Ýylyň iň gowy soragy ahyry özüni belli etdi.
Salawmaleýkim hormatly agzalar.
Täze ýyl hem golaýlap gelýär. Täze ýylda baryňyza köp-köp söýgi, söýgi, söýgi, söýgi we ýene-de bir gezek söýgi we saglyk dileýän.
Şu gün pikir etdim, Aşgabatda täze ýyl üçin birnäçe ýerler bezeldi. Birtopar ýerlerde ýolka otyrdyldy. Garaz menem fotoaparatjygymy alyp ýola düşdim.
Maňa iň golaýy konstitusiýa binasy.
Edil ýaňyja, sagat gije 1-lara fotoaparadymy, ştatiwimi we ýene görlerimi alyp surat almaga gitdim. Garaz ýolkaň daşyndan pyrlandym herhili, surat almak üçin gowyja ýer gözledim. Soň ahyrynda ýokarky ýaly kadr boldy. Suraty kiçeltdim welin, köp detallar ýitipdir. Ulurak görnüşine hem link bererin.
Garaz suraty almasyna aldymda, gaýdyp barýakam, 3 sany, köçe dilde aýdamda milise saklady we ilkinji soragy "žurnalistmi jigim?" diýip sorady we jogabym, "ýok, firmaň işgäri" boldy. Soň azajyk gürrüň gitdi, kellämde dörän dizaýn firma hakda aýdyp berdim, reklamny broşurlar, posterler çykarýanmyzy düşündirdim, garaz kän gürledim.
Soň ýylyň iň gowy soragyny soradylra. "Surat almak üçin kimden rugsat aldyň?" Bu soragy eşidip, näme diýjegimi bilmedim. Surat almak üçin rugsat gerekmi? diýdim diňe, garaz olaram hawa diýdi. Soň ýene-de azajyk gürledim. Surat almak üçin rugsat gerek dälde, köp tiražly birzat çykarmak üçin ýa suraty çykartmak üçin rugsat gerek diýip, onda-da onymy goldamadylar we hemme kişä surat almak rugsady we çykartmak rugsady gerek ekeni.
Garaz ýene-de ýarym sagat uruşdan soň çözülişdik. Türkmeniň şol gylygy galsady, bar yr-saraýan zatlary hem edil häzir ýolka doly gutarylmady we 2 sany kran bilen çyralaryny dakyp ýörler. Adamlaryň pikir edişi, taýynlaýyş wagtyny hiçhili almaly däl, diňe hemme zat ýasama bolup, herkim eline alyp bökjekleýän wagty surata düşmeli we diňe şol surat ýaýramaly... Garaz biderek düşünje.
Özümi öz ýurdumda azajyk gysylan ýaly duýdum...
Ýetip gelen täze ýylyňyz bilen.
Arhiwiň ýagdaýy
● Doly tekst
● 67/67 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 67
haaaallllllllllaaaaaaaaaaddddddddyyyyyyyyyymmmmmmmmmmmmmm
Ýylyň iň gowy soragy: Surat almak üçin kimden rugsat aldyň?
Ýylyň iň gynançly duýgusy: «Özümi öz ýurdumda azajyk gysylan ýaly duýdum...»
(ýogsada bu ýerde ýazmak üçin rugsat gerekmi? gerek bolsa kimden almaly?)
Bu-da ýylyň iň gowy nakyly.
aşgabatda amerikanyň ilçihanasynyň haýatlarynda surat almak bolanok belgileri asylgy.
eger surat alynjak ýer harby syr ýa-da döwlet syry bolmaýan bolsa gadaganlyk nämä gerek?
täze ýyl ýolkasy - döwlet syry däldirle.
gökdepe metjidinde hem surat almak bolanok.
pariž, luwr muzeýi ýa-da ermitažyň kartinnyý galereýalary bolsa, fotoapparatyň yşyklary surata zeper ýetirse..... ola-ma däl bu yşyklar bilen doly ýolka...
nýu-ýorkda täze ýyla bezelen köçeleriň suratyny almak gadagan däl.
nýu-ýorkda köçede ýatan bomžyň (öýsüz-öwzarsyzyň) suratyny almak hem gadagan däl.
taze yyl agsamy so ayda bolyamy?
tähranda köçe süpürýäniň suraty almak hem gadagan däl.
tähranda Şah Pehlewiň ýatak jaýynyň suratyny almagam gadagan däl.
