KAKAMA

Hyýalymda ýashadym señ ýashyñy.
Kyrk dokuzdyr elli bilen gürleshdim:
"Atamyñ ornuny beriñ siz maña,
Indi ýash däl,
Menzil-menzil ýol ashdym..."

Kyrk dokuz ýüzüme çiñerlip bakdy,
Elli ýash ýüzüni öwürdi menden.
Diýdiler: "Eý, ýigit, atalañ ornun
Diläp alyp bolýan däldir Aý, Günden.

Onsoñam, bilip goý, ýene bir zady,
Biziñ sözlerimizi hergiz sal ýada,
Atalaryñ orny mydam bosh galýar,
Ony aljak gudrat ýokdur dünýäde.

Sen sen bolsañ, meñzemeseñ hiç kese
Hem dostlaryñ diýse: "Bu tüýs il halar".
Adamlardyr ýyllar seni küýsese,
Bilgin ýigit, señem ornuñ bosh galar.

Ornuñ bosh galjagyn duýsañ, biläýgin,
Sen öz atañ ýörän ýoluna düshdüñ.
...Hyýalymda ýashadym señ ýashyñy.
Kyrk dokuzdyr elli bilen gürleshdim.

Italmaz Nuryýew