaz geçirijisini gurmak bo­ýunça ägirt uly taslamalar amala aşyrylýar. Bu
geljegi uly maksatnamalaryň durmuşa geçiril­megi ýurdumyzda esasy ýörelgeleriň
biri bolup durýar.

Durmuşyň — bilim, saglygy goraýyş, mede­niýet, döwlet durmuş
üpjünçilik ulgamlaryny ös­dürmäge hem uly üns berilýär. Geljekde-de bu işler dowam etdiriler.

Soňky wagtda obasenagat
toplumynyň teh­niki parkynyň ösmegine we giňeldilmegine, ýerleriň melioratiw
ýagdaýyny gowulandyrmaga we oba hojalyk ylmynyň ösdürilmegine uly üns berilýär.

Häzir çig mal öndürmekden
gelýän girdejiler türkmen obasynyň abadançylygynyň ýokarlanmagynyň esasyny
düzýär. Şonuň üçin hem bu önümi öndürmäge gyzyklan­ýanlaryň sany barha artýar,
aýratyn hem tohumlyk çig maly taýýarlamaga isleg örän ýokarydyr. Ýurdumyzyň
obasenagat toplumynyň iň wajyp ugurlarynyň biri hem maldarçylykdyr.

Ýurdumyzyň telekeçileriniň hem
bu ugurda äh­miýeti günsaýyn artýar. Olaryň gatnaşma­gynda gysga wagtyň içinde
guşçulyk pudagy ösdürilýär. Maldarçylyk önümlerini taýýarlamaga degişli bolan
ähli salgytlar ýatyryldy, öri meý­danlaryndan we suw çeşmelerinden mugt
peýdalanmaga mümkinçilik berildi. Maldarçy­lyk boýunça alnyp barylýan işler
geljekde-de dowam etdiriler.

Türkmenistanda häzirki zaman
ýokary teh­nologiki enjamlar bilen üpjün edilen dokma senagaty döredildi. Öň
türkmen eksportynyň düzüminde esasy orny çig mal eýeleýän bolsa, indi
Türkmenistan bäsleşige ukyply taýýar önüm ön­düriji döwlet hökmünde özüni
tanatdy. Türkmen dokmaçylary dünýä bazaryna ynamly çykýarlar we «Türkmenistanda
öndürildi» diýen belgili önümlere uly isleg bildiril­ýär. Geljekde hem bu
önümleri daşary döwletlere eksport etmegiň möçberini köpeltmek göz öňünde
tutular.

Häzirki wagtda ýurdumyzda
gurluşyk materiallaryny öndürýän pudagy ösdürmek boýunça uly işler alnyp
barylýar.

Türkmenistanyň diňe bir
paýtagtynda hem welaýat merkezlerinde däl, eýsem, etrapla­rynda we
şäherlerinde, obalarda hem gurluşyk işleri alnyp barylýar. Ýaşaýyş jaýlaryň,
desgalaryň gurluşygy gün-günden artýar. Bu bolsa gur­luşyk materiallary
senagatynyň çalt depginler bilen ösdürilmegini, önümleriň görnüş­le­riniň
artdyrylmagyny talap edýär.

Bu babatda Türkmenistanda
esasy gurlu­şyk materiallaryny öndüriji kärhanalaryň birnäçesi guruldy we
ulanmaga berildi.

Ahal we Balkan welaýatynda
sement zawody, metal önümi öndürýän Owadandepedäki metallurgiýa zawody, örtgi
önümi bolan tebigy daşdan (mermer, granit we ş.m.) mermer ön­dürýän zawody we
beýlekiler muňa mysal bolup biler. Türkmenistany durmuş-ykdysady taýdan
ösdürmegiň 2011-2030-njy ýyllar üçin Mil­li maksatnamasyny durmuşa geçirmek
üçin, gurluşyk toplumynyň kärhanalarynyň kuw­watyny 2012-nji ýylda 2011-nji
ýyldaka garanyňda birnäçe esse ýokarlandyrmak üçin maýa goýumlaryny artdyrmak
göz öňünde tutulýar.

Gurluşyk senagatypolimer esasly we baş­ga ylmy
tehnologiýalary ulanyp ösüşiň täze tap­gyryna çykdy. Biziň ýurdumyzda
ýangyç-energetika we himiýa toplumlarynyň ägirt uly çig mal serişdeleriniň
bolmagy netijesinde täze tehnologiýalar esasynda zerur bolan gurluşyk
materiallaryny öndürmek babatda netijeli önümçiligi ýola goýmaga mümkinçilik
dörediler.

Türkmenistan ulag-aragatnaşyk
ulgamynyň ösüşine ýurduň bütin ykdysadyýetiniň durnuk­ly ösüşini üpjün edýän
infrastrukturanyň iň mö­hüm pudaklary hök­münde uly ähmiýet berýär.

Demir ýol ulagynyň özüne
çekijiligi eksport-import we üstaşyr ýükleriň kopüsi bu ulag serişdesi arkaly
daşalýandygyndan ybaratdyr. Türkmenistan üstaşyr ýükleri gatnatmakda iň iri
merkezleriň birine öwrüldi.

Täze Galkynyş zamanamyzda
awiasiýa ulgamy uly ösüşe eýe boldy. Häzir her günde Türkmenistanyň üstünden
daşary ýurtlaryň onlarça uçary geçýär. Edil şonuň ýaly, ähli we­laýat
merkezlerine we dünýäniň köp döwletlerine ýolag­çy howa gatnawlarynyň sanyny
artdyrmak üns merkezimizde duran meseleleriň biri bolar.

Deňiz ulagy hem Türkmenistanda
uly ösüşe eýe boldy. Durky täzelenenden soňra Türk­men­başy portunyň geçiriş
mümkinçiligi iki esseden hem köp artdy. Ol ýylyň bütin dowamyn­da deňiz
gämilerini kabul etmäge we ýük ýük­leýiş-düşüriş işlerini bökdençsiz amala aşyr­maga
ukyplydyr.

Şu günki günde ýurdumyzyň
deňiz söwda flotunyň maddy-enjamlaýyn binýadyny pugtalandyrmak meselelerine uly
üns berilýär, iň häzirki zaman gämileri, enjamlary bilen onuň üsti ýetirilýär. Birbada
alty görnüşli nebit önümlerini daşamaga ukyply bolan tankerler hem bar.

Ýurdumyzda telekommunikasiýa
düzümi hem çalt depginde ösýär, täze öýjükli awto­matlaşdyrylan telefon
beketleri gurulýar we ulanmaga berilýär, müşderileriň sany köpelýär. Transaziýa-ýewropa
optika-süýümli aragatna­şyk ulgamy we radio­rele aragatnaşyk ulgamlary guruldy.
Bu işleri dowam etmek we has-da kämil­leşdirmek boýunça geljekde degerli işler
alnyp barlar.

«Türkmentelekom» döwlet
elektro­ara­gat­na­şyk kompaniýasy tarapyndan ilata Internet global maglumat
ulgamyna girmäge mümkinçilik döredilýär. Geljekde hem Internetden peý­da­lanýanlaryň
sanyny iň soňky tehnologiýala­ryň hasabyna artdyrmak üçin işler alnyp barlar.

Halkymyza gazyň, suwuň,
elektrik energi­ýa­synyň, beňziniň mugt berilmegi, durmuş we ulag hyzmatlary
üçin iň pes töleg­ler, aýlyk haklarynyň, pensiýalaryň, talyp haklarynyň, döwlet
kömek pullarynyň dowamly köpelmegi hem döwletiň ilaty durmuş taýdan goldamak
çäreleriniň toplumyna girýär.

Şonuň bilen birlikde hem
ýurdumyzda oba ilatyny arassa agyz suwy bilen üpjün etmek üçin suw arassalaýjy
desgalary, suw geçirijileri gurmak oba durmuşynyň derejesiniň
ýokarlandyrylmagynda we ilatyň saglygyny berkitmekde uly orna eýe bolar.

Aşgabat şäherimiz we welaýat
merkez­lerimiz gözümiziň alnynda saglygy goraýyş edaralarynyň ýokary
tehnologiýaly iri lukmançylyk merkezine öwrüldi. Aşgabadyň günortasynda
ýerleşýän we halkara lukmançylyk merkezlerini birleşdirýän lukmançylyk
şäherçesiniň dü­zümine — Halkara onkologiýa merkezi we Halkara kelle we boýun
kesellerini bejerýän lukmançylyk merkezi goşuldy. Bu ýerde Halka­ra göz
kesellerini bejerýän merkez we Trawmotologiýa merkezi ulanylyşa berildi. Bu
günki gün ýurtda saglygy goraýyş ulgamynyň uly des­galarynyň birnäçesiniň
gurluşygy alnyp barylýar we bu işler geljekde hem güýçli depginde dowam
etdiriler.

Eneleriň we çagalaryň
saglygyny goramak boýunça hyzmatlar dürli lukmançylyk edaralarynyň giň ulgamy
tarapyndan üpjün edilýär. Olara Aşgabatdaky «Ene mähri» atly Halkara Enäniň we
çaganyň saglygyny goraýyş merkezi we ýurduň beýleki şäherlerindäki şuňa meňzeş
merkezler, Gökderedäki we Awazadaky çagalar sagaldyş merkezleri degişlidir.

«Awaza» milli syýahatçylyk
zolagynda onlarça ýokary derejeli myhmanhanalaryň, ulular we çagalar üçin
häzirki zaman sagaldyş we dynç alyş merkezleriniň, sport desgalarynyň we ähli
degişli düzümleriň gurluşygy göz öňüne tutulýar. Bu ýerde ýylboýy hereket ed­ýän,
syýahatçylyk hyzmatlarynyň içerki we halkara bazarlaryndaky häzirki zaman
ýörelgelerine la­ýyklykda gyşky dynç alyş hem ösdü­riler. Geljegi uly
meýilnamalar kenaryň ösmegine we emeli adalary döretmäge mümkinçilik berer.

Türkmenistanda sporta uly üns
berilýär. Welaýat merkezlerinde sport toplumlary, häzirki zaman derejesinde
stadionlar guruldy. Bu bolsa öz nobatynda ýurdumyzyň gelejegi bolan ýaşlary
sporta çekmäge, sagdyn pikirli, berk bedenli ýaşlary ösdürip ýetişdirmäge,
sportuň görnüşleri boýunça halkara ýaryşla­ryna türkmen oglan-gyzlarynyň
gatnaşmagyna uly mümkinçilik berer.

Watanymyzyň mundan beýläk-de gülläp ösmegi üçin öz bilimimi,
ukybymy, tejribämi gaýgyrman zähmet çekjekdigime sizi ynandyrýaryn.

Türkmenistanyň
Prezidenti wezipesine dalaşgär

Annageldi Orazberdiýewiç Ýazmyradowyň

Maksatnamasy

Ýurdumyzyň
Prezidentiniň saýlawlary Garaşsyz, hemişelik Bitarap ýurdumyzda mil­li
demokratiýanyň, adam hukuklarynyň doly berjaý edilýändigini subut edýär.

Täze
Galkynyş we beýik özgertmeler zamanasynyň ýoly bilen öňe barýan ýurdumyzda
amala aşyrylýan düýpli özgertmeler, ykdysadyýetde, syýasatda we medeniýetde
gazanylýan görlüp-eşidilmedik öňegidişlikler berkarar Watanymyzyň ykdysady,
syýasy we sosial binýadyny has-da berkidýär.

Täze
taryhy eýýamda ýurdumyzyň halk hojalygy tutuş täzelenip, düýpgöter özgerdi,
täze önümçilik kuwwatlyklary ornaş­dyrylyp, ägirt uly desgalar, göreni haýran
edýän binalar guruldy.

Galkynyşyň
rowaçly ýoly bilen eşretli ertirlere barýan bagtyýar halkymyzyň her bir güni
şanly wakalara hem-de ajaýyp üstünliklere bes­lenýär, her bir maşgalanyň, her
bir ra­ýatyň asuda, abadan hem-de bolelin durmuşda ýa­şa­magy ugrunda
döwletimiziň alyp barýan içeri we daşary syýasaty, sebitde we dünýäde
parahatçylygy berkitmekde öňe sürýän başlan­gyçlary, ýurdumyzy dünýäniň ösen
döwletleriniň hataryna goşmak boýunça amala aşyrylýan düýpli özgertmeler öz
ajaýyp miwelerini berýär.

Bu
gün türkmen halky, ýurdumyzyň her bir ra­ýaty ajaýyp Galkynyş zamanasynda
Diýary­myzda asuda durmuşy pugtalandyrmak, halkymyzyň ýaşaýyş derejesini ösen
döwletleriň derejesine ýetirmek ugrunda amala aşyrylýan beýik özgert­meleri
dolulygyna makullaýar, ýurtda gazanylýan ajaýyp ösüşlere we zähmet ýeňişlerine
çäksiz buýsanýar, bu beýik özgert­melere we ajaýyp ýeňişlere öz mynasyp go­şandyny
goşmaga çalyşýar.

