Her okamda gözlerimi çygjardýar
Uzak ýaýlada enäniň hüwdüsi
Eýýäm günes batypdyr,
Aý-da agyl atypdyr.
Garagolja Serdarym
Süýji uka batypdyr.
Günler aýlara bakar,
Aýlar ýyllara bakar,
On sekizin dolduryp,
Serdarym ata çykar.
Jahyllygyn ýasynda,
Ysk gaýnar dösünde,
Obamyzyn gyzlary
Seni görer düýsünde.
Ýaryn geler ýanyna,
Enen geler zaryna.
Sen mana az bakarsyn,
Köp bakarsyn ýaryna.
Gys ýaza sesin gosar,
Bahar kösük ýetiser,
Gelin-gaýnyn käwagt
Arasyna tow düser.
Malyn göwni ýazlarda,
Lalyn göwni sözlerde.
Menin göwnüm sendedir,
Senin göwnün düzlerde.
Jorama dusan ýerim,
Balam, seni öwerin:
Gelnin ýuwar köýnegni,
Men dolagny ýuwaryn.
Das oba düsse ýolun,
Gys bolsa sagy-solun,
Ilki enen ýat eder.
Onson ýatlar aýalyn.
Miwe köp bolsa eger,
Bag basyn asak eger.
Sana zynylan daslar
Enen pahyra deger.
Epilýänçä bil, balam,
Bir dilegim, bil, balam,
Mana köp zat gerek däl,
Köpün ogly bol, balam.
Kim serer kak-gurduny,
Kim söýer halk merdini,
Derdini men göterýän,
Sen göter il derdini.
Aýdan akdyr ýüzleri,
Sirin-seker sözleri.
Bu ukusyz gijänin
Ýellenipdir gözleri.
Bu dünýe ýogy-barym,
Bar myradym, mydarym,
Kötel ýollan külpetin
Son bilersin, Serdarym.
Gurbannazar Eziz
Arhiwiň ýagdaýy
● Doly tekst
● 24/24 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 5 maý 2012 ý. · Asyl sahypany gör ↗
Teswirler 24
Derdiňi men götärin / Sen göter il derdini
Ynha, başga näçe şahyryň kellesine gelmejek sözleri. Hakyky türkmen ejelerine mahsus duýgy. Yhlasly agaň ýerlikli belläp geçişi ýalyş durşy bilen paýhasa ýugrulan setirler. Türkmen çagasyny sallançakdaka terbiýeläp başlaýar diýilýäni. Bu hüwdi näçe gezek içimi dökmegime sebäp boldy!
chozday...
Gyzlaryma
Dört gyzym, dört nury didäm,
Gulak goýun sözlerime:
Dört ogul deý, dert iner deý
Kuwwat berin dyzlaryma.
Birin ýazym, birin arzym,
Abadym, säherim menin.
Dört diregim, dört pasylym,
Barynam baharym menin.
Dört pasylym, dört diregim,
Gündiz günüm, gije aýym.
Size gin dünýede abraý
Miýesser etsin ylaýym.
Namartlar kä mert ýigde-de
Nahak ýere syltak atar.
Ýöne welin, gyz halkyna
Olan sözi has köp ýeter.
Emma, bilin, buýsançlylan
Utdurany ýokdