Gabanmak.Ynanmak.Söýmek.

Salam gadyrly ertir.com-çylar.

Bu gün siziñ bilen ýene bir oýlanmamy paýla$makçy.

Gabanmak,ynanmak,söýmek-bu sözleri biziñ hemmämizem bilýändiris. Belki-de siz bu duýgulary ba$yñyzdanam geçirensiñiz,belki hem häzirem olar siziñ añyñyzda oturandyr.
Biz,ýagny zenanlar "gabanýar-diýmek söýýär" diýen jümlä indi kän bir ynanybam baramzok. Biz öz saýlan taýymyzyñ hiç kime meñze$ däl, üýtge$ik gowy adam bolmagynam isleýäris.

Köp kitaplary,jurnallary okamagymyzyñ netijesinde biz erkek adamlar bizi (ýagny zenan ma$galany) hökman hormatlamaly,sylamaly diýen pikire gelýäris. Elbetde hiç-kim hiç-kime borçly däl diýibem bolardy. Ýöne gabanjañlyk hem söýgi biziñ durmu$ymyzda üýtgewsiz galjakdygyny men aýtmasamam özüñiz bilýänsiñiz.

Liçno özüm hakda aýtsam "men gabanjañ adam däl" diýmek islärdim,ýöne boýun almaly-çalaja gabanýan 🙂

Gowy görýän ýigidiniñ duýdansyz "ýiten" pursatlarynda özýanyndan samsyk bir zatlar toslap,$o toslama-da özüni ynandyryp bilýän, $oña ynanybam özýanyndan öýkeläp bilýän gyzlarymyz az dälmikä diýýän 🙂

Meñ pikirimçe biziñ her birimiz gabanjañlyk duýgusyny ba$dan geçirdikmikäk diýýän. Onsoñam eger adam gabanýan bolsa, onda birinjilik bilen ol adamyñ özüne kän bir ynamy ýokmyka diýýän. Eger ol adam gowy görýän adamsynyñ görmek isleýän hemme häsiýetleriniñ özünde jemlenenini bilse, ol gabanmazdy,sebäbi onuñ özüne ynamy bolar.

Söýmek,diýmegiñ özi söýýän adamyña ynanmak diýmek dälmi,eýsem. Söýmek diýmek, oña her 10 minutdan jañ edip durmak, ýa-da zol-zol "sen nirede?" diýip sms ýazyp durmak dälmikä diýýän. Eger siz söýguliñize ynanyp bilmeýän bolsañyz-onda ony goýberiñ. Özüñi hem ony gutarnyksyz $übheli soraglar bilen kösemek nämä gerek?!

Söýmek-söýýän adamyñyzyñ siz bilen gowudygyna ynanmak. Ynanmaýan adamyñyzyñ ýanynda bolmagyñ manysy näme?!
$u ýerde go$gy setirlerni getiresim gelýär:

Gabanmadyk söýýän däldir,
Seni juda gabanýaryn.
Ynanmaýañ "Gabanmanam
Söýýän" diýip gabanýan-a.

Kiçi dilden bärden gaýdýan
Söýgi sözi beýik bolmaz.
Gabanybam söýmän bolar,
Hiç gabanman söýüp bolmaz.

Haýsy mertkä söýgulisin
Hiç gabanman gezebilen?
Seni,janym,nejis gözler
Iýip barýar gözi bilen.

Gözel gyzlañ arasynda
Diñe seni gabanýaryn.
Saña bakýan nejis göze
Bulut bolup abanýaryn.

$u setirleri okap-gabanmak söýgiñ hemrasy-diýen netijä geldim. Ýöne, ýöne beýle söýgi eýýäm nädogry bolýar dälmi.
Eger-de biz hakykatdanam söýýän bolsak, söýgimiziñ gadryny bilýän bolsak, onda biz söýýän adamymyzy gabanyp, oña ynanmazçylyk ederismi?
Indi bolsa,gutarnykly gelen netijäm $eýle- Gabanmak-özüne ynamsyz, egoist adamlara mahsus.nokat.

Elbetde özüñde bu gabanjañlyk we öýke duýgularyny basmak kyn bolar,ýöne onuñ üçinem göre$meli. Bolmasa olar iñ ajaýyp söýgi duýgularynam ýumuryp biler.

Ine, hemme zat tertipli we dü$nüklimikä diýýän. Ýöne bir zat galdy. Gyzlar özüni gabansalar gowy görýärler. Hany,gyzlar boýnumyza alalyñda 😉
Indi gyzlara sorag-näme üçin köplenç biz gabanjañlygy özümize artyk üns hökmünde kabul edýäris?
Näme üçin biz gabanjañlykdan hem gaçýarys, hem oña begenýäris?

Üns bereniñiz üçin sag boluñ! Her kim öz pikiri bilen paýla$sa ho$al bolardym.