«FC Ertir.com» - «FC Talyplar.com» 6-12
Goal.com, Aşgabat, 15.01.2012ý. Düýn bütin dünýäniň futbol fanatlarynyň uly sabyrsyzlyk bilen garaşan «FC Talyplar.com» - «FC Ertir.com» Derbisi bolup geçdi. Oýny görmäge gelen 2-3 sany janköýeriň jemi 18 gola şaýatlyk eden bu oýnunda ýeňiş gazanan tarap «FC Talyplar.com» boldy. Iki tarapyň futbol federasiýalarynyň arasynda uzak wagtlap geçirilen gepleşiklerden soň geçirilmesi ylalaşylan bu duşuşyk Aşgabat şäheriniň «Nou Dag» (Türkmençelesek «Köpetdag») arenasynda geçirildi.
Oýun örän dartgynly ýagdaýda geçdi. Iki tarap hem özüniň näderejede güýçlidigini oýnuň ilkinji minutlaryndan başlap görkezen oýunlary bilen subut etdiler. Duşuşygyň ilkinji 20 minudy «FC Ertir.com»-lylaryň doly artykmaçlygy bilen geçdi. Olar şol 20 minudyň içinde esasanam Andy Roddick, Generalissimus, Chemicalmandinho, Nitrogenchenko ýaly ýyldyzlarynyň owadan oýunlary bilen 3 gol salyp, hasaby 3-0-a ýetirmegi başardylar, oýnuň ilkinji goluny bolsa Generalissimus salmagy başardy.
Mirasymyz («Talyplar.com»)
3-nji goldan soň «FC Talyplar.com»-lylar birneme özlerine gelip, topara ýeňiş getiren gollarynyň ilkinjisini salmagy başardylar. Ol goldan soň oýny dolulygyna ele alan talyplar, 2-nji goluny salmakda hem kynçylyk çekmediler. Gapdaldan derwezä tarap gelýän topy Gabriel Batyrtistuta özüniň ters urgysyndan soň, pökgüni öz derwezesine geçirip hasabyň 3-2 bolmagyna goşant goşdy.
Iki kapitan Atabayor we Chemicalmandinho.
Oýna örän gowy başlan «FC Ertir.com»-yň gowşamagyndan soň ilki 2 gol salan, soňra bolsa hasaby deňlän «FC Talyplar.com», ýene 2 goly aňsatlyk bilen salyp hasaby birbada 3-5-e ýetirmegi başardylar. Ikibada 3 gol aratapawut bilen öňe saýlanan «FC Ertir.com»-lylar garşydaşy «FC Talyplar.com»-lylardan beýle gaýtawula garaşmandylar.
Oýundan bir pursat.
Stadionyň tablosyndaky bu 3-5-lik ýazgy uzak wagtlap durmady. «FC Ertir.com» toparynyň oglanlary tijenip hasaby ilkä 4-5, soňra bolsa 5-5 etmegiň hötdesinden gelmegi başardylar. Şundan soň oýun hasam dartgynly häsiýete eýe bolup, oýun ikitaraplaýyn hüjümleriň astynda geçdi. Oýunda esasy kynçylyk bolsa iki toparyň derwezebanlary Iker Bravosillas bilen Van Der Mgazak Sar dagylara düşdi.
Iker Bravosillas («FC Talyplar.com»)
Oýnuň 60-njy minutlarynda «FC Talyplar.com»-yň baş tälimçisi Emmanuel Atabayoryň iki sany legioneri meýdança goýbermeginden soň oýnuň gidişi düýpgöter üýtgedi. «FC Ertir.com»-yň derwezesiniň öňünden pökgi aýrylmady. Talyplar yzly-yzyna hüjümler etdiler we birbada 3 gol salmagy başardylar. Hasap 5-8.
