Sizi ömrüniň ahyryna çenli ýüreginde göterjek ýeketäk barlyk - Ejedir

Ejeleriňizi söýüň. Olaryň gadyryny biliň!

Oglanlar, gyzlar! Bir zady pikir edip görüň, eje sizi 9 aýlap göwresinde, 3 ýaşyňyza çenli gujagynda, ömrüniň ahyryna çenli ýüreginde göterer. Emma siz ejeňizi ömrüňizde diňe bir gün, hawwa, diňe birje gün eliňizde göterersiňiz. Ol gün bolsa ejeňizi soňky ýola ugradaňyzda onuň tabydyny göterjek güniňizdir..

Şonuň üçin entek wagt barka, giç dälkä, sizi adam edip il hataryna goşan eneň-ataňyzyň gadyryny biliň, olary söýüň. Kerim şahyr diýýär-ä:

Ene saňa ýeke gezek berilýär,
Söý eneňi, söýmegiňi dowam et.
Enäniň gadyryn bilmeýän bolsaň,
Enesini ýitirenden sowal et.

Ata saňa ýeke gezek berilýär,
Ataň ölse, arzuw ýoluň dowam et.
Sen arzuwňa ýetseň ataň ýetdigi,
Ýogsam ata ýata bilmez parahat.

Muhammet Pyhamberimiz bir hadysynda: «Jennet eneňiziň aýagynyň aşagyndadyr» diýýär. Hormatly agzalar, geliň enemizi-atamyzy söýeliň. Olaryň bize eden ýagşylyklarynyň iň bolmanda müňde birini bir gaýtarjak bolalyň!