2012:Saýlawlar ýyly

Dünýäniň iri köpçülikleýin habar beriş serişdeleri üstümizdäki ýylda boljak esasy syýasy wakalary teswirlediler. 2012-nji ýylynyň saýlaw ýyly diýip atlandyrylmagam mümkin. Sebäbi, şu ýylyň dowamynda dürlü ýurtlarda geçiriljek saýlawlar ýylyň esasy we ýatda galjak möhüm syýasy wakalaryna öwrüler. 2012-nji ýylda Türkmenistan döwletimiz bilen bir hatarda ABŞ-da, Fransiýada, Wenesuelada, Russiýada, Müsürde, Ýemende, Malide, Palestinada, Finlandiýada, Günorta Koreýada Prezident saýlawlary geçiriler. Mundan başga-da, Russiýany, Belarusy, we Gazagystany öz içine alýan Bütewi Ykdysady zolakda alnyp baryljak işler ähmiýetli wakalar bolar diýip hasap edilýär.
Şeýle hem 2012-nji ýylda Russiýada Aziýa-Ýuwaş Ummany Hyzmatdaşlygyna agza ýurtlaryň sammiti geçiriler. Beýik Britaniýanyň şa aýaly Ýelizaweta II-niň şalyk etmeginiň 60 ýyllyk ýubileý toýy hem belleniler.
Saýlawlar: 2012-nji ýylyň 12-nji fewralynda Türkmenistanda;
2012-nji ýylyň 6-njy noýabrynda ABŞ-da;
2012-nji ýylyň 7-nji oktýabrynda Wenesuelada;
2012-nji ýylyň 22-nji aprelde we 6-njy maýda Fransiýada;
2012-nji ýylyň 21-nji fewralda ýemende;
2012-nji ýylyň 19-njy fewralda Gresiýada;
2012-nji ýylyň iýul aýynda Hindistan;
2012-nji ýylyň ýanwar aýynda bolsa Müsürde geçiriler.

2012-nji ýylda Prezident saýlawlary bilen bir hatarda parlament saýlawlary hem geçiriler. Ermenistan, Belarus, Gresiya, Gruziýa, Gazagystan, Eýran, Litwa, Mongoliýa, Puetro-Riko, Rumyniýa, Siriýa we Ukraina yaly döwletlerde parlament saýlawlaryna taýýarlyk görülýär.