Ýurdumyzyň
okgunly ösmegine badalga beren täze Galkynyş we beýik özgertmeler eý­ýa­my
türkmen halkynyň şöhratly taryhynyň täze ajaýyp sahypalaryny açýar. Bu aja­ýyp
zamananyň aýdyň ýolunda ýurdumyzda amala aşyryl­ýan düýpli reformalar,
döwletimiziň alyp barýan milli ideologiýasy, şonuň ýaly hem, jemgyýetiň
durmuşyny kämilleşdirmek, halk hojalygyny ösdürmek, obadyr şäherlerimiziň
durmuş-ykdysady ýagdaýyny has-da ýokarlandyrmak barada kabul edilýän çözgütler
ýurdumyzyň saýlap alan ýolunyň dogrudygyna şaýatlyk edýär.

Ýurdumyzyň
durmuş üpjünçiligi, ulag we aragatnaşyk, nebit-gaz hem-de beýleki ulgamlarynda
geçirilýän düýpli özgertmeler, gurulýan zawoddyr fabrikler we önümçilik
desgalary, geçirilýän halkara forumlarydyr sergiler we ylmy maslahatlar
döwletimiziň uly mümkinçilik­leriniň bardygyny ýene bir gezek görkezýär.

Şu
günki duşuşygymyzda diňe soňky ýyl­larda ýurdumyzda gazanylan üstünlikleriň,
gurlan ägirt uly desgalaryň käbirini ýatlasak ýerlik­li bolar diýip hasap
edýärin. Olardan “Awaza” mil­li syýahatçylyk zolagynyň döredilmegi, ýurdumyzyň
hemme welaýatlarynda täze, kämil stadionlaryň we atçylyk sport toplumlarynyň,
Merkezi Aziýada iň iri desgalaryň biri bolan Amy­der­ýanyň üstünden
geçirilen demir ýol köp­rüsiniň, Balkan sement zawodynyň gurulmagy, Garagumuň
jümmüşinde gurlan “Altyn asyr” Türkmen kölüniň birinji nobatdakysynyň ulanmaga
tabşyrylmagy hem-de ýüz­lerçe beýleki iri desgalar, amala aşyrylýan
maksatnamalar ýurdumyzyň ykdysadyýetiniň batly gadamlar bilen ösmeginiň berk
binýady boldy.

Mälim
bolşy ýaly, soňky ýyllarda ýurdumyzda azyk bolçulygyny döretmekde oba hojalyk
pudagynda uly ösüşler, ajaýyp üstünlikler gazanyldy. Oba hojalyk toplumynyň
maddy-tehniki binýady düýpgöter özgerdi, täze önümçilik gatnaşyklary emele
geldi, ýeriň hakyky eýeleri ýetişdi.

Ylmyň
gazananlaryny we öňdebaryjy tej­ribäni önümçilige ornaşdyrmakda, şeýle hem
daýhanyň ýaşaýyş-durmuş şertlerini ýokarlandyrmakda düýpli özgertmeler amala
aşyryldy.

Täze Galkynyş eýýamynda oba hojalyk pudagynda
hem geçirilýän düýpli özgertmeleriň netijesinde gazanylýan üstünlikler barha
artýar. Pagtanyň, bugdaýyň döwlet satyn alyş nyrhlarynyň ýokarlandyrylmagy,
daýhanlar bilen öz wagtynda hasaplaşygyň geçirilmegi oba zäh­metkeşleriniň
yhlasly we öndürijilikli zähmet çekmegine özüniň oňyn täsirini ýetirýär. Mundan
baş­ga-da, döwlet tarapyndan berilýän ýeňillikler oba hojalyk pudagynda zähmet
çekýän daýhanlarymyza maddy taýdan uly kömek bolup durýar.

Oba
hojalyk pudagynda oýlanyşykly reformalaryň geçirilmegi bilen, 2011-nji ýylda
biziň ýurdumyzyň taryhda ilkinji gezek dänäni eksport edýän ýurtlaryň hataryna
goşulmagy aja­ýyp üstünlikleriň biri boldy.

Oba
ilatynyň maddy hal-ýagdaýyny ýokarlandyrmak maksady bilen, döwlet tabşyrygyn­dan
artyk ýetişdiren pagta hasylyny öz islegi boýunça ýerlemäge ygtyýar berilmegi
pagtaçy kärendeçilerimiziň öz zähmetine bolan höwesini artdyrmak­da ýene-de bir
möhüm ädim boldy.

Oba
hojalyk pudagynda ýurdumyzyň sebitleriniň ýerli toprak-howa şertlerine görä
ekin do­lanyşygyny alyp barmak üçin daýhanlara amatly şertleriň döredilmegi
pudakda täze üstünlik­leri gazanmaga giň mümkinçilik­ler döredýär.

Şonuň
ýaly hem, döwletimiziň suw hojalyk ulgamyny ýokary öndürijilikli, kuwwatly
tehnikalar, suw sorujy enjamlar bilen yzygiderli üpjün et­megi, ýeterlik
möçberlerde maliýe serişdelerini goýbermegi biziň öňümizde durýan wezipeleri
üstünlikli çözmäge ýardam edýär. Munuň özi “Altyn asyr” Türkmen kölüniň ikinji
nobatdakysynyň gurluşygyny dowam etdirmäge, suw how­danlarynyň göwrümini
giňeltmäge we beýleki işleri amala aşyrmaga zerur şertleri döredýär.

Hemmämiziň
bilşimiz ýaly, biziň ata-babalarymyz suwa mukaddeslik hökmünde garap
gelipdirler. Şu nukdaý nazardan suwy tygşytly peýdalanmak meselesi geljekde-de
biziň bu ugurdaky işlerimiziň esa­syny düzer.

Oba
hojalyk pudagyny ýurdumyzda öndüril­ýän mineral dökünler bilen üpjün etmek mak­sady
bilen gurulýan täze zawodlaryň sany hem ýyl-ýyldan artýar. Köýtendagyň
sebitinde gurulýan kaliý öndürýän zawodyň we ýene-de dökün öndürjek birnäçe
zawodlaryň gurulmagy geljekde bu pudagyň düşewüntliligini has-da artdyrmaga
ýardam eder.

Türkmenistanyň
Prezidentiniň 2011-nji ýylyň 10-njy ýanwarynda kabul eden kararyna laýyk­lykda
“Türkmenistanyň ilatly ýerlerini arassa agyz suwy bilen üpjün etmek boýunça Baş
maksatnamasyna” laýyklykda bu gün ýurdumyzda amala aşyrylýan çäreler, diňe bir
şäher ilatynyň däl-de, eýsem, oba ilatynyň hem ýaşaýyş-durmuş şertleriniň
düýpgöter ýokarlanmagyna uly go­şant goşar. Bu
wajyp işler geljekde-de suw ho­jalyk pudagynyň esasy wezipeleriniň biri bolar.

Her bir ýurduň ösüş derejesi onuň
raýatlarynyň we maşgalalarynyň durmuş taýdan üpjünçiligi bilen kesgitlenilýär. Biziň
döwletimizde bu ugurda uly işler amala aşyrylýar. Ýurdumyzda yg­lan edilen
“Döwlet adam üçindir!” diýen baş ýörelge her bir raýatyň durmuş üpjünçiligine
gö­nükdirilendir. Ra­ýatlarymyzyň iş orunlary bilen üpjün edilmegi, zähmet
haklaryň, pensiýalaryň, döwlet kömek pullarynyň, talyp haklarynyň yzygiderli
ýokarlandyrylyp durulmagy indi biziň ýurdumyzda adaty ýagdaýa öwrüldi.

Ýeňillikli karz pullaryň hasabyna
ähli amatlyklary bolan öýleri satyn almak, ýaş çatynjalara öý goşlaryny edinmek
üçin berilýän durmuş ýeňillikleri hem yzygiderli artdyrylýar.

Biziň döwletimiziň alyp barýan
syýasatynda adamlaryň bolelin durmuşy möhüm orun eýeleýär. Ilata berilýän mugt
agyz suwy, elektrik ener­giýasy, tebigy gaz, nahar duzy, awtomobil ýangyjy
bilen üpjün edilmegi-de raýatlarymyzyň ýaşaýyş-durmuş şertlerini
ýokarlandyrmaga uly goşant goşýar. Raýatlaryň durmuş-ýaşaýyş şertlerini has-da
ýokarlandyrmak barada ýurdumyzda amala aşyrylýan maksatnamalar ähli halk
tarapyndan doly goldaw tapýar.

Soňky ýyllarda ýurdumyzyň saglygy
goraýyş ulgamy hem görlüp-eşidilmedik ösüşlere eýe bolýar. Adamyň saglygy
döwletimiziň baş aladalarynyň biridir.

Keselleriň öňüni almak, adamlaryň
ömür dowamlylygyny uzaltmak, sagdyn çagalaryň dün­ýä inmegini gazanmak maksady
bilen ýurdumyzda gurulýan “Ene mähri” merkezleri, sag­lygy go­ra­ýyş edaralary,
has­sahanalar, şypahanalar, dynç alyş merkezleri we oba saglyk öýleri, olarda
ornaş­dyrylýan kämil enjamlar muňa şaýatlyk edýär.

«Saglyk» döwlet maksatnamasynyň
durmuşa geçirilmegi bilen ýurdumyzda birnäçe keseller doly ýok edildi. Ýurdumyzyň
saglygy goraýyş ulgamyny ösdürmekde, ylmyň soňky gazananlaryny ornaşdyr­makda
«Saglyk» mak­satnamasy uly orun tutýar.

Türkmenistanyň Ylymlar
akademiýasynyň, onuň düzüminde täze institutlaryň açylmagy ýaş alymlara
döredijilikli işlemäge, täze açyş­lary etmäge, türkmen ylmyny has-da kämilleş­dirmäge
giň mümkinçilikleri döretdi. Ylym ulgamyny ösdürmek döwletiň geljeginiň esasy
görkezijileriniň biridir.

Şu nukdaý nazardan aýdanymyzda,
ýurdumyzyň oba we suw hojalyk ulgamlaryny ösdürmekde häzirki zaman ylmynyň we
teh­nikanyň gazananlaryny önümçilige ornaş­dyrmak­lyga uly üns berler.

Her bir raýatyň durmuşyny özbaşdak
gurmagy, jemgyýetde mynasyp ornuny tapmagy üçin, öz islegine görä hünär
bilimini almaga uly mümkinçilikler döredilýär.

Bilşimiz ýaly, täze Galkynyş we beýik
özgert­meler zamanasynda ýurdumyzda gurulýan täze orta mekdepleriň, ýokary okuw
jaýlarynyň sany barha artýar. Bu bilim ojak­laryň gurluşy, olardaky otaglaryň
enjamlaş­dyrylyşy hil taýdan dünýä talaplaryna doly gabat gelýär, okuw­çylaryň
we talyplaryň bilim derejesiniň artmagynda uly orun eýeleýär. Olaryň okuw
kitaplary we gollanmalar bilen döwlet tarapyndan üpjün edilmegi-de, bu ulgam
hakynda uly aladalaryň bardygyny görkezýär. Talyplaryň diňe bir okuw jaýlary
ýa-da okuw esbaplary bilen üpjün edilmegi däl-de, olaryň ýaşaýyş-durmuş
şertleri hakynda hem uly işler amala aşyrylýar.

Döwletimiz tarapyndan durmuşa geçiril­ýän
bu işler, raýatlarymyz üçin döredilýän amatlyklar ýaş neslimiziň sagdyn
bedenli, bilimli, sowatly adamlar bolup ýetişmekleri üçin ähli şertleri döredýär.


Milli medeniýetimizi, däp-dessurla­rymyzy
gorap saklamak, olary dowam etdirmek üçin hem döwletimiz uly işleri durmuşa
geçirýär. Her bir welaýatda Taryhy we ülkäni öwreniş muzeýleriniň,
kitaphanalaryň gurlup ulanmaga berilmegi, gadymy ýadygärliklerimiziň ylmy
taýdan öw­renilip, täze açyşlaryň edilmegi, gadymdan gel­ýän milli
däp-dessurlarymyzyň gaýtadan dikeldilmegi munuň aýdyň mysalydyr. Mil­li
medeniýetimiz we däp-dessurlarymyz biziň geçmişi­mizi, şu günümizi we
geljegimizi kesgitleýär. Şonuň üçin hem, milli medeniýetimizi ösdürmek barada
ýurdumyzda geçirilýän işler türkmen halkyny dünýä tanatmakda uly goşant goşar.

Garaşsyz, hemişelik Bitarap ýurdumyz
täze Galkynyş we beýik özgertmeler zamanasynda bedew bady bilen öňe barýar.