Seniňem ýokardaky mysalyň Mowzugyň eýesiniňem duş gelen ýagdaýy Dünýäniňem lýuboý ýurdunda bolýan zatlar. Mysal getirip şu ýurtda şular ýaly waka hiç haçan bolmaýar diýip bilmeýäň. Bu ýagdaý diňe bir biziň ýurdumyza duş gelinýän zatlar däl. Bir-iki sany öli mysal getirip ýurtda eden etdiligiň edilýändigini görkezjek bolmak ýalňyş. Süri agsaksyz bolmaz diýýäler. Miliseleriňem, studentleriňem, ertirçileriňem arasynda agsaklar bardyr. Şonuň üçin bir iki ýakymsyz waka üçin bar hukuk goraýyjy edaralaryň işgärlerini ýazgaryp bolmaz.
Eýrana gidip görmänsiň öýdýän! Giden bolsaň nämäniň suratyny alyp bolýar nämaniňkini alyp bolmaýandygyny görerdiň.
Çuňňur hormatlanýan Capello!
Bu aşakdaky suratyň awtory men.
Ýokardaky setirde aşaky bolan we bu setirde ýokardaky bolan suratyň düşürilen ýeri Tähranyň eddil merkezi bölegi.
Bu surat üçin meni hiç kim saklamady. Tähranda ençeme gezek bolup gördüm we hiç haýsynda birahat bolmadym. Çypbakaý çynym.
BÄH... Diýmek meniň giden Tähranym bilen seniň giden Tähranyň başga ýerler bolara çemeli. Bizä Tähranda şäherde surata alanymyzda bir iki sapar dokumentlarymyzy soradylar. Yzymyzada bir iki sany agent düşdi. Näçe bildirtmejek bolsalaram. Bizä duýduk şony. Ýada sen gaty Eýranlylara meňzeş bolara çemeli SWOÝ diýip hiç zat diýmedik bolsalar.
http://www.votpusk.ru/country/country.asp?CN=IR
:-) ýeke meňzeşligimiz olaryuň gara çadrasy we meniň gara reňkim.
maňa azar bermän 77 gezek yzymyza düşibersinler. döwlete garşy hereketim ýok, ondan arkaýyn. (kontrolsyz ýer barmy?)
Dawaý Gara Pişik seniň bilen bir eksperiment geçireli. Mowzugyň awtoryny gije sagat 01:00 da eline ştatiw bilen fotoaparat berip Tähranyň telebaşnýasynyň ýanyna ibereli bar surat düşir diýip. Netijesi nähili bolar göz öňüne getirip gör hany?
agajanH-y tährana ibermek gymmat düşer.
gowusy Dildar gelnejeden haýyş edeli surat almagy.
emma, seniň beren eýran barada linkiňde şeýle ýazgy bar: «Фотографировать государственные учреждения, дворцы, военные объекты и сооружения строго запрещено. Нельзя фотографировать местных женщин, у мужчин следует спросить разрешения на фотосъемку. Ограничена съёмка в большинстве общественных мест, в портах и приграничных районах.»
bolup biler döwlet edaralarynyň suratyna gadaganlyk....
emma aşagy çyzylan sözlerdäki adamlaryň, aýallaryň suratyny, jemgyýetçilik ýerlerde surat almak gadaganlygy ýoklaý (bu jypdyrma).
mende bir süri gyzlaryň we adamlaryň (halkyň) suratlary bar. ynan, maňa surat alma diýmediler.
«Нельзя фотографировать местных женщин» ÝALAN! bu surat uçin maňa käýýemediler.
Bu-da meniň alan suratym, tähran kitaphanasyndan tehran telebaşnýasynyň görnüşi. elbetde bu surat gündiz düşürildi. gijesine nähili boljak bilmedim.
eýrana gowy göz bilen seretseň gowy görünýär, erbet göz bilen seretseň erbet görünýär.
her ýurt hem şeýle.
Orslaryň MID-niň saýtyndada ýazylgy şol zatlar.