«FC Talyplar.com» toparynyň kapitany hem-de baş tälimçisi Emmanuel Atabayor duşyşykdan bir gün öň geçirilen pres-konferensiýada: «Men tälimçi hem bolsam ertir esasy düzümde meýdança çykmakçy hem-de garşydaşymyzyň derwezesinden iň bolmanda bir gol salmakçy» diýip ynamly belläp geçipdi. Atabayoryň bu diýeni ýerde galmady, ol toparynyň 7-nji goluny «FC Ertir.com»-yň derwezesinden geçirmegi başardy.
5-8-den soň «FC Ertir.com»-lylar diňe birje gol salmagy başardylar. Ondan soň «FC Talyplar.com»-lylar oýnuň jylawyny dolulygyna ellerine alyp hasaby 6-9, 6-10, 6-11, soňky sekuntlarda bolsa 6-12 etmegi başardylar. Oýun şol hasap bilen hem tamamlandy.
Oýundan soň Eurosporta intrewýu beren Gennaro Gudratuso: «Utulmagymyzyň esasy sebäbi goragdaky gowşaklyklarymyz, esasy günäkärimiz bolsa Gabriel Batyrtistuta, 1 awtogol saldy, 1 penalty etdi, ýene-de 3-4 gol şonuň ýalňyşyndan soň girdi..» diýip öz gaharyny žurnalistlerden gizläp durmady.
Duşuşykdan soň UEFA oýnuň iň futbolçysy we oýnuň iň owadan goluny saýlady. Oýnuň iň gowy futbolçylary (Meň pikirimçe) Nitrogenchenko («FC Ertir.com») hem-de Leonardoo («FC Talyplar.com»). Iň owadan gol diýip bir agyzdan Leonardoonyň uzak aralykdan depip, sütüne degrip salan goly saýlandy.
Oýun gutarandan soň oglanlar üýşip çaýlaşanlaryny kem görmediler. Çaýlaşmaga gidenler: ChemicalMan, Gudrat, Andy Roddick, Nitrogen, Generalissimus, Batyr. Bu ýerde-de dürli temalardan gyzykly gürrüňler edildi. Umuman düýnki futbol özbaşyna ýatda galyjy boldy, soňky çaýlaşmada gyzykly boldy.
«FC Talyplar.com»: Ata, Bravo, Leonardoo, Mirasymyz, 1Merdan, Garypjan, Broker, Adalatly, Hezretli.
Ine bu bolsa biziň toparymyz «FC Ertir.com»: ChemicalMan, Andy Roddick, Mgazak, Gudrat, Generalissimus, Batyr.
Bellik: Temany ukyň arasynda ýazamsoň bulaşygrak bolandyr. Özüňiz düşünersiňiz-dä.
Temada nikleri üýtgedilen agzalardan ötünç soraýan. Özüňiz dogry düşünersiňiz diýip umyt edýän.
Arhiwiň ýagdaýy
● Doly tekst
● 32/32 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 32
Tuweleme Oglanlar 🙂. Utulanynyzy gynanman, indiki gezek «FC Ertir.com» utar, Nesipbolsa. Temany Haladym, Sagja bol!!!
wahahahah :-D. :-D :-D suratlar LoLdaý :-D
tüweleme
Ine bu bolsa biziň toparymyz «FC Ertir.com»:
hahahaha :-D :-D
Berekella Oglanlar :-D
nichevoday Batyr,utulan oyundan doymaz diyaler,onde oyun kopa entek, talyplaram gutlayas rovanshy alypdyrlarow
😆 😆 multikden soň Şaolin Futbol haha ..
bet bet ýöne 🙂
Wuhahahah temany owadan yazypsynaý 😆 😆 talyplar tuweleme +
Utulan göreşden doymaz öneeee
batyr ozunem oynadyn my? in kan kim gol saldy?
Sagbol Batyr, tuweleme fantaziyan-a uytgeshigaow. Her gezek uytgeshik bir fantaziyan bilen yazyan.
Ertir.com-yn hemme agzasyna-da sagbolsun aydyan. Tuweleme gaty gowy oynadylar. Andi Roddick bilen Nitrogen ertirchilere oz oyunlary bilen bezeg berdiler. Aray, Gudrat, Batyr, Mgazak, Generalissimus bulan tarypa onki oyunlarda taryp edilipdi. Mgazak welin derwezanizi jan edip gorady, yone talyplaram bu gezek bilini gowja gushap meydancha chykypdylar. Iki sany myhmanymyz hasam berk gushapdyr.