Türkmen halkynyň şu günki we
geljekki nesilleriniň bagtyýar durmuşda ýaşama­gyna gönükdirilen beýik
maksatnamalary amala aşyrmakda biziň her birimiziň öňümizde örän uly
jogapkärçilikli wezipeler durýar. Şol wezipeleri agzybirlik bilen ýerine
ýetirmek biziň mukaddes borjumyzdyr.

Türkmenistanyň
Prezidentiniň wezipesine dalaşgär görkezilen

«Türkmengaz» döwlet konserniniň «Marygazçykaryş» müdirliginiň başlygy Kakageldi
Bäşimowiç Abdyllaýewiň

MAKSATNAMASY

Garaşsyz, hemişelik Bitarap Türkmenistan döwletimiz
mukaddes Ga­raşsyzly­gymyzyň 20 ýyly içinde uly hem-de şöhratly ýol geçdi.
Ýurdumyzyň içeri syýasatyn­da jemgyýetiň durmuşynyň ähli ugurlarynda düýpli
özgertmeler amala aşyry­lyp, gysga taryhy möhletde ýurdumyzy dün­ýäniň iň ösen
we öňdebaryjy döwletleriniň hataryna deňleş­dirmek wezipesi öňde goýuldy,
daşary syýasatda bolsa oňyn Bitaraplyk, dün­ýäniň ähli ýurtlary we
halklary bilen dostluk hem-de hyzmatdaş­lyk gatnaşyk­laryny berkitmek we
ösdürmek ýörelgelerine esaslanýan ugur seçilip alyndy. Şu maksatlara ýetmegiň
ýolunda köp işler edilip, ýurdumyzy täzeden galkyndyrmak boýunça giňden
ýaýbaňlandyrylan maksada okgunly syýasat netijesinde türkmen döwleti dünýä
bileleşi­gin­de mynasyp orny eýeledi.

Häzirki zaman Türkmenistan hemmetaraplaýyn
sazlaşykly ösýän, öz mil­li yk­dysadyýeti, medeniýeti, özbaşdak içeri we daşary
syýasaty bolan, dünýäde giňden ykrar edilen, Bitarap, parahatçylyk söýüji
döwlet hökmünde tanalýar.

Halkymyzyň
agzybirligine, gujur-ga­ý­ratyna, zähmetsöýerligine, döredijilik mümkinçiliklerine,
akyl-paýhasyna da­ýanmak bilen, onuň tagallalaryny täze Galky­nyş zamanasynda
gazanylan üstünlikleri has-da berkitmäge, Watanymyzyň kuw­watyny mundan
beýläk-de pugtalandyrmaga, halkyň hal-ýagda­ýyny yzygiderli gowulandyrmaga,
dünýäniň ähli ýurtlary bilen deňhukukly gat­naşyklary ösdürmä­ge we giňeltmäge
gönükdiriler. Bu işde esa­sy ýörelgämiz döwletimiziň Bitaraplyk hukuk derejesi,
Türkmenistanyň Konstitusiýasy we kanunlary bolar.

Täze
Galkynyş we düýpli özgertmeler zamanasynda türkmen döwleti öz ösüşinde has
ýokary sepgitlere çykdy. Şoňa görä-de, gazanylan üstünliklere, ýetilen
sepgitlere daýanmak hem-de döwleti dolandyrmakda toplanan tejribäni giňden
ulanmak arkaly has öňe gitmeli, halkyň ýaşaýyş-durmuş de­rejesini dünýäniň ösen
döwletleriniň derejesine ýetirmeli. Şu maksatlara ýetmek üçin ýurdumyzda ähli
şertler bar, ýagny, halkyň agzybirligi, jebisligi, ertirki güne ynamy, oý­lanyşykly,
hemmetaraplaýyn esaslandyrylan maksatnamalar, dünýä ösüşinden gowy baş
çykarýan, häzirki zaman ylmynyň gazananlaryny, öňdebaryjy tehnologiýalary
önümçilige ornaşdyryp bilýän kämil işgärler, ýurdumyzyň ykdysady we ruhy-ahlak
kuwwaty, dünýä döwletleri bilen ýola goýlan dürli ugurlardaky deňhukuk­ly
gatnaşyklar bu wezipä hötde gelmäge doly mümkinçilik berýär. Türkmenistany
durmuş-ykdysady taýdan ösdürmegiň, halkyň hal-ýagdaýyny gowulandyrmagyň
oýlanyşykly işlenip düzülen we häzirki wagtda üstünlikli durmuşa geçiril­ýän
strategiýasy halka daýanyp, halkyň abadançylygynyň hatyrasyna öňe gitmäge ähli
şertler dörediler.

Biz
ýurdumyzyň ykdysady kuw­watyny artdyrmagy ozaly bilen, ykdysadyýetiň bin­ýatlyk
pudaklary, ýagny, nebitgaz we mineral serişdeler, energetika, himiýa, oba
hojalyk pudaklaryny sazlaşykly ösdürmekde görýäris. Çünki bu pudaklaryň çalt
depginlerde ösdürilmegi ilatyň durmuş derejesini köp derejede kesgitleýär. Bu
pudaklardan döwletimize gelýän girdejiler halkyň-ýaşaýyş durmuş derejesini
ýokarlandyrmaga, durmuş maksatly, ýagny, ýaşaýyş jaýlarynyň, mek­dep­leriň,
çagalar bag­larynyň, saglygy goraýyş we medeniýet edaralarynyň gurluşy­gyna
gönükdiriler. Ýurdumyzyň esasy baýly­gy bolan, dün­ýä bazarlarynda uly isleg
bildi­rilýän nebitiň, tebigy gazyň, elektrik energi­ýasynyň we beýleki mineral
serişdeleriň has köp öndürilmegi üns merkezinde saklanar.

Şeýle
hem biz ýurdumyzyň geljekki ösü­şiniň esasy şertini bazar gatnaşyk­laryna
tapgyrma-tapgyr geçmek arkaly onuň ykdysady ulgamyny düýpli özgertmekde
görýäris. Türkmenistan dünýäde tebigy baýlyklara we energiýa çeşmelerine baý,
kuwwatly döwletleriň biridir. Häzirki wagtda ýurdumyz dünýäniň iri energetika
döwletleriniň hatarynda mäkäm orun aldy we özüniň energetika strategiýasyny
üstünlikli durmuşa geçirýär. Öň­de ýangyç-energetika toplumynyň kärhanalaryny
toplumlaýyn döwrebap­laşdyrmak we tehniki taýdan täzeden enjamlaşdyrmak,
pudagyň çig mal binýadyny, şol sanda täze açylan nebitgaz ýataklarynyň senagat
taýdan çalt özleşdirilmegini gazanmak, şeýle hem türkmen energiýa serişdelerini
dünýä bazarlaryna ibermegiň köpugurly ulgamy­ny döretmek esasy wezipeler bolup
dur­ýar. Garaşsyzlygyň 20 ýyly içinde Amyder­ýanyň sag kenarynda, Merkezi
Garagumda, deňiz ýalpak­lygynda we Hazaryň kenar ýakasyndaky zolaklarda köp
sanly geljegi uly ýatak­lar açyldy. Häzirki wagtda “Galkynyş” gaz käni ady
bilen tanal­ýan Günorta Ýolöten, Osman, Ýaşlar, Minara gaz känler toplumy gory
boýunça dünýäde ikinji orunda durmak bilen, 26,2 trillion gaz goruny özünde
jemleýär. “Galkynyş” gaz käniniň ýyllyk kuwwatlylygy haryt gazynda 30 mlrd.
kubmetr bolan birinji tapgyrynyň gurluşyk işleri öňdebaryjy daşary ýurt
kompaniýalary tarapyndan alnyp barylýar we dowam etdiriler. Geljekde bereketli
türkmen topragynyň as­tyn­da asyrlarboýy gizlenip ýatan tebigy baýlyklaryň,
mineral serişdeleriň geologiýa-gözleg hem-de buraw işleri dowam etdiriler we ol
baýlyklar mähriban halkymyzyň abadançylygynyň bähbitlerine gönükdiriler.

Türkmenistan
öz energiýa seriş­delerini dünýä bazarlaryna ibermegi diwersifika­siýalaşdyrmak
boýunça anyk çäreleri durmuşa geçirer. Amyderýanyň sag kenaryndaky geljegi uly
ýataklardan gözba­şyny alyp gaýdýan Türkmenistan—Hytaý transmilli gaz
geçirijisiniň geçirijilik ukyby has-da artdyrylar. Türkmenistan—Eýran gaz
geçirijisiniň ikinji şahasy boýunça, şeý­le hem demirgazyk ugra, ýagny Russiýa
Federasiýasyna tebigy gazyň ibe­rilişini artdyrmaga ähli mümkinçilikler bar.
Türkmenistan—Owganystan—Pakis­tan—Hindistan gaz geçirijisini gurmagyň
taslamasyny amala aşyrmak ugrunda ähli tagallalar ediler.

Bizde
türkmen gazyny Ýewropa ýurtlaryna ibermek, şol sanda ony Hazarüsti gaz
geçirijisini gurmagyň hasabyna amala aşyrmak üçin hem giň münkinçilikler açyl­ýar.
Geljekde Ýewropa ýurtlarynda energiýa serişdelerine bolan islegiň artjakdy­gy­ny
göz öňünde tutsaň, ol ýurtlaryň bu barada­ky gyzyklanmasy barha artýar. Biziň
ýur­dumyz bu babatda tagallalaryny gaýgyrmaz. Çünki häzir dünýäniň nebitgaz işe­würliginiň
wekilleri tarapyndan bu ugurda täze taslamalar we teklipler hödürlenilýär.

Ilaty
we senagaty elektrik energiýasy bilen bökdençsiz üpjün etmek, ony daşary
ýurtlara köp möçberlerde ibermek, elektrik beketlerini we ulgamlaryny netijli
ulanmak we durkuny täzelemek, aýratyn-da oba ýerlerini tok bilen dur­nuk­ly
üpjün etmek, maşyn gurluşygyny ösdürmek ileri tutulýan meseleleriň biri bolar.

Türkmenistanyň
nebitgaz senagatyny ösdürmegiň 2030-njy ýyla çenli döwür üçin Maksatnamasynda
öňde goýlan wezipeleriň ýerine ýetirilmegi we bellenilen sepgitlere ýetilmegi
netijesinde Türkmenistanyň ykdysady kuwwaty has-da ýokarlanar hem-de halkymyzyň
durmuş derejesini gowulandyrmak üçin mümkinçilikleriň çägi has-da giňär.

Biz ykdysady syýasaty ýöretmegi ma­ýa goýum
syýasatyny, maliýe we karzlaş­dyrmak, daşary ykdysady syýasaty, ylmy-tehniki
ösüşi, salgyt we býujet syýasatyny yzygiderli kämilleşdirmekde we sazlaşykly
alyp barmakda görýäris. Ýurdumyzyň ykdysady binýadyny has-da berkitmek üçin çig
mallary we önümçilik kuwwatyny netijeli peýdalanmak, ýangyç-energetika, himiýa,
dokma, oba hojalyk pudaklaryny has-da ösdürmek, hususy telekeçiligi we
işewürligi goldamak, ykdysadyýetimiziň dünýäniň hojalyk ulgamyna giňden goşul­magyny
üpjün etmek, daşary söwda-ykdy­sady gatnaşyklary ösdürmek, ýetmezçiliksiz
ýokary girdejili býujeti düzmek, milli puluň hümmetini saklamak, halk
hojalygynyň ähli pudaklarynyň durnukly, sazlaşyk­ly ösüşini, adamlaryň durmuş
taýdan gorag­lylygyny üpjün etmek ýaly meseleler döwletiň üns merkezinde
bolmalydyr diýip hasaplaýarys.

Obany özgertmek, oba ilatynyň mynasyp
durmuşyny üpjün etmek biziň esa­sy wezipelerimiziň biri bolar. Täze Galkynyş we
düýpli özgertmeler zamanasynda türkmen obasynyň ykbaly göterildi we obalarda
ýaşaýyş-durmuşyň şäher amatlyk­lary barha giňden or­naşýar. Muny tarp ýerlerde
döredilen täze etraplaryň mysa­lynda aýdyň görmek bolýar. Obany galkyndyrmagyň
uzakmöhletleýin maksatnamasy dur­muşa geçirilýär. Şol maksatnamanyň çäklerinde
biz ähli tagallalary birleşdirip, oba ýerlerinde ilatyň öz seriş­deleriniň we
döwletiň ýeňillikli karzlarynyň hasabyna ýaşaýyş jaýlarynyň gurluşygy­ny,
döwrebap mekdepleriň, çagalar bag­larynyň, saglyk öýleriniň, medeniýet eda­ralarynyň
gurluşygynyň has çalt depginlerde alnyp barylmagyny, elekt­rik, gaz, suw
geçirijileriň durkuny täzelemek we beýleki amatlyklary döretmek, oba bilen
şäheriň ýaşaýyş-durmuş şertlerini has ýakynlaş­dyrmak barada ähli çäreleri
göreris. Ýurdumyzyň welaýatlaryny, etrapdyr şäherlerini baglanyş­dyrýan
ýollary, şeýle hem obalara barýan ýollary, ilatly ýerleriň köçelerini
abadanlaşdyrmak baradaky işleriň depginlerini çaltlandyrarys. Munuň üçin
gurluşyk edaralarynyň we guramalarynyň maddy-enjamlaýyn binýadyny berkitmek,
hususy gurluşyk edaralarynyň sanyny artdyrmak, telekeçiligi ösdürmek
meselelerine döwlet tarapyndan ýakyndan goldaw berler.

