Iň ýigrenýänlerim hakersumaklar. Onda-da türkmen.

Salawmaleýkim hormatly agzalar. Biler bolsaňyz, soňky döwür saýt 2-3 gün ýapyk boldy, ýene açyldy, soň ýene ýapyldy garaz öz derdine özi başagaý öýdýän. Herkim diýýändir, özüm üns berdim welin, beýleki forumlarda ýazýan agzalarymyz bar, ýagny "saýt idili işlänogaý" diýip, aslyýetinde saýt idili işlänok, ýöne hiçkimi näme üçin? diýen sorag gyzyklandyrmandyr. Sebäbi bir klienda hyzmat edeňde, "gowy" ýa "erbet" netije alyp bilýäň we sebäpler, näme, näme üçin, saňa nähili güýç bilen ol düşdi garaz ol zatlar hiçhili bildirenok. Adamzadyň gurluşy şeýle, munuň üçin hiçkimi günäkärlemek islämok.

Indi geleli saýdyň öz-özünden ýapylyp açylmak meselesine. Öňem türkmeniň aýdyşy ýaly, "Sebäpsiz, çöp başy gymyldamaz" diýipdirler. Şeýlelikde, temanyň ady bilen içiniň gabat gelýän ýeri ýetip geldi. Türkmenlerimizde hakersumak käri bilen gün-güzeran görip, güýmenip ýören adamlar kän dogrusy. Hakersumak diýmek, meniň seredişim, güýçli programmistleriň ýasan käbir programmasyny ulanyp, işleýşine düşünmän, "start", "stop" knopkasyny basyp bilýän oglanlarmyka diýýän.

Soňam dünýäde şeýle bir zat bar, kiçi wagty herkim haker bolasy gelýär. Bu geçirilen testler boýunça-da belli edilen zat. Hiçkim kiçi wagty güýçli programist bolasy gelenok. Özüňize hem serediň, siziň hem kinolardaky ýaly haker bolasyňyz gelendir. Ýa-da kiçi wagtymyz polisiýa bolup adamlara kömek etmegi islämzok, bir bandit bolup, ýarag satyp ýören Wandam bolmaga synanşýas. Bu zatlar ýaşyň hem dälde, azajyk düşünje gelenden soň ýitip gidýär. Aslyýetinde haker dälde programist bolmagyň maşgalaň üçinem, ýakynlaryň, dostlaryň, iliň üçinem gowydygy aň ýetirýär. Ýöne dünýäniň hemme adamsy birwagtda muňa aň ýetirenok. Şonuň üçin hakerçylyk gowydyr diýip ýören adamlarymyz henizem bar we aramyzda.

Şu saýda hem şol günden bäri ataka edildi. Ataka bolanda düşündireýin. Saýdymyzy bir otag ýaly göz öňüne getiriň. Adamlar girýär, adamlar çykýar, adamlar içinde otyr. Indi ýaňky otagymyzyň içine 250 adam sygýar diýip alaly. Bir wagtda 250 adam içinde otyryp bilýär, beýleki adam çykan wagty, ýerine beýleki girip otyryp bilýär. Indi arkasynyň nähili işleýändigini bilmeýän, elinde güýçli internedi bolan hakersumagymyz, güýçli bir programmistiň ýazan programmasyny açyp, www.ertir.com ýazyp "start" knopka basýar we garaşyp otyrýar. Bu programma, girişi ýapýar. Nädip girişi ýapýar diýýänsiňiz, kompýuter botlary içeri girip, çykyp, içeri girip, çykyp, girip, çykyp, çykyp girip ýa-da çykyp çykyp, ýa-da girip-girip we ş.m taktikasy bar. Ýa-da gapydan haýal ýöreýär, çykjak bolsa çykyp gidibermeli wagty, internet tizligini, 00000.1 kb/s edip, ýuwaşşşadan çykýar. Beýle bolan ýagdaýynda ne çykýar, ne-de beýlekini salýar. Garaz şeýleräk taktika bilen işleýän programma.

Bu işleri kimiň edýändigini bilýän we türkmenleriň arasynda şeýle konkurensiýa edilýändigine gynanýan. Şeýleräk bir gylygymyz bar, birisi has ýokary galyp ugrasa, özi hem galman, hökman beýlekini düşürmeli diýip. Ýöne bu ýalňyş, hiçhaçan beýle konkurensiýa edilmez we saýdy 2-3 gün ýapylany bilen hiçkim seniň saýdyňa göçüp gitmez. Adamlaryň saýdyňa girmegi üçin adamlar üçin birzat etmegi maslahat berýän, öňki ulanýan saýtlaryny ýapjak bolup ýörenden.

Garaz haker bolmak çagalykdan galan bolsa we häzir hem hakerçylyk gowydyr diýip ýörenlere degişli. Indiki ataka etjeklere we öňki edenlere ähliňize sagbolsun aýdýan. Çünki saýdyň has hem goragynyň güýçlenmegi üçin köp kömek etdiňiz. Her bir hakersumagyň girjek bolan ýeri ýa-da eden bokçylygy yzarlanýar we ýapylýar.

Meniň ýazmagymyň sebäbi, ertir.com häzir hem öňki serwerinde dur we meniň beýleki proýektlerime zyýan ýetýäni üçin özüm yzarlamaly boldum. Saglykda görüşeliň.

Soňuna çenli okana, sowgat habar. Täze ýyla çenli saýt gaty ösdüriljekmiş.