15 hepdeläp dowam eden «Ýewraziýa Ýyldyzy» bäsleşiginiň ýeňijisi belli edildi

Düýn (14.01.2012ý) Istambulda eýýäm 15 hepde bäri dowam edip gelýän «Ýewraziýa Ýyldyzy/Avrasya Yıldızı» bäsleşiginiň jemi jemlendi. Bu bäsleşik ilkinji gezek geçirilip, türki döwletlerden jemi 6 döwlet gatnaşdy.

TDMI-niň 5-nji ýyl talyby, 22 ýaşyndaky Söhbet Kasymowyň Türkmenistanyň adyndan çykyş eden bu ýaryşyna Türkiýeden 28 ýaşyndaky Lokman Demirgiran, Azerbeýjandan 25 ýaşyndaky Cavidan Novruzov, Gyrgyzystandan 22 ýaşyndaky Gülcigit Kalitov, Gazagystandan 27 ýaşyndaky Ardak Baltiyev, Kiprden bolsa 37 ýaşyndaky Soyhan Bilgeer gatnaşdy.

Türkmenistanly Söhbet Kasymow: «Bäsleşikde Türkmenistanyň adyndan gatnaşýanym üçin özümi diýseň bagtly duýýaryn. Men bu ýaryşyň başlanan güninden bäri, goňşy döwletleň adyndan gatnaşýan kärdeşlem bilen ýakyn aragatnaşykda boldum. Olar meniň iň ýakyn dostlarym boldy. Şu bäsleşikde şol dostlarymyň ählisine üstünlik arzuw edýärin» diýip bäsleşigiň final tapgyry başlamanka belläp geçdi.

Düýn ýaryşa gatnaşýan döwletleriň 5-sinde göni ýaýlymda görkezilen bu ýaryşda çykyş eden bagşylar bäsleşigiň şertine görä 1-nji bölümde öz dillerinde, 2-nji bölümde bolsa türk dilinde aýdym ýerine ýetirdiler. Netijede, bu ýaryşa gatnaşýan her bir döwletde geçirilen ýarym final tapgyrynyň hem-de Istambuldaky final tapgyrynyň jemi boýunça Gyrgyzystanly Gülcigit Kalitov «Ýewraziýa Ýyldyzy» bolmagy başardy.

Ýaryşyň jemi jemlenende onuň gurnaýjylaryndan bolan TRT-niň baş müdiri Ibrahim Şahin: «Aslında kazanan Türk dünyası oldu. Bunu çok içten ve samimi olarak söylüyorum. Düşünün, 60 milyonluk nüfusu konuşurken, bugün 300 milyonluk bir Türk nüfusuna hitap ediyoruz. İnşallah önümüzdeki dönemde Özbekistan ve Tacikistan'ı da aramızda göreceğiz. Balkanları da yarışmaya dahil edeceğiz. Orada da Türkçe konuşan çok önemli bir nüfus var. Aslında yarışma başlamadan Karadeniz'in kuzeyindeki ülkeler de katılmak istedi. Ancak biz biraz geç kaldık. Onları da önümüzdeki dönemde aramızda göreceğiz» diýip belläp geçdi.

Şeýle-de Ibrahim Şahin bu bäsleşigiň geljek ýyllarda hem dowam etdiriljekdigini, bäsleşikde ýeňiji bolan döwletiň bolsa indiki finaly özünde geçirmäge hukuk gazanjakdygyny belläp geçdi. Soňra: «Demek ki gelecek yıl finali Kırgızistan'da yapıyoruz. "Avrasya Yıldızı" Gülcigit» diýip öz sözüni jemledi.

Ýaryşyň soňunda Gülcigit Kalitov «Ýewraziýa Ýyldyzy» bäsleşiginiň guramaçylary tarapyndan 30 000$ bilen sylaglandy.

«Ýewraziýa Ýyldyzy" bäsleşiginde Söhbet Kasymow ýurdumyzyň adyndan üstünlikli çykyş edip bildimi?

Çözdi, mundan gowysy bolubam bilmezdi(25%, 14 adam)

Başga biri giden bolsa, indiki final Türkmenistanda geçirilerdi(74%, 40 adam)