Gysgaça
aýdylanda, geljekde-de türkmen topragynyň iň alysdaky künjek­lerinde hem
obasenagat we medeni-durmuş maksatly binalardyr desgalaryň, abadan­laşdyrylan
ýaşaýyş jaýlarynyň gurluşygy dowam etdiriler, sazlaşykly we bökdençsiz işleýän
gaz, suw, elekt­rik üpjünçilik ul­gamy dörediler, awtomobil ýollary we telefon
aragatnaşygy has giňden ýola goý­lar, şeýle hem oba ilaty üçin täze iş orunlary
dörediler.

Gazanylan
üstünlikleri berkitmek hem-de daýhanlar üçin döredilen kepil­likleri saklap
galmak bilen bir hatarda, biz geljekde oba hojalyk önümlerini artdyrmagy diňe
bir ekin meýdanlaryny giňeltmegiň hasabyna däl-de, ýeriň hasyllylygyny
ýokarlandyrmagyň hasabyna gazanmagy wezipe edip goýýarys. Şunda ekin dolany­şygyny
giňden or­naşdyrmaga, ýerleriň melioratiw ýagdaýyny gowulandyrmaga,
ekerançylygyň medeniýetini ýokarlandyrmaga düýpli üns berler. Mundan başga-da,
pagtaçylygy we däneçiligi ösdürmek bilen bir hatarda gök we bakja önümleriniň,
miweleriň öndürilişini artdyrmak üçin ýerler bölünip berler.

Türkmenistanyň
tebigy howa şertleri oba hojalyk önümleriniň köp görnüş­lerini—ekologiýa taýdan
arassa gök önümlerden we miwelerden başlap, dokma senagaty we senagatyň beýleki
pudaklary üçin gymmatly çig mala çenli dürli önümleri öndürmäge mümkinçilik
berýär. Munuň üçin bolsa geljekde häzirki zaman tehnologiýalary, öňdebaryjy
tejribe, önümçiligi guramagyň we ýöretmegiň kämil usullary or­naşdyrylar, dürli
görnüşdäki ýokary öndürijilikli tehnikalar satyn alnar, zerur bolan maýa go­ýumlary
goýberiler.

Şunuň
bilen baglylykda, oba hojaly­gyny mundan beýläk-de ösdürmek üçin ýeri netijeli,
suwy tygşytly peýdalanmagy, pudagyň maddy-enjamlaýyn bin­ýadyny yzygiderli
berkitmegi, tohumlaryň hilini, dökünler bilen üpjünçiligi gowulandyrmagy, oba
hojalyk ekinleri ýerleşdirilende ýur­dumyzyň howa-toprak şertleriniň na­zarda
tutulmagyny we hojalygy dolandyrmagyň usullaryny kämilleşdirmegi ilkinji nobatdaky
meseleleriň hatarynda görýä­ris.

Obalarda
kärendeçileriň, ýer eýeleriniň öndüren oba hojalyk önümlerini gaýtadan
işlemegiň hasabyna ahyrky önümiň ön­dürilişiniň giňden ýola goýulmagy,
adamlaryň önümleri gaýtadan işleýän hususy kiçi kärhanalary döretmek baradaky
isleg­leriniň ähli çäreler arkaly goldanylmagy azyk bolçulygyny döretmäge uly
goşant bolar. Munuň özi ilaty et, süýt we beýleki azyk önümleri bilen elýeter
bahalardan üpjün etmäge, ýerlerde iş orunlarynyň döredilmegine ýardam eder.

Ýurdumyzda
giň göwrümli şäher­gurlu­şyk maksatnamasyny durmuşa geçirmekde ägirt uly
üstünlikler gazanyldy. Garaşsyzlyk ýyllarynda millionlarça inedördül metr
meýdany bolan ýokary hilli ýa­şaýyş jaýlary guruldy, türkmenistanlylaryň
müňlerçesi ýokary amatlyklary bolan ýaşaýyş jaýlaryny edindiler. Ýurdumyzda
hususy ýaşaýyş jaýlarynyň gurlu­şygy barha giň gerim alýar, ýeňillikli karz­laryň
hasabyna ýaşaýyş jaýlaryny satyn alýanlaryň sany barha artýar. Döwlet mundan
beýläk hem ýaşaýyş jaýlarynyň gur­luşygyna döwlet syýasatynyň ileri tutulýan
ugurlarynyň biri hökmünde aýratyn üns berer.

Döwlet raýatlaryň iş bilen üpjünlik
meselesini hem üns merkezinde saklar. We­laýatlaryň öndüriji güýçlerini we
olaryň ýerleşiş aýratynlyklaryny nazara almak bilen, täze önümçilik kuwwatlyk­lary
işe giriziler, ozaldan bar bolanlarynyň durky täzelener, täze gurluşyklaryň
düýbi tutular, telekeçilik giň goldawa eýe bolar. Şu we beýleki çäreleriň
netijesinde täze iş orunlary dörediler.

Türkmenistanyň Konstitusiýasynda
bellenilişi ýaly, biz bazar gatnaşyklaryna kem-kemden geçmek bilen bazar
ykdysadyýetiniň durmuş ugra gönükdirilen nusgasyny saýlap aldyk. Şeýlelikde, bu
ýol bilen öňe tarap hereket etdigimizçe, bazar gatnaşyklarynyň her bir
tapgyrynda ilaty durmuş taýdan goramaga, adamlaryň ýaşaýşyny, zähmet we dynç
alyş şertlerini gowulandyrmaga gönükdirilen çäreler amala aşyrylar.

Ýurdumyzda Garaşsyzlyk ýyllarynda,
aýratyn-da täze Galkynyş we düýpli öz­gertmeler zamanasynda ilatyň sag­lygyny
goramak, sagdyn durmuş ýörelgesini ornaşdyrmak barada hem deňi-taýy bolmadyk
uly sepgitlere, ösüşlere ýetildi.

Ilata edilýän lukmançylyk we beýleki
hyzmatlaryň ähli görnüşlerini guramak, adamlaryň barha ösýän medeni, ruhy
isleglerini kanagatlandyrmak, zähmet hem-de dynç alyş şertlerini gowulandyrmak
me­seleleri bilen meşgullanýan ähli edaralaryň we gulluklaryň işi mydama
döwletiň üns merkezinde saklanar.

Ylmy, bilimi we medeniýeti üstünlikli
ösdürmek her bir döwletiň öňe gitmeginiň we pajarlap ösmeginiň esasy şertidir. Şu
hakykatdan ugur alyp, türkmen döwleti geljekde hem bu ugra möhüm ähmiýet be­rer.
Hemmetaraplaýyn sowatly, ýokary hü­närli, işbaşarjaň, sagdyn, ruhubelent ýaş­lary
ösdürip ýe­tişdirmek döwletiň esasy aladalarynyň biri bolar.

Garaşsyzlyk ýyllarynda ýurdumyzda milli medeniýetimizi täze belentliklere
çykarmak üçin köp işler edildi, halkymyzyň ruhy durmuşy baýlaşdy. Milli
medeniýeti ösdürmek, milli gymmatlyk­lary aýawly sak­lamak, dikeltmek we üstüni
ýetirmek, adamlarda ruhubelentligi, ýokary ahlak­lylygy terbiýelemek meseleleri
döwletiň hemişe üns merkezinde bolar.

Garaşsyz, hemişelik Bitarap döwletimiziň sebitde we dünýäde
parahatçylygy, howpsuzlygy we durnukly ösüşi üpjün etmäge, dünýäniň ähli
döwletleri bilen parahatçylyk söýüjilikli, deňhukukly, özara bähbitli
gatnaşyklary ýola goýmaga gö­nükdirilen parasatly içeri we daşary syýasaty
dünýä ýüzünde giňden goldanylýar. Şeýle syýasat geljekde-de türkmen döw­letiniň
he­mişelik ýörelgesi bolar.

Ýurdumyzda Türkmenistanyň
Prezidentiniň saýlawlaryna taýýarlyk işleri barha ýaýbaňlanyp, bu möhüm çäre
halkymy­zyň ruhy taýdan ýokary gö­terilişiniň ýagdaýynda, aýanlyk we aç-açanlyk
şertlerinde geçýär.

Özüme bildirilen şeýle belent
ynam üçin mähriban saýlawçylarymyza ýene-de bir gezek tüýs ýürekden hoşallyk
bildir­ýärin. Mähriban Watanymyzyň mundan beýlägem pajarlap ösmegi, halkymyzyň
bagtyýar, bolelinlikde ýaşamagy üçin ähli tagallalary etjekdigime ynandyrýaryn.

Türkmenistanyň
Prezidentiniň wezipesine dalaşgär görkezilen Türkmenistanyň Prezidenti
Gurbanguly Berdimuhamedowyň

Maksatnamasy

Hormatly watandaşlar!

Mähriban halkym!

Bilşiňiz ýaly, ýakynda Saýlawlary we
sala salşyklary geçirmek baradaky Merkezi topar meni Türkmenistanyň
Prezidentiniň saýlawlarynda dalaşgär hökmünde hasaba aldy.

Şu gün men siziň öňüňizde çykyş edip,
mähriban Watanymyzyň geljegini nähili göz öňüne getirýändigim baradaky öz
garaýyşlarymy masla­hat­laşmak, Garaşsyz, Bitarap Türkmenistanyň Prezidentiniň
wezipesinde amala aşyrjak işlerimiň maksatnamasy bilen tanyşdyrmak isleýärin. Bu
çykyş hemmeler üçin — öz hal­ky­na hyzmat etmegiň ýeňil bolmadyk,
örän jogapkärli borç­laryny üstüne alýan adam hökmünde meniň üçin hem,
maksatnamada göz öňünde tutulan işleriň ýerine ýetirilişine gö­zegçilik etmeli
adamlar bolan siziň üçin hem örän möhüm diýip pikir edýärin.

Siz meniň häzire çenli eden işleri­mi
gowy bilýärsiňiz, şoňa görä-de, bu işlere baha berip bilersiňiz. Häzir bolsa
men sizi geljek 5 ýylda amala aşyrjak iş­lerimiň maksatnamasy bilen tanyşdyr­mak
isleýärin.

Bilşiňiz ýaly, Türkmen döwletini ös­dürmegiň
täze tapgyrynda öňümizde duran wezipeleri biz Türkmenistanyň Ýaşulularynyň
nobatdaky maslahatynda beýan etdik. Özboluş­ly demok­ratik gurama bolan Ýa­şu­lularyň
maslahatyna gatnaşyjylar öňde goýlan bu wezipeleri makulladylar.

Häzir men ilki bilen, alyp barýan da­şary
syýasatymyz barada öz gara­ýyşlarymy beýan etmek isleýärin.

Häzirki Garaşsyz Türkmen döwletinde
durmuşa geçirilýän täzeleniş strategiýasy dünýäniň dürli ýurtlary we abraýly
halkara guramalary, ilkinji nobatda bolsa, Birleşen Milletler Guramasy bilen
giň gerimli we netijeli hyzmatdaşlyk etmek arkaly amala aşyrylýar.

Türkmenistan dünýädäki iň uly,
häzirki zamanyň ählumumy meselelerini çözmek boýunça alnyp baryl­ýan işlerden
çetde durmaýar. Bu ugurda biziň ýurdumyz halkara bile­leşigi bilen arkalaşykly
hyzmatdaşlyk edýär. Sebitde parahatçylygyň we abadançylygyň ygtybarly daýanjy
bolmak bilen, biziň ýurdumyz öňdebaryjy başlan­gyçlar bilen çykyş ed­ýär. Bu
başlan­gyçlar bolsa biziň alyp barýan, dünýä bileleşigi tarapyndan giňden ykrar
edil­ýän we goldanyl­ýan, ählumumy bähbitleriň hatyrasyna açyk hem-de özara
bähbitli hyz­matdaşlyk etmäge gönükdirilen sy­ýasatymyzyň üýtgewsizdigini
tassyk­laýar.

