GDA kubogy 2012-de Türkmenistan "A" toparçada çykyş eder

GDA döwletleriniň arasynda her ýyl geçirilmesi däp bolan, bu ýyl 20-nji gezek geçiriljek GDA döwletleriniň çempionlarynyň kubogy (Кубок чемпионов Содружества) Rossiýanyň demirgazyk paýtagty hasaplanýan Sankt Peterburgda geçiriler. Bu ýylky ýaryşa öňkilerden tapawutlylykda GDA döwletleriniň çempion klublary däl-de şol döwletleriň ýaşlar ýygyndy toparlary (U21) gatnaşar. Ýaryşyň näme sebäpden beýle sistema geçirlendiginden habarym ýok.

Ýaryş 19.01.2012ý-29.01.2012ý aralygynda geçirilip, duşuşyklar Sankt Peterburgyň 25 000 adamlyk "Peterburgskiý" stadionynda hem-de 3 000 adamlyk "Zenit" stadionynda oýnalar.

Bu ýaryşa Biziň ýaşlar ýygyndymyz (21 ýaşa çenliler) hem gatnaşar. Dekabr aýynda bu ýylky ýaryşyň toparçalarynyň bijeleri çekilipdi hem-de biziň toparçadaky garşydaşlarymyz belli bolupdy. Toparçalar şeýleräk:

A toparça
Rossiýa
Gazagystan
Estoniýa
Türkmenistan

B toparça
Ukraýina
Moldawiýa
Gyrgyzystan
Latwiýa

C toparça
Belorussiýa
Eýran
Täjigistan
Litwa

Toparçalary görenimden soň meniň bir düşünmedik zadym bar, ýagny, bu ýaryşda Eýran näme işläp ýörkä? Ýene-de birnäçe ýygyndylar bu ýaryşa gatnaşanok (Azerbeýjan, Özbegistan, Gruziýa, Ermenistan). Munyň sebäbi hem gyzyklandyrýar.

Soňky 5 ýylda bu ýaryşyň hili, abraýy, şol ýaryşa bolan isleg ep-esli peseldi. GDA-nyň güýçli döwletleri (Rossiýa, Ukraýina, Belorussiýa..) bu ýaryşa 2-nji, hat-da 3-nji sostawlaryny eltýärler. Soňky 2-3 ýyl bäri-hä güýçli döwletler şonam edenok. Daže ýaryşa gatnaşmakdan hem ýüz öwürýärler.

Bu ýaryşyň taryhynda türkmen klublaryndan iň üstünlikli çykyş edenleri "Köpetdag" hem-de HTTU-dyr. Bu klublaryň ikisi hem ýaryşyň 1/2 finalyny görmegi başarypdylar.

Ýaşlar ýygyndymyzyň bu ýylky ýaryşda toparçadaky oýunlarynyň raspisaniýasy:
19.01.2012ý. Türkmenistan - Estoniýa
20.01.2012ý. Türkmenistan - Gazagystan
22.01.2012ý. Türkmenistan - Rossiýa

Toparçamyzdan çykmazça däl. Gowja oýnasak 1/4 finala çykarys nesip bolsa. Garşydaşlarymyzdan Rossiýa öz esasy düzümi bilen gelmez. 2-nji, belkem 3-nji sostawy bilen geler. Estoniýa hem esasy düzümini iberer öýdemok. Şu aýdylanlary göz öňümizde tutsak, biziň topardan çykma şansymyz onçakly pes-ä däl.

Ýaryşda Türkmenistanly oglanlara üstünlik arzuw edýän.
Sag boluň.