Degişme

Ýaňy anekdot okap otyrdym welin siz bilenem paýalaşaýyn diýdim:

Ataköpegiň ogly kružoga gatnap motor sürmegi öwrenýärmiş. Göreldeli okuwçylaň biri eken. Okuwlaryny tamamlap gaýtmankalar mugallymlary iň soňky gezek tabşyryk beripdir:
- Üns beriň, eger motory gije sürseňiz we garşy tarapdanam bir çyra gelýän bolsa onda ol başga motordyr, ýadyňyzda bek belläň.
Ataköpegiň ogly şeýdip prawasyny alypdyr. 2 aýdan soň mugallymlary ony görmäge hassahana gelipdir. Pahyrjygyň bar ýeri döwük-ýenjik, gipslenen diýýär. Mugallym soraýar:
- Oglum näme boldy beýle?
- Garşy tarapdan 2 çyra gelýädi welin, aralaryndan geçäýjekdim...

* * *

Çeçenistanda urşa gatnaşyp gelen bir ors öz ýurduna gaýdyp gelende sertaraşa (parikmaher) barýar. Gürrüňiň arasynda sertaraş ondan nirede gulluk edenini soraýar, olam “Çeçenistanda” diýip jogap berýär. Birnäçe minut soň sertaraş ýene nirede gulluk edenini soraýar. Ors içinden “aý kellesi eýläk-beýläk öýdýän, ýene aýdaýyn” diýip ýene “Çeçenistanda” diýip jogap berýär. Az wagtdan soň sertaraş ýene “nirede gulluk etdim diýipdiňiz?” diýip soraýar. Orsuň bu gezek gahary gelýär:
- “Çeçenistanda” diýdim-ä, näme ýöne sorap dursuňuz? diýýär. Sertaraş:
- Her gezek Çeçenistan diýeňde saçyň hüžžerip gidýär, maňa-da oňarmak aňsat bolýar, şonuň üçin soraýan.

* * *

Amerikanlar 4 dwigatelli uçar ýasapdyrlar we arap çöllerinde barlap görmekçi bolupdyrlar. Ýanlaryna arap uçarmanyny alyp uçup başlapdyrlar, barýarkalar arka tarapdan “gümp...” diýip ses eşidilipdir we 1-nji dwigatel ýarylypdyr. Ekranda: “No panic, this is an American technology” diýen ýazgy çykypdyr. Az wagtdan ýene “gümp...” 2-nji dwigatelem hatardan çykypdyr. Ekranda ýene: “No panic, this is an American technology.” Soň ýene yzly-yzyna 2 gezek “gümp...”, ýazgy üýtgänok: “No panic, this is an American technology.” Soň uçar awtopilota geçip sag-aman ýere gonupdyr.
Muny gören araplaram kem galmajak bolup edil şolar ýaly uçar ýasapdyrlar we ýanlaryna amerikan uçarman alyp uçuşa çykypdyrlar. Gidip barýarkalar 1-nji dwigatel ýarylýar. Ekranda: “No panic, this is an Arabic technique” ýazylypdyr. Soň ikinji dwigatelem “gümp...”. Ekranda: “No panic, this is an Arabic technique.” Soň 2-nji we 3-nji motorlaram “gümp...” Ekranda: “Repeat after me: Eshedu en la ilaha illallah ve eshedu enne Muhammeden abduhu ve resuluh...”