Biz geljekde hem ähli ýurtlar bilen
deňhukukly esasda özara bähbitli hyzmatdaşlyk etmek we netijeli gatnaşyklary
alyp barmak üçin açyk bolan halkara syýasatymyzy bitarap­lyk ýörelgelerimizi
nazara almak bilen durmuşa geçirmegi maksat edin­ýäris.

Hormatly watandaşlar!

Döwletimiziň ösüşiniň indiki
tapgyrynyň düýp manysy durmuşa geçir­ýän özgertmelerimizi yzygiderli
ösdürmekden we durnukly amala aşyr­makdan ybaratdyr. Döwletimizi galkyndyrmagyň
we berkarar etmegiň ilkinji döwrüniň wezipelerini öňümizde goýmak we esasan
üstünlikli çözmek bilen, biz indiki tapgyra — ösüş tapgyryna gadam basdyk. Biz
ýurdumyzy ösdürmegiň bu tapgyryn­da öňümizde durýan wezipeleri çöz­mäge hem
taýýardyrys.

Biziň wezipämiz — XXI asyrda
Türkmenistany berk binýatly, kuwwatly, abadan, ýokary derejede ösen, bäsleşige
ukyply döwlete öwürmekden ybaratdyr.

Hut şonuň üçin hem, agrar ýurt bolan
Türkmenistany senagat taýdan ösen döwlete öwürmek biziň ilkinji nobatdaky
wezipelerimiziň biridir.

Ýurdumyzda ylmy ösdürmek hem
döwletimiziň alyp barýan syýasatynyň strategiýasyna öwrüler.

Öňümizde durýan giň gerimli
wezipeleri durmuşa geçirmek üçin biz, elbetde, iň täze tehnologiýalary, ylmyň
we tehnikanyň gazananlaryny dur­muşa ornaşdyrmagyň hasabyna ýurdumyzyň ykdysady
kuwwatyny pugtalandyrmagy, netijede, Watanymyzda ylmy we bilimi mundan
beýläk-de hil taýdan ösdürmegi göz öňünde tutýarys. Ylym we bilim bolsa, eziz
Diýarymyzy ösdürmegiň ileri tutul­ýan iň esasy ugurlarynyň biri bo­lupdy we
geljekde hem şeýle bolmagynda galar.

Bu wezipeler ýurdumyzyň ähli
ýerlerinde diňe bir täze zawodlaryň we fab­rikleriň guruljakdygyny däl-de,
eýsem, iň häzirki zaman enjamlary bilen üpjün edilen, gutarnykly önümçilik
tapgyry bolan, ägirt uly senagat toplumlarynyň dörediljekdigini hem aňladýar.

Men ýurdumyzyň täze taryhy dö­wür­däki
kanunalaýyk ösüşi türkmen jem­gyýetiniň durmuşyna innowasiýalary ornaşdyrmak
üçin esas bolup durýar diýip hasap edýärin.

Ýurdumyzy innowasiýalar ýoly bilen
ösdürmegiň indiki tapgyry adamlaryň durmuşyny hil taýdan özgert­mäge ni­ýetlenen,
türkmen jemgyýetiniň ösüşiniň durnuklylygyny, dur­muşa ukyplylygyny we
netijeliligini ýokarlandyrmaga ýardam berýän, anyk mak­satlara gönükdirilen top­lumlaýyn
işleri alyp barmakdan ybaratdyr.

Täze döwür, elbetde, amala aşyr­ýan
özgertmelerimizi kabul etmäge we goldamaga jemgyýetiň taýýar bolmagyny hem
talap edýär.

Şonuň üçin hem, biz häzirki zamanyň
ähli kommunikasiýa we multimedia tehnologiýalaryny ele alan işgär­leriň we
hünärmenleriň täze neslini taýýarlamaga aýratyn üns bereris.

Adamzat paýhasynyň gazanan häzirki
zaman ösüşiniň iň çylşyrymly wezipelerini çözmäge ukyply, ösen maglumatlar
jemgyýeti boljak biziň ýurdumyzyň geljegi şol adamlara bag­ly bolar.

Biz öz öňümizde ykdysady strate­giýamyzyň
ähli tebigy-geografik we durmuş-psihologik aýratynlyklaryna laýyk gelýän anyk
wezipeleri goý­ýarys.

Biz ýurdumyzyň ähli mineral-çig mal
serişdelerini adamlaryň abadan durmuşda ýaşamagyna gönükdireris, oba hojalyk,
senagat hem-de ne­bitgaz önümleriniň doly möçberde gaýtadan işlenmegini
gazanarys.

Oba hojalyk pudagynda biz öri
meýdanlarynda bakylýan maldarçylykdan ähli öňdebaryjy enjamlar, aw­tomatlaşdyrylan
tehnologiýalar bilen üpjün edilen maldarçylyk hojalyklaryna geçeris.

Ýurdumyzda ekinleriň täze, ýokary
hasyl berýän görnüşlerini döretmegiň, şeýle hem ýyladyşhana hojalyklaryny
giňden ornaşdyrmagyň netijesinde, ekerançylyk pudagy täze derejä göteriler.

Köpugurly suwaryş ulgamynyň
ornaşdyrylmagy we suwarymly ekerançylygyň köp asyrlyk tejribesi bize oba
hojalyk pudagyny suw bilen üpjün etmek meselesini doly çöz­mä­ge mümkinçilik
berer. Biz ekerançylyk pudagyny ösdürmek arkaly, diňe bir ýurdumyzyň azyk garaş­syz­lygyny
doly üpjün etmek bilen çäk­lenmän, eýsem, ýokary hilli, ekologi­ýa taýdan
arassa miwe we gök-bakja önümleriniň daşary ýurtlara köp möç­berlerde
iberilmegine hem ga­raş­ýarys.

Ykdysadyýetimiziň binýatlyk pudagy
bolan energetika pudagy barada aýdylanda bolsa, bu ugurda iri nebitgaz
ýataklaryny gözlemek we işe girizmek, «mawy ýangyjy» dünýä bazarlaryna ibermek
wezipesinden ugur alyp, biz gaz geçiriji ulgamlary mundan beýläk-de ösdürmegi,
ug­le­wodorod seriş­delerini düýpli gaýtadan işlemegi we benzin, polipropilen,
suwuklandyrylan gaz, nebit önümleri ýaly dünýäde köp isleg bildirilýän ýokary
hilli dürli önümleri öndürmegi göz öňünde tutýarys.

Men ýygy-ýygydan ýurdumyzyň
welaýatlarynda iş saparlarynda bolup, adamlar bilen duşuşyp duramsoň, olaryň
ýaşaýşy we durmuşy bilen bag­ly iň möhüm meseleleri oňat bilýärin.

Ýurdumyzyň her bir sebitinde, her bir
aýratyn etrapda, şäherde we obada raýat­larymyz üçin ýokary ýaşa­ýyş-durmuş
şertlerini döretmek biziň esa­sy üns berýän wezipämiz bolupdy we geljekde hem
şeýle bolmagynda galar.

Bu wezipeler, esasan hem:

—ilatymyzyň girdejilerini yzygiderli
artdyrmakdan;

—aýlyk zähmet haklaryny, pensiýalary,
talyp haklaryny, kömek pul­laryny köpeltmekden, ýaşaýyş-durmuş taýdan berilýän
ýeňillikleri geljekde hem saklap galmakdan;

—ähli amatlyklary bolan, has oňaý­ly
ýaşaýyş jaýlaryny, bilim, sport, şypahana-bejeriş, sagaldyş we sag­lyk
merkezlerini, medeni-durmuş maksatly desgalary gurmakdan;

—maşgalany maddy taýdan goldamakdan
ybaratdyr.

Biziň halkymyz maşgala we çagalara
berk bedenli, sagdyn we arassa ahlakly nesilleri terbiýeläp ýe­tiş­dirmäge
hemaýat edýän maşgala däplerine aýratyn ähmiýet berýär.

Şonuň üçin hem, men 2012-nji ýyl­da
her bir maşgalanyň ýaşaýyş-durmuş meseleleriniň çözülmegine gönükdirilen
serişdeleri has köp möçberde goýbermegi maksadala­ýyk hasaplaýaryn. Bu bolsa,
maşga­lany, eneligi we çagalygy goramak meselesini mundan beýläk-de üstünlikli
çözmäge ýardam berer.

Hormatly watandaşlar!

Biz öz ýurdumyzy mundan beý­läk-de
abadanlaşdyrmagy dowam ederis. Eziz Diýarymyzda täze-täze etraplar dörär,
ýaşaýyş toplumlary, mekdepler, hassahanalar, muzeýler we stadionlar gurlar. Biziň
ýurdumyz häzirki döwürde ägirt uly gurluşyk meýdançasyna öwrüldi. Nesip bolsa,
ýene-de az wagtdan şäherlerimizde we obalarymyzda täze-täze desgalaryň we
binalaryň gurlu­şygy has güýçli depginler bilen alnyp barlar. Netijede, gözel
görke giren şäherlerimizde we obalarymyzda hem adamlaryň abadan we bagtyýar
durmuşda ýaşamagy üçin häzirki döwrüň talap­laryna laýyk gel­ýän ähli oňaýly
şertler dörediler.

Biz sözüň doly manysynda,
medeniýetimizi ösdürmegi we jemgyýetimiziň durmu­şyna giňden ornaşdyrmagy hem
dowam ederis. Türkmeniň ýurdy ähli döwürlerde hem milli möçberdäki ýiti
zehinlere baý bolan mekandyr. Biz hemişe halkymyzyň gözellige bolan söýgüsini
we islegini hemmetaraplaýyn höweslendirmäge çalşarys.

Ýurdumyzda syýahatçylygy ösdürmek,
sagaldyş-şypahana ulgamyny özgertmek hem geljekde döwletimizde alnyp barylýan
işleriň möhüm ugularynyň biri bolar!

Häzirki wagtda Hazaryň kenarynda
«Awaza» milli syýahatçylyk zolagyny dö­retmek bilen bagly iri taslamalary
durmuşa geçirmek boýunça işler güýçli depginler bilen alnyp barylýar. Bu ýerde
ajaýyp, owadan myhmanhanalar, ähli amatlyklary bolan sagaldyş merkezleri
yzygiderli gurulýar.

«Awaza» milli syýahatçylyk zolagy
biziň häzirki döwürde amala aşyrýan iri möçberli we örän uly ähmiýet berýän
taslamalarymyzyň biridir.

Ýurdumyza gelýän girdejileri
artdyrmaga mümkinçilik berjek bu taslama daşky gurşawy we tebigaty goramak
boýunça çäreleri hem öz içine alýar.

Biz
jemgyýetimiziň syýasy ulgamyny hem kämilleşdirmelidiris, ýerli ýerine ýetiriji
häkimiýeti pugtalandyrmalydyrys, jem­gyýetçilik institutlaryny mundan beýläk-de
demokratiýa ýoly bilen ösdürmelidiris. Sebäbi, häzirki döwürde jemgyýetçilik
guramalarynyň we birleşmeleriniň işini täzeçe guramak zerurlygy ýüze çykdy. Bu
guramalaryň geljekde alyp barjak işleri we kabul edýän çözgütleri döwrüň
talaplaryna, döwletimiziň ösüşiniň täze tapgyrynyň wezipelerine we biziň alyp
barýan syýasatymyza laýyk gelmelidir.

Halkymyz
bilen, ýaşulularymyz bilen mas­lahatlaşyp, dogry çözgütleri gözlemek we kabul
etmek bize ata-babalarymyzdan galan iň beýik demokratik mirasymyzdyr, biz bu
mirasy syýasy tejribämizde geljekde hem ulanarys.

Biz ýurdumyzy demokratiýalaşdyrmak boýunça alyp
barýan işlerimizde raýat jemgyýetiniň guramalaryna aýratyn ähmiýet berýäris. Bu
guramalaryň işini talaba laýyk ýola goýmazdan, döwletimizi mundan beýläk-de
demokratiýa­laşdyrmagy göz öňüne getirmek hem kyndyr.

Bu
wezipeleri üstünlikli çözmek üçin biziň ýurdumyzda ýokary syýasy erkiň hem,
düýpli kadalaşdyryjy-hukuk binýadynyň hem bardygyny bellemek möhümdir.
Türkmenistanyň Konstitusiýasy döwletimiziň mundan beýläk-de öňe gitmegine we
gülläp ösmegine ýardam bermek bilen, ýurdumyzyň ra­ýatlarynyň jemgyýet­çilik
birleşmelerini döretmäge bolan hukugyny amala aşyrmagynyň baş kepili bolup
durýar.

Mundan başga-da, Esasy kanunymyzyň 10-njy
maddasynda telekeçiligiň, kiçi we orta işewürligiň ösmegine döwlet tarapyn­dan
ýardam berilýändigi bellenýär. Bu ugurda biz anyk işleri, şol sanda milli
kanunçyly­gymyzy kämil­leşdirmek, salgyt we maýa goýum şertlerini
ýeňilleşdirmek boýunça zerur işleri amala aşyrdyk.