Iki oyunyn netijesi boyuncha hasap 1-1
Talyplar.com-yn gechiren pokgusi 18, gechirdenem 18.
Ertir.com-yn gechireni 18, gechirdenem 18.
Sag bol Batyr dost.
dogurdanam gaty gyzykly gečdi.temaňy okap gülüp ýykyldyma :-)
Bah oglanlara dine berekella diyaymek galya
Bahbit bolsun oglanlar.
ayyplashmarsynyz-da, oglanlar 🙂
menT gorayse yene gara sanawa goshjag-a bolar welin 🙂
Batyr jan, mowzugynda:
«FC Talyplar.com»: Ata, Bravo,
Leonardoo, Mirasymyz, 1Merdan,
Garypjan, Broker, Adalatly, Hezretli.
diyipsin welin, olaryn aglabasy barinin hem agzalary:
ata-ata;
Bravo-Lukman Hekim;
Mirasymyz-Mirasymyz;
Adalatly-Kasymguly;
Hezretli-Adam;
Broker-Barter;
Garypjan-Garypjan.
Leanardoo barde barmy ya yok bilemok, 1Merdan hem barde bar, aslynda ol gelmandi, Turkmentug diyen agzanyn Meylis atly jigsi we 2 sanam myhman agza gelipdi.
Shonun ucin siz talyplara yenilenzok, siz yene ozunize yenildiniz 🙂
oyun oran onat boldy. Yeneki oyunlara 🙂
mowzugynam oran onat bolupdyr. Sag bol, Batyr!
🙂 bet tapypsyňaý. suratlaram ýagşy, uçup ýören wagtymyzy görkezen bolsaň hasam gülkünç boljak eken. a tak super bolupdyr.
ertir com guyçly söz ýok. biri biriniň oynyny bilýän, taktiçno guyçli kamanda. otliçno postawlenny oýun, 2 sany güýçli ganat, udarny centr, haroşi wratar, collektiwny zaşita...barsa 1 söz bn.
gyzyklyja eken. indiki oyunlara gatnaşmak bizede nesip ederda....
Umuman oýun gowy boldy. Oýunyň boljakdygy baradaky mowzukda aýdyşym ýaly 3-3-1 taktikasy bilen başladyk,
bu taktika ''talyplara'' garşy amatly we ýerlikli bolup durdy...
Utulmagymyzyň esasy sebäpleri:
1. Dogrymy aýdaýyn, komandanyň kontrolyny ýitirdim, esasan ''talyplara'' täze oglanlar gelende. Men entek Ata agadan gowja tejribe almaly.
2. Goragçy oýunçylarymyz has öňe gidip ugradylar we bu ''talyplara'' kontr-ataka etmek üçin amatlyk döretdi, köp gollaram şol sebäpden geçen bolsa gerek.
3. Biz biri-birimizi o diýen oýunda kän tanamzok, ýagny, düşünişmek kynrak geldi. Aram-aram öz aramyzda üýşüp futbol oýnap durmaly.
4. Adam sanymyzyň az bolandygy sebäpli, yzygiderli zamen etmäge adam bolmady, nämede bolsa biz prof oýunçylary däl-dä. ''Talyplarda'' bolsa zamen etme mümkinçiligi bardy.
Utmagymyz üçin şu zatlary düzetsek, indiki gezek bize-de utmak ýene-de başardarmyka diýýän. Geçen gezek
utanymyzyň käbir sebäpler bar, olam Oppiş bilen Wyždanyň_sesi bardy, olaram tüweleme oýnaýalar we şu
gezegem gelen bolsalar, zamen etmäge mümkinçiligimizem bolardy. (Zenit bilen Quotient ýetmezçilik etdi,
olar häzir arendada biri Balkanda birem Hytaýda)