BiR KäSe Un

Ezizim, bu bereketli ojakda,
Bir zady eşdip goý, belläp goý senem,
Ýetginjek mahalym çagyryp ýanna,
Bir haýyş edipdi garryja enem.

Diýdi: - Çykaraýman ýadyňdan, balam,
Bir bogdak un al-da, ir bilen ugra.
Açlykda alypdym, berilmän galan
Bir käse un bergim bardy Mamura.

Aglajakdym boş gaýtarsa yzyma,
Kän oturdym bosagasyn dyrmalap.
Şonda ol bar unun böldi-de ikä,
Berdi maňa bir käse un gyrmalap.

Razy et, köşegim, Mamur ejäni.
Diý: - Islän ýermize ýätýär elimiz.
Algyň öwezine näme sorasaň,
Hökman ony tapyp beräýmeli biz.

Ol bürküldäp duran päkize uny,
Uç gezek gaýtadan syldy ýüzüne.
Doldurup aldy-da moýly käsesin,
Diýdi: - Şu köşegim, algymyz, ine.

Galanyny äkit, guzym, öýňüze.
Un alan artykmaç getirýän däldir.
Gyt bolsun, bol bolsun çörek diýlen zat
Öz mukaddesligin ýitirýän däldir.

A.Annaberdiýew