Biz
geljekde hem ykdysadyýetimiziň döwlete dahylsyz bölegini çalt depginler bilen
ösdürmegi, ýokary tehnologiýaly, dünýä bazarynda bäsleşige ukyply hususy
telekeçiligiň döremegine ýardam bermegi göz öňünde tutýarys. Şeýle hem, oba
hojaly­gynda hususy telekeçiligi ösdürmek üçin amatly şertleri döretmegi mak­sat
edinýäris.

 Ýurdumyzda eýýäm öz düzüminde
senagatçylary we telekeçileri birleşdirýän, telekeçiligi ösdürmäge işjeň ýardam
berýän jemgyýetçilik guramasy hereket edýär we onuň bu ugurda gowy tejribesi
bar.

Soňky
ýyllarda Senagatçylar we telekeçiler birleşmesi diňe ýurdumyzda däl-de, eýsem,
onuň çäklerinden daşarda hem uly ab­raýa eýe boldy. Bu Birleşmäniň öz döwrebap
işewürlik toplumy, «Rysgal» paýdarlar täjirçilik banky we üstünlikli işleýän
ilkinji hususy neşiri — «Rysgal» gazeti bar.

Raýat
jemgyýetine mahsus bolan jem­gy­ýetçilik guramalaryny döwlet gurluşynyň
wezipelerini çözmekde, ilkinji nobatda bolsa, ýaşaýyş-durmuş syýasatyny amala
aşyr­makda ygtybarly hyzmatdaş hasap edýändigimizi ýene-de bir gezek nygtamak
isleýärin.

Demokratik
institutlary ösdürmek ýurdumyzyň jemgyýetçilik-syýasy durmuşyna ra­ýatlaryň
işjeň gatnaşmagynyň möhüm şerti bolup durýar, bu bolsa adamlaryň raýatlyk
medeniýetiniň kemala gelmegine we ösmegine ýardam bermekde örän möhüm ähmiýete
eýedir.

Jemgyýetçilik
ynamy, raýatlaryň işjeňligi, arkalaşykly işlemek, adam hukuklaryna we azatlyklaryna
hormat goýmak diňe bir raýat jem­gyýetiniň jebisleşmeginiň esasy şertleri
bolmak bilen çäklenmän, eýsem, hakyky halk häkimiýetiniň berkarar bolmagynyň
hem zerur şertleri bolup durýar.

Men
şeýle hem, Türkmen döwletiniň demok­ratik ýol bilen ösüşiniň täze tapgyrynda
saýlawly ýerli wekilçilikli häkimiýet edaralarynyň — welaýat, etrap we şäher
halk maslahatlarynyň işiniň netijeliligini artdyrmagyň, ýerli öz-özüňi
dolandyryş edaralarynyň — geňeşleriň jemgyýet­çilik-syýasy ulgamdaky ornuny
ýokarlandyrmagyň möhümdigini bellemek isleýärin.

Ýerli
häkimiýet we öz-özüňi dolandyryş edaralarynyň netijeli işlemegi serişdeleriň
adalatly paýlanmagyna we durnukly artdyrylmagyna, telekeçiligiň ösmegine,
dolandyryş ulgamyna raýat jemgyýetiniň has işjeň gatnaşmagyna ýardam berýär.

Şonuň bilen baglylykda, men ýerli häkimiýet
we öz-özüňi dolandyryş edaralarynyň hukuk ýagdaýyny ýokarlandyrmagyň, döw­lete
degişli ygtyýarlyklaryň bir bölegini olara bermegiň wagty ýetdi diýip hasap
edýä­rin.

Şeýle
hem biz ýurdumyzda täze partiýalary döretmek we garaşsyz köpçülikleýin habar
beriş serişdeleriniň işini talaba laýyk guramak ugrunda çykyş edýäris.

Ýöne
bize halkymyzy jebisleşdirjek, adamlary berkarar Watanymyzyň mundan beýläk-de
gülläp ösmegi ugrunda yhlas bilen, tutan­ýerli zähmet çekmäge ruhlandyrjak
partiýalaryň zerurdygyny bellemek isleýärin.

Biz
halkara terrorçylygyna, ekstremizme, serhetüsti guramaçylykly jenaýatçylyga,
neşe serişdeleriniň bikanun dolanyşygyna, korrupsiýa garşy alnyp barylýan
göreşi halkara guramalary bilen ysnyşykly hyzmat­daş­lyk etmek arkaly dowam
ederis.

Ýurdumyzyň
Harby doktrinasy goranmak häsiýetlidir, ýöne bu biziň döwletimiziň harby ugurda
iň täze gazanylan üstünliklerden çetde durjakdygyny aňlatmaýar.

Biziň
halkymyza mahsus bolan watançylyk, Watany söýmek duýgulary häzirki zaman
ýörelgelerine we talaplaryna laýyk­lykda özgerdilýän Ýarag­ly Güýçlerimizde
gulluk edýän, ýur­dumyzyň çäk­leriniň bitewüligini we özyg­tyýarlylygyny
goraýan harby gullukçy­lary­myzyň hünär endiklerine hem ornaşdyrylýar.

Milli
goşunymyz, harby-deňiz güýçlerimiz, serhet goşunlarymyz, hukuk goraýjy
edaralarymyz, şeýle hem olary häzirki zaman ýaraglary bilen üpjün etmek, harby
gullukçylaryň ýaşaýyş-durmuş şertlerini has-da gowulandyrmak Hökümetimiziň
hemişe üns berýän ugurlary bolar.

Biziň Watanymyz — adamlar üçin we adamlaryň
bagtyýar durmuşda ýaşamagy­nyň hatyrasyna berkarar edilen döwletdir. Şeýle
ajaýyp ýurdumyzda şahsyýetiň ähli hukuklary doly berjaý edil­ýär we geljekde
hem üýtgewsiz berjaý ediler, adamyň mertebesine hormat goýlar, onuň zehinine,
ba­şarnygyna we hünär ussatlygyna ýokary ba­ha berler, şahsyýetiň erkin ösmegi,
öz uky­byny we başarnygyny amala aşyrmagy üçin ähli amatly şertler dörediler.

Hormatly
watandaşlar!

Men
öz mähriban halkymyň öňündäki borjumy ýurdumyzyň raýatlarynyň abadan we parahat
durmuşda, geljegine ynamly bolup ýaşamagy üçin ähli şertleri döretmekde,
Garaşsyz Watanymyzyň halkara abraýyny pugtalandyrmakda, eziz Diýary­myzyň
gülläp ösmeginde görýärin. Berkarar Watanymyzyň aýdyň geljegine barýan bu ýolda
meniň esasy daýanjym mähriban halkym bolar!

Biziň bilelikde, agzybirlikde
we jebislikde amala aşyrjak işlerimiziň netijesinde ýokary derejede ösen
häzirki zaman maglumatlar jemgyýetini döretmek we kuwwatly döwleti gurmak
baradaky ähli arzuwlarymyzy we maksatlarymyzy üstünlikli amala aşyryp,
ýurdumyzyň her bir raýatynyň abadan hem-de bagtyýar durmuşda ýaşamagy üçin ähli
şertleri döretjekdigimize men pugta ynan­ýaryn!

Türkmenistanyň
Prezidentiniň wezipesine dalaşgär görkezilen

Daşoguz welaýatynyň häkiminiň oba hojalyk boýunça orunbasary Rejep Bazarowyň

MAKSATNAMASY

Türkmen
halkynyň ägirt uly döredijilik mümkinçilikleri netijesinde ta­ryhy ölçegler
boýunça gysga möhletlerde Türkmenistan ykdysadyýetde, saglygy goraýyşda, durmuş
we beýleki ugurlarda ägirt uly üstünlik­ler gazandy. Onuň
halkara abraýy has-da ýokarlandy. Ýurdumyzda uly dabaralar bilen bellenip
geçilen Türkmenistanyň Garaş­syzlygynyň 20 ýyllygy ýurdumyzda durmuşa geçirilen
beýik özgertmeleriň aýdyň beýany boldy. Hormatly Prezidentimiziň parasatly baş­tutanlygynda
täze Galkynyş eýýamynda ýurdumyzyň her bir raýaty mähriban Di­ýa­ry­myzda amala
aşyrylýan «Döw­­let adam üçindir!» di­ýen ajaýyp syýasatyň iş ýü­zünde amala
aşy­rylyşyny öz durmu­şynda gördi. Häzirki döwürde amala aşyrylýan köpugurly
mak­satnamalar, durmuşa geçirilýän ägirt uly özgertmeler her bir ynsanyň we
tutuş jemgyýetiň bähbidini göz öňünde tutýar. Sebitiň «Binagärlik dürdänesi»
diýlip atlandyrylýan ajaýyp Aşgabady, «Awaza» milli syýahatçylyk
zolagyny, durky täzelenen Esen­guly şä­herçesini, tarp ýerlerde döredilen täze
Altyn sähra, Döwletli, Ruhubelent etrap­laryny, el bilen döredilen gud­raty —
ägirt uly «Altyn asyr» Türkmen kölüni, Gökderedäki ça­ga­lar sagaldyş
merkezlerini, ykdy­sady, durmuş we medeni taýdan özgeren ýurdumyzyň
welaýatlaryny görmäge göz gerek.

Garaşsyz, hemişelik Bitarap
Türkmenistan döwletimiz bu gün ata-babalarymyzyň agzybir, parahat, oň­şukly ýa­şamagy
ündän wes­ýetlerine ygrarly bolup, milli gymmatlyk­lary we bähbitleri gorap
saklamaga, her ra­ýatyň hukukla­ryny we azatlyk­laryny kepillendirip,
jemgyýetiň asudaly­gyny hem milli agzybirligi üp­jün etmäge, halk häkimiýetiniň
we hukuk döwletiniň esaslaryny berkarar etmekde Esasy Kanunyna, şeý­le hem
halky­myzy ýokary ruhubelentlige we täze Gal­kynyşa eýe bolmaga itergi berýän
milli däp­lere esas­lan­ýar we baş ýörelge edin­ýär. Halky­myzyň ata-baba
dowam edip gelýän özbo­luşly demokratiýasy esa­syn­da geç­mişde-de ata-babala­rymyz
her bir adamyň şah­sy mertebesine, hu­kugy­na sarpa goýup, milli demok­ratiýanyň
özboluşly mek­debini kemala getirip, jemgy­ýete, halka daýanyp iş tutupdyrlar. Täze
Galkynyş we beýik özgertmeler zamana­synda Türkmenistanyň Kons­titusiýasynyň
täze redaksiýa­synyň kabul edilmegi, mil­li kanunçylygyň yzygiderli kä­mil­leşdi­rilmegi,
adam hu­kuk­lary babatdaky halkara ka­dalarynyň işjeň ornaş­dyryl­magy
döwletimizde türkmen jemgyýetiniň hukuk binýatlaryny mundan beýläk-de
pugtalandyrmaga we ýurdumyzyň her bir raýatynyň hukuklaryny we azatlyklaryny
üpjün etmäge ýardam edýär.

Döwletiň, jemgyýetiň we her bir
şahsyýetiň bähbitleriniň birleşmegi, kanun esaslarynyň üpjün edilmegi gözel
ýurdumyzyň has-da gülläp ösmegine, halkymyzyň bolelin, bagty­ýar durmuşda
ýaşamagyna mümkinçilik döredýär. Şonuň üçin geljekde-de türkmeniň mukaddes
ýol-ýörelgelerinden gözbaş alýan milli demokratiýamyzyň has-da kämilleşmegi,
jem­gy­ýetimiziň jebisligi, ruhy gymmat­lyk­larymyza daýanmak bilen, halky­my­zyň
abadançylygyny, ýaşaýyş-durmuş derejesini ýokarlandyrmaga, mil­li
ykdysadyýetimizi ösdürmäge, ýurdumyzyň azyk howpsuzlygyny has-da berkitmäge,
mähriban Watanymyzda durnuklylygy, parahatçyly­gy, demokratik, hu­kuk we
dünýewi döw­letimiziň binýadyny pugtalandyrmaga, halkymyzyň agzybirligini sak­lamaga
gönükdirilen işleri durmuşa geçirmek üçin ähli tagallalary etjekdigime
saýlawçylary ynandyrýaryn.

Garaşsyzlyk ýyllarynda Türkmenistan
halkara gatnaşyk­larynyň erkin, deňhukukly agzasyna öwrüldi.

Ýurdumyzyň «Açyk gapylar» syýasatynyň
üstünlikli durmuşa geçirilmegi üçin halkara guramalary, goňşy we daşary döw­letler
bilen ynsanperwer, dost-doganlyk daşary syýasaty üstünlikli alnyp barylýar. Hoşni­ýetli,
özara bähbitli gatnaşyklary we hyz­matdaşlyklary has-da giňeltmek, dä­be
öwrülen dostlukly gatnaşyklary hemmetaraplaýyn pugtalandyrmak, milli bähbitlere
laýyk gelýän köp ýyl­lyk hyz­matdaşlygy hil taýdan täze derejä çykarmak,
parahatçylyk sö­ýüji ýurt hökmünde mähriban Wa­ta­ny­myzyň halkara
derejesindäki at-ab­raýynyň mundan beýläk-de has-da artmagy üçin zerur çäreleri
dur­muşa geçirmek­ligi dowam etdireris.

1995-nji ýylda dünýäniň 185 döw­­letiniň
biragyzdan ses bermeginde ykrar edilen Türkmenistanyň Bitarap­lyk derejesine
laýyk­lykda parahat­çylyk we hoşniýetli goňşu­çylyk ug­runy ýöredip, Garaşsyz,
hemişelik Bi­tarap Türkmenistanyň halkara derejesindäki at-abraýynyň has-da
artmagy, onuň parahatçylyk dörediji ýurt hökmündäki derejesiniň mundan
beýläk-de ýokary göterilmegi üçin ähli tagallalary edip, häzirki zaman
dünýäsiniň ählumumy ähmiýete eýe bolan meseleleri­niň çözgüdini tapmak, syýasy,
yk­dysady we gumanitar ulgamda halkara gat­na­şyk­larynyň durnukly wehäzirki zaman ulgamy­ny döretmegiň
hatyrasyna zerur işleri durmuşa geçirjekdigimize saýlaw­çylary ynandyrýaryn.

Häzirki döwürde obany ösdürmek möhüm
mesele bolup durýar. Obalarda ilata hyzmat ediş nokatlarynyň gerek bolan ähli
görnüşlerini açyp, obada ýaşaýan we zähmet çekýän her bir maşgalany, şol sanda,
ýaş maşgalalary alada bilen gurşap almak, olaryň ýaşaýyş-durmuş şertlerini go­wulandyrmak,
ýaş çagaly eneleriň we çagalaryň sag­lygy hakynda hem-de Beýik Watançylyk
urşuna gat­naşan, ekleýjisini ýitiren, kömege mä­täç, ýaşuly nesliň wekillerine
kömek etmek, olaryň maşgalalary baradaky ala­­da üns merkezimizde bolar. Her
bir işde pähim-parasatly gojalary­my­za maslahat salyp, olar bilen geňe­şip, iş
tutarys.

Täze Galkynyş we beýik özgert­meler
zamanasynda ýurdumyzyň oba hojalygy hem geçirilýän düýpli öz­gertmeleriň
netijesinde ösüşiň täze belentliklerine gadam basdy. Oba hojalyk ekinleriniň
bol hasylyny ösdürip ýetiş­dirmek üçin babadaýhanlarymyza öndürijilikli
işlemäge, ýokary hasyl alyp, halal zähmetinden baýamaga döwletimiz tarapyndan
ähli şertler döredilýär. Önümçilik-yk­dysady gatnaşyklarynyň täze gör­nüşleriniň
ýola goýulmagy netijesinde oba hojalyk önümlerini öndürijilere ykdysady
ýeňillikleriň berilmegi, öňdebaryjy kärendeçileriň we ýer eýeleriniň, ussat
mülkdarlaryň zähmetine ýokary baha berilmegi, döw­let bilen daýhanlaryň ara­syn­daky
ykdysady gatnaşyk­laryň aýdyň, sazlaşykly we öz­ara peýdaly esasda ýola go­ýulmagy
daýhanyň hem, döw­letiň hem bähbitlerini goramaga gönükdirilip, Türkmenistanda
oba hojalyk pudagyny ösdürmäge kuwwatly itergi ber­ýär.

Oba hojalyk pudagy durmuş gat­na­şyklaryna
hem-de ykdysadyýete örän uly we köptarapla­ýyn täsir edýär. Şonuň üçin obany we
oba ho­jalyk önümçiligini ösdürmek Türk­menistany durmuş-ykdysady taýdan
ösdürmegiň strategik wezipesi bolup durýar. Türkmenistanyň agrosenagat
toplumynyň işi oba hojalyk ekin­lerini ösdürmegiň möçberini ýokarlandyryp, azyk
howpsuz­lygyny üpjün etmäge, senaga­tyň çig mala bolan islegini
kanagatlandyrmaga, oba hoja­lyk önümlerini gaýtadan işle­meklige, şeýle-de bu
ulgamda hususy bölegiň, şol san­da kiçi we orta telekeçiligiň mun­dan beýläk
hem ösdürilmegine goldaw bermeklige gönükdiriler.

Türkmenistanyň oba hojalygyny düýpli
özgertmek, oba hojalygyny ösdürmegiň ylmy esaslaryny pugtalandyrmak, bugdaýyň,
gowaçanyň we beýleki ekinleriň tohumçylygyny kämil­leşdirmek, ýurdumyzyň howa,
toprak şertlerine görä ýokary hasyl berýän sortlary önümçilige ornaşdyrmak bo­ýunça
işleriň netijeliligini ýokarlandyrmak babatda bu ugurda mundan beýläk-de berk
hukuk binýadyny döretmek boýunça işler durmuşa geçiriler.

Her welaýatyň toprak-howa şertlerinde
ýokary hasyl berýän, önüminiň hili gowy, ýaramsyz şertlere—aýaza, gurakçylyga,
toprak şorlamasyna, kesel­lere, zyýankeş mör-möjeklere, haşal otlara durnukly
sortlary döretmek, gowaçadan, bugdaýdan, şaly­dan, gant şugundyryndan
talabalaýyk derejede ýokary hasyly almak, depginli tehnologiýada oba hojalyk
ekinlerini ylmy esasly ekin dolanyşygy şertlerinde ösdürip ýetiş­dir­megiň
tärleriniň, düzgün­leriniň tehnologik kartasyny işläp düzmek barada düýpli
ylmy-barlaglary geçirmek şu günün örän derwa­ýys we wajyp meselesidir. Ekinleriň,
aýratyn hem, gowaçanyň ir ýetişýän sort­laryny döretmäge, ony çalt önümçilige
ornaş­dyrmaga ünsi güýçlendirmek zerur bolup durýar. Ekin meýdanlarynyň
agrotehniki kadalara laýyk­lykda giňeldilmegini, tekizlenilmegini, pagtaçylykda
el zähmetiniň kemeldilmegini, hasylyň esasy böleginiň ma­şynlaryň güýji bilen
ýygylmagyny ýola goýmaly.

Welaýatlaryň senagatynda öndüril­ýän
önümleriň ýurdumyzyň eksport kuw­watlyly­gyn­da tutýan paýyny, we­laýatlaryň
senagatynyň ösüşine kiçi we orta telekeçiligiň goşýan goşan­dyny
artdyrmaly,önümlerini gönüden-göni
bazarlara çykarýan, bäsleşige ukyply kärhanalary döretmeli we ola­ryň kadaly
ösüşini üpjün etmeli, ýo­kary öndürijilikli enjamlary or­naş­dyr­magyň esasynda
hereket edýän kärhanalaryň esasy senagat-önümçilik se­rişdele­riniň durkunyň
täzelenmegini çaltlandyrmaly, senagat önümçiligini düýpli diwersifi­kasi­ýalaşdyrmaly,
ýeňil we azyk senagatynyň önümçilik mümkinçiliklerini welaýatlaryň ilatynyň
islegini doly kanagatlandyrmaga we wela­ýatlaryň çäginden daşyna çykarmaga
niýetlenen derejelere götermeli.

Türkmen halkynyn milli baýlygy we
buýsanjy bolan ahal-teke atlarynyň gadymy nusgalaryny gorap saklamak,
ata-babalarymyzyň ýadawsyz zähmetiniň netijesinde syr-sypaty asyrlarboýy
kämilleşdirilip gelnen behişdi bedewlerimiziň dünýä dolan şan-şöh­ratyny has-da
belende götermek, ýurdumyzda oýlanyşykly alnyp barylýan ylmy seçgi-tohumçylyk
işleriniň netijeliligini ýokarlandyrmak, be­hişdi bedewlerimiziň dünýädäki
şöhratyny has-da belende galdyrmak hem-de türkmen atçylyk sportuny halkara
derejelerine laýyk­lykda ösdürmek barada ähli tagallalary ederis.

Türkmen döwletiniň şöhratly bäş müň
ýyllyk taryhynyň dowamynda türkmen halky suwa uly sarpa goýup gelipdir. Ata-babalarymyzyň
suwa aýawly garamak, ony tygşytly ulanmak baradaky sargytlary biziň günlerimize
gelip ýetipdir. Garaş­syzlyk döwründe tebigy baýlyk­lara baý bolan Türkmenistan
döwletimiziň mukaddes baýlygy, onuň gülläp ösmeginiň we abadançylygynyň
egsilmez gözbaşy, halkymyzyň eklenç hem ýaşaýyş çeşme­siniň gözbaşlarynyň biri
bolan suwy ulanmak we ilaty suw bilen üpjün etmek meseleleri döwlet syýasatyna
öw­rülip, milletiň durmuşynyň derejesini ýokarlandyrmakda we saglygyny
berkitmekde esasy ýörelge boldy.

Ýurdumyzyň ähli ilatly ýerleriniaras­sa agyz suwy bilen doly üpjün etmek
üçin suwy arassalamagyň we baýlaşdyrmagyň, suw geçiriji ulgamlary gurmagyň iň
öňdebaryjy tehnologiýalary esasynda her şäherde we etrapda suw arassalaýjy
desgalaryň, arassa agyz suwuny öndürýän kiçi kärhanalaryň gurulmagy ata
Watanymyzyň rowaç­lygy, häzirki we geljekki nesil­leriň bagtly durmuşda we
abadançylykda sagdyn ýaşamak­lary üçin şert döreder.

Tebigaty goramaklygy kada­laşdyr­ýan
degişli halkara hukuk namalary esasynda sebitiň suw-energiýa problemalary bilen
baglanyşykly möhüm meselelerini çözmek, ýurdumyzda suw gytçylygynyň bolmazlygy
üçin halkara başlangyçlaryny öňe sürmek bilen, milli bähbitleri häzirki zamanyň
öňe sürýän syýasaty bilen baglanyşdyryp, Merkezi Aziýanyň suw resurslarynyň
netijeli peýdalanylmagy bilen bagly meseleleri halkara hukuklarynyň ýörelgeleri
esa­synda çözmek barada işler durmuşa geçiriler.

Garagum çölüni gülzarlyga öwürjek,
ýurdumyzyň ätiýaçlyk suwlaryny ep-esli artdyrmaga, ýerleriň şorlaşma­gy­nyň,
suwa basdyrylmagynyň öňüni almaga mümkinçilik berjek ajaýyp Türkmen köli suw
serişdeleriniň peý­dalanylyşynyň netijeliligini ýokarlandyrmaga, Garaşsyz,
hemişelik Bitarap Türkmenistanyň azyk garaşsyz­lygyny pugtalandyrmaga ygtybarly
kepil döredýär. Dünýäde durnukly ösüşiň esasy faktorlarynyň biri bolan azyk
howpsuzlygyny üpjün etmek, daşymyzy gurşap alan tebigaty goramak we suwdan
peýdalanmagyň ekologiýa meselelerini çözmek, ýurdumyzda azyk bolçulygyny
döretmek, ilaty özümizde öndürilýän azyk önümleri bilen doly üpjün etmek
boýunça möhüm meselelere uly üns berip, zähmetsöýer halkymyz bilen suwuň
her damjasyny tygşytly peý­dalanyp, bereketli topragymyzdan gyzyla barabar
hasyl öndürip, ýurdumyzyň gül­läp ösmegi, halkymy­zyň abadançylykda, bolçulykda
ýaşa­ma­gy üçin zerur işleri dowam etdireris.

Ýurdumyzyň welaýatlarynyň senagat
taýdan ösüşini düýpli ýokarlandyrmak, oba ilatynyň ýaşaýyş-durmuş şertlerini
has-da gowulandyrmak boýunça degişli işleri amala aşyrmak wezipesi möhüm bolup
durýar. Täze Galkynyş we beýik özgertmeler zamanasynda “Türkmenistanyň
durmuş-ykdysady ösüşiniň 2011-2030-njy ýyllar üçin Milli maksatnama­syny”
üstünlikli durmu­şa geçirmek, ýurdumyzyň sebitleriniň öndüriji güýçlerini
ýokary derejede netijeli ulanmak, olaryň amatly geografiki ýerleşişinden doly
peýdalanmak, senagatynyň pudaklaýyn ösüşini diwersifi­kasiýalaşdyrmak, täze döw­rebap
enjamlaşdyrylan iş orunlaryny döretmek boýunça top­lumlaýyn işler durmuşa
geçiriler.

Garaşsyz, hemişelik Bitarap
ýurdumyzda amala aşyrylýan ägirt uly işler geljekde-de uly özgertmeleri talap
edýär. Türkmenistanyň öz tary­hynyň täze tapgyryny başdan geçir­ýän döwründe
eziz Watanymyzyň we mähriban halkymyzyň abadançylygynyň hatyrasyna, ýurdumyzy
syýasy, ykdysady we medeni taýdan ösdürmekde, Watanymyzyň abra­ýyny, şöh­ratyny
we mertebesini art­dyrmak­da Türkmenistanyň her bir raýatyndan ägirt uly
tagallalar talap edilýär.

Asly halal, sada,
zähmetsöýer, agzybir halkymyz bilen bilelikde Garaş­syzlygymyzyň 20 ýyly içinde
toplanan tejribäni öwrenmek we ony döredijilik­li ulanmak bilen, Türkmenistanyň
täze, Galkynyş eýýamynda mundan beýläk hem has kuw­watly ösmegi, hal­kymyzyň
abadan durmuşda ýaşa­magy, olaryň ýaşaýyş derejesiniň has-da ýokarlanmagy,
«Türkmenistanyň Prezidentiniň obalaryň, şäherçeleriň, etrapdaky şäherleriň we
etrap merkezleriniň ilatynyň durmuş-ýaşaýyş şertlerini özgertmek boýunça
2020-nji ýyla çenli döwür üçin Mil­li maksatnamasyny» ýerine ýetirmek, türkmen
halkynyň abadançylykda,bolçulykda
erkana ýaşama­gyny we işlemegini gazanmak, döwletimiziň yk­dysady mümkinçilik­lerini
has-da netijeli peýdalanmak ug­runda özümiň ähli bilimimi, tej­ribämi, gujur-gaýratymy
gaýgyrman ak ýürekden zähmet çekjekdigime ynandyr­ýaryn.

Baýbä, tüweleme, indi men pikirim aýtsam, bize häzir adalatlyk gerek (şu taýda demo sözi agzammokdyryn), birinjiden haýyş, häzirki ýa-da indi boljok prezidentlere ýüzlenme, kim täze prezident bolsa, öňki prezident dalaşgärlerine, sen prezidentlige saýlanjak boldyňmy dp sütem etmäň, ýa işinden, ýa saglygyna zeper ýetirmäň, ikinjiden okuwçylar we talyplarymyz (sdudent) ýowardan we marşyrowkadan we gerekmejek gatnaşyklardan boşadyp, okuwyna üns bermegini talap ediň, muny düzetmek üçin, köpüräk wiktarinalar gurnaň olimpiýada gurnaň, mollymçylyk sostawy daşary ýurda iberip okadyp , bärde mollymçylyk etmäni mümkinçilik beriň, kadrlar krizasy ýokary derejede. Kim okuw giresi gelse parany wobşe aýyryň, para almak haýsy künjekde bolsada, şu okuw sistemasyndan aýyryň jenaplar, ÝOJ-y elýeterli tölegli ediň ýa-da bolmoso, ÝOJ-yň ähli kitaplaryny terjime etmekde karar çykaryň, şoňa näçe milýon dollor bolsoda harç ediň, kitaby ýart bahasyny okaýjyň özi töläýsin, bolmosa, ýada satlyga beriň, ýa-da bolmosada ors dilinde okatjak bolsaňyz, ors diline kursalr açyň, ýök ors dili bolanok diýseň iňlisçe okadyň, garaz şu döwletiň iň bir naýbaşy ýüzi we sütini, hereket etmesiňiz döwlet ýykylar !, däri-derman satylýan ýerinde demanyň hillerini barlaýan laborotoriýa açyp, dermanyň hilini barlap durmaly, öňki gezek gentamesin dp alanym, demodrol boldy, garaz şol atarapda serediň, birem halk özüne seretmek mümkinçiligi bar, nalaoga serediň we kim aşgabada kartoşka ýa gök sökleri getirjek bolsa, ýoldo tutup,azar berýäler, zatlar ýewropaň bazaryndanam gymmat ýaly köp zatlar, kim telekeçilik etse ýedinni nalog dörediň, bahalar hökmany dolandyrylsyn, ýaşamok üçin jaýlar 2 milýarda baryp ýetdi, satyn almak mümkin däl, ösüp barýan jemagat bir zat edip jaý edinmelä, täze jaýlaň kommunal bahalary uýtgeşik bir galýar, şol assasiýa komunal hyzmatlary dwiženýa edegen şolory bir kontrollykda saklaň, komunal hyzmatlary ýeke medjlisiň çykaran karary boýuňça ykrar etmeli, gören galdyryp ýörmeli däl,iň soňky haýyşym granissalar goralýandygyna ynanýan welin, şol taýdaky soldatlary kontrakta alyň, hasda gowy gulluk ediler ! şeýleräk pikrim, HAÝYŞ Agalar, Agam dp ýüzlenýän, eger bolmosa şu diýän zatlam, ondo hökümet polny abzas bolýar, aýdaýyn men şuna duýyän, wi ýene-de ýatdan çykarmakam, halk bikanunçylyga garşy göräşmäne bir ýol açyň, kime ýüzlenmeli, sud hemme zat çözenok, şol mehanizimlerem bir seredip görüň, kim pul berse statýa üytgäp dur, bolýan zatmy şol, hemmänize üstünlik !

Ya Swami:
Baýbä, tüweleme, indi men pikirim aýtsam, bize häzir adalatlyk gerek (şu taýda demo sözi agzammokdyryn), birinjiden haýyş, häzirki ýa-da indi boljok prezidentlere ýüzlenme, kim täze prezident bolsa, öňki prezident dalaşgärlerine, sen prezidentlige saýlanjak boldyňmy dp sütem etmäň, ýa işinden, ýa saglygyna zeper ýetirmäň, ikinjiden okuwçylar we talyplarymyz (sdudent) ýowardan we marşyrowkadan we gerekmejek gatnaşyklardan boşadyp, okuwyna üns bermegini talap ediň, muny düzetmek üçin, köpüräk wiktarinalar gurnaň olimpiýada gurnaň, mollymçylyk sostawy daşary ýurda iberip okadyp , bärde mollymçylyk etmäni mümkinçilik beriň, kadrlar krizasy ýokary derejede. Kim okuw giresi gelse parany wobşe aýyryň, para almak haýsy künjekde bolsada, şu okuw sistemasyndan aýyryň jenaplar, ÝOJ-y elýeterli tölegli ediň ýa-da bolmoso, ÝOJ-yň ähli kitaplaryny terjime etmekde karar çykaryň, şoňa näçe milýon dollor bolsoda harç ediň, kitaby ýart bahasyny okaýjyň özi töläýsin, bolmosa, ýada satlyga beriň, ýa-da bolmosada ors dilinde okatjak bolsaňyz, ors diline kursalr açyň, ýök ors dili bolanok diýseň iňlisçe okadyň, garaz şu döwletiň iň bir naýbaşy ýüzi we sütini, hereket etmesiňiz döwlet ýykylar !, däri-derman satylýan ýerinde demanyň hillerini barlaýan laborotoriýa açyp, dermanyň hilini barlap durmaly, öňki gezek gentamesin dp alanym, demodrol boldy, garaz şol atarapda serediň, birem halk özüne seretmek mümkinçiligi bar, nalaoga serediň we kim aşgabada kartoşka ýa gök sökleri getirjek bolsa, ýoldo tutup,azar berýäler, zatlar ýewropaň bazaryndanam gymmat ýaly köp zatlar, kim telekeçilik etse ýedinni nalog dörediň, bahalar hökmany dolandyrylsyn, ýaşamok üçin jaýlar 2 milýarda baryp ýetdi, satyn almak mümkin däl, ösüp barýan jemagat bir zat edip jaý edinmelä, täze jaýlaň kommunal bahalary uýtgeşik bir galýar, şol assasiýa komunal hyzmatlary dwiženýa edegen şolory bir kontrollykda saklaň, komunal hyzmatlary ýeke medjlisiň çykaran karary boýuňça ykrar etmeli, gören galdyryp ýörmeli däl,iň soňky haýyşym granissalar goralýandygyna ynanýan welin, şol taýdaky soldatlary kontrakta alyň, hasda gowy gulluk ediler ! şeýleräk pikrim, HAÝYŞ Agalar, Agam dp ýüzlenýän, eger bolmosa şu diýän zatlam, ondo hökümet polny abzas bolýar, aýdaýyn men şuna duýyän, wi ýene-de ýatdan çykarmakam, halk bikanunçylyga garşy göräşmäne bir ýol açyň, kime ýüzlenmeli, sud hemme zat çözenok, şol mehanizimlerem bir seredip görüň, kim pul berse statýa üytgäp dur, bolýan zatmy şol, hemmänize üstünlik !

dost boljak prezidente yuzlenme diyipsin velin, boljak prezident ertir.com-a giryamika? deregi interneda giryamika?🙂 ishini tashlap senin yazanlaryny okap otyrmyka?🙂 yalnysh yerde yuzlenipsin sen prezident dalashgarlerine🙂

Ya Swami:
Baýbä, tüweleme, indi men pikirim aýtsam, bize häzir adalatlyk gerek (şu taýda demo sözi agzammokdyryn), birinjiden haýyş, häzirki ýa-da indi boljok prezidentlere ýüzlenme, kim täze prezident bolsa, öňki prezident dalaşgärlerine, sen prezidentlige saýlanjak boldyňmy dp sütem etmäň, ýa işinden, ýa saglygyna zeper ýetirmäň, ikinjiden okuwçylar we talyplarymyz (sdudent) ýowardan we marşyrowkadan we gerekmejek gatnaşyklardan boşadyp, okuwyna üns bermegini talap ediň, muny düzetmek üçin, köpüräk wiktarinalar gurnaň olimpiýada gurnaň, mollymçylyk sostawy daşary ýurda iberip okadyp , bärde mollymçylyk etmäni mümkinçilik beriň, kadrlar krizasy ýokary derejede. Kim okuw giresi gelse parany wobşe aýyryň, para almak haýsy künjekde bolsada, şu okuw sistemasyndan aýyryň jenaplar, ÝOJ-y elýeterli tölegli ediň ýa-da bolmoso, ÝOJ-yň ähli kitaplaryny terjime etmekde karar çykaryň, şoňa näçe milýon dollor bolsoda harç ediň, kitaby ýart bahasyny okaýjyň özi töläýsin, bolmosa, ýada satlyga beriň, ýa-da bolmosada ors dilinde okatjak bolsaňyz, ors diline kursalr açyň, ýök ors dili bolanok diýseň iňlisçe okadyň, garaz şu döwletiň iň bir naýbaşy ýüzi we sütini, hereket etmesiňiz döwlet ýykylar !, däri-derman satylýan ýerinde demanyň hillerini barlaýan laborotoriýa açyp, dermanyň hilini barlap durmaly, öňki gezek gentamesin dp alanym, demodrol boldy, garaz şol atarapda serediň, birem halk özüne seretmek mümkinçiligi bar, nalaoga serediň we kim aşgabada kartoşka ýa gök sökleri getirjek bolsa, ýoldo tutup,azar berýäler, zatlar ýewropaň bazaryndanam gymmat ýaly köp zatlar, kim telekeçilik etse ýedinni nalog dörediň, bahalar hökmany dolandyrylsyn, ýaşamok üçin jaýlar 2 milýarda baryp ýetdi, satyn almak mümkin däl, ösüp barýan jemagat bir zat edip jaý edinmelä, täze jaýlaň kommunal bahalary uýtgeşik bir galýar, şol assasiýa komunal hyzmatlary dwiženýa edegen şolory bir kontrollykda saklaň, komunal hyzmatlary ýeke medjlisiň çykaran karary boýuňça ykrar etmeli, gören galdyryp ýörmeli däl,iň soňky haýyşym granissalar goralýandygyna ynanýan welin, şol taýdaky soldatlary kontrakta alyň, hasda gowy gulluk ediler ! şeýleräk pikrim, HAÝYŞ Agalar, Agam dp ýüzlenýän, eger bolmosa şu diýän zatlam, ondo hökümet polny abzas bolýar, aýdaýyn men şuna duýyän, wi ýene-de ýatdan çykarmakam, halk bikanunçylyga garşy göräşmäne bir ýol açyň, kime ýüzlenmeli, sud hemme zat çözenok, şol mehanizimlerem bir seredip görüň, kim pul berse statýa üytgäp dur, bolýan zatmy şol, hemmänize üstünlik !

dost boljak prezidente yuzlenme diyipsin velin, boljak prezident ertir.com-a giryamika? deregi interneda giryamika?🙂 ishini tashlap senin yazanlaryny okap otyrmyka?🙂 yalnysh yerde yuzlenipsin sen prezident dalashgarlerine🙂

halka bahbıtlısı saylansynda

kitap bolup gidipdiraow kyn gorman yazanlara telpek. Kim prizdent bolandada tapawudy yok mana