Bütin dünýä meñ da$ymda aýlanýar

Salam gadyrly ertir.com-uñ agzalary we myhmanlary!

Siz bilen bir oýlanmamy paýla$aýyn diýdim. Pikirlerimi, oýlanmalarymy gelip $u ýere ýazaýmasam,halys ýöne öwren$ipdirn bärik 🙂

Käwagtlar $eýle bolýar-a, hemme zat bir ýere üý$ýär, kelläñde-de unudylyp gidilen bir aýdymçyñ sazy ýañlanyp durýar, hem-de bütin dünýä señ da$yñda aýlanyp duran ýaly bolup durýar.

Bu gün Maryñ köçelerniñ ähli çyralary meñ üçin ýanyp duran ýaly. Asmandaky ähli ýyldyzlaram diñe meniñ üçin ýaly. Özümi birazajyk serho$ duýýan (elbetde hiç zat içemokla toba 🙂 ). Da$ töweregiñdäki adamlaryñ iñirdilerine-de öýkeläsiñ gelenok.
$eýle duýgy bar: öz ba$agaý çal günlerimiñ içinde batyp galan ýagdaýymda hamana men ol adamlardan has belentde ýaly. Hamana men özüm üçin ýa$aý$yñ täze çe$mesini açan ýaly, hemme zady keýpine edip ýörün, ýüzümden bolsa ýylgyry$ aýrylanok.

Diñe durmu$a bolan garaý$yñy üýtgetmek ýeterlikli eken, onsoñ ol seniñ düzgünleriñ bilen "ýöräp" ba$laýar, saña bar syrlaryny açyp, ýeñi$e ynam döredýär.

Bagtly bolasyñ gelýärmi- bagtly bol, ýöne hiç kimden hiç zat sorama! Köp zada özüñ ýeteniñ gowudyr, soñundan "ana, men saña bir wagt kömek edipdim" diýen minnetli sözleri e$ideniñden.
Bize "ýag$ylyk" diýip, gulçulyk gara$lylygyna itekleýän adamlar gümündenem añyryk gitsin! Goý, seni ulumsy hasaplasynlar!

Üýtgedim. Belki, ulalandyryn, ýa-da... Ýa-da bol$umdanam mert görünjek bolýan. Belki, "mydamalyk borçlulyk" gabyndan da$yna çykandyryn.
Hamana kelläme agyr bir zat bilen urup, da$ töweregime täzeden göz aýlamaga mejbur edenler ýaly, täzeden oýlanyp, baha bererim ýaly.

Käwagtlar $eýle bir ýatda galyjy bolasym gelýär. Da$ töweregiñde gowy we ýakymly energiýany döretmek beýle çyl$yrymlam däl eken!

Bir minudymam bo$ geçiresim gelenok, iki hepdäme çenli öñünden planla$dyrasym gelýär, i$li, ba$agaý bolasym gelýär. Özümi gerekli duýasym gelýär. Bir zatlary deñimden geçirerin, ýeti$merin ýa-da beren sözümi unudaryn öýdüp gorkýan. Töweregimdäki adamlar üçin kiçijek bir Älemiñ merkezi bolasym gelýär. Ýakymly energiýañ aýlanyp iki esse bolup dolanyp gelýänini duýasym gelýär. Ýakymly pursatlar bilen bile doñup galasym gelýär, olary ýatda saklasym gelýär. Da$ töwerekdäki iñirdewük sözlerden gulagymy ýapasym gelýär hem-de bu dünýäde bolup geçýän zatlar hakda öz pikirimi aýdasym gelýär.

Köljümek köçelerden ýagy$yñ a$agynda aýlanyp, $emal bilen jedel edip saçlarymy ýygnasam, gökje $arfymam boýnuma orasam, kalbymyñ bir ýerlerinde-de bu dünýä bolan, ýa$aý$a bolan söýgiñ entekler öçmedigine müñde $ükür etsem...