Söýgi we Aýralyk

Beýik binanyň üçeginden Söýgi bilen Aýralyk iki ýaş juwanlary synlap

durdylar.

Aýralyk Söýgä seredip: “ Jedel edelimi, men olary aýra düşürýän?!”

Söýgi bolsa: “Garaş, öňürti men olaryň ýanyna bir baryp gaýdaýyn, soňra sen

olaryň ýanyna näçe barsaň baryber, ana şonda göräýeris, sen olary aýra düşürip

bilýämiň ýa-da ýok”

Aýralyk bu şert bilen razylaşypdyr. Söýgi iki ýaşlaryň ýanyna baryp, olaryň

gözleriniň içine şeýle seredipdir welin, ýaňky ýaş juwanlar bir birlerine aşyk

bolupdyrlar”

Söýgi bir gapdala çekilip Aýralyga: “Indi seň gezegiň” diýipdir.

Aýralyk: “Ýok, şu wagt men bulara hiç zat edip bilmerin. Şu wagt bularyň

ikisiniňem ýürekleri söýgiden doludyr. Men bularyň ýanyna gijiräk gelerin.”

Wagt geçdi. Aýralyk öýüň penjiresinden içerini synlady we kiçijik çagaly

bir enä we ata gözi düşdi. Aýralyk bularyň söýgisi öçüşendir diýip öýüň işiginden

içeri aýak basdy. Ýöne ene atanyň

gözlerine içgin seredende olaryň gözlerinde Buýsanjy gördi.

Aýralyk yzyna aýlanyp: “ Men bulara soňra gelerin” diýdi.

Wagt geçdi. Aýralyk bularyň ýanyna ýene gelipdir. Öýde çagalaryň goh

galmagaly, işden ýadap gelen atasy, ejesi çagalaryny köşeşdirjek bolýardy.

Aýralyk ýenede uly umyt bilen, inda men şulary aýra düşürerin, sebäbi bularyň

ýüreginden Söýgi we Buýsanç bir eýýäm gidendirler diýen pikir bilen içeri

girdi. Emma olaryň gözlerine seredip ol olaryň gözlerinde birek birege Düşünişmegi

we Sylagy gördi.

“Men bulara gijiräk gelerin” diýip Aýralyk ýenede bulardan el çekdi.

Wagt geçdi. Ýenede Aýralyk bularyň öýüne gelip görüpdir. Görse –olaryň çagalary ulalypdyr, garry ata

çagalaryna bir zatlar düşündirýärdi, aýaly kuhnýada nahar bişirýärdi. Aýralyk göwünsiz

dem alyp, olaryň gözleriniň içine seredende olarda Ynamy gördi.

“Men bulara ýene gelerin” diýip Aýralyk çykyp gitdi.

Ýene-de wagt geçdi. Ýene-de Aýralyk öýe gelip gördi. Görse, öýüň

içinde agtyjaklar ylgaşyp ýör, gyzgynjak pejiň öňünde gartaşan garryja daýza

otyr. Aýralyk seredip öz içinden:”ine ahyr soňy meniň wagtym gelip ýetdi.” diýip

begendi. Aýralyk garry enäniň gözlerine seredip göreýin diýip ýaňy bir enäň ýanyna golaýlaşanda, ene birden yerinden

turup öýden çykyp gitdi. Aýralygam enäniň yzyna düşüp gitdi. Ene az salymdan

obanyň golaýyndaky gonamçylyga gelip, bir mazaryň başyna geçip oturupdyr. Bu

mazar garry enäniň ýan ýoldaşynyň mazarydy.

“Haý görýän weli men gija galaýypdyryn, Wagt meň etjek işimi eýýäm ýerine

ýetiripdir” diýip, gynanç bilen Aýralyk garry enäniň gözlerine soňky sapar

seredip gördi.

Ol gözlerde bolsa Ýatlama – Söýgi Ýatlamalary, Buýsanç, Sylag – Hormat,

birek biregi Düşünişmek we Ynamy gördi.

Translated by FeRNaNDo...

P.S. Terjimäniň ojuk bujuk

ýerlerine göz ýumarsyňyzda....<span lang="TK" style="font-size:9.0pt;<br>
line-height:115%;font-family:" arial","sans-serif";mso-ansi-language:tk"="">

???

gowy(76%, 13 adam)

boljak(11%, 2 adam)

ýok edoow...(11%, 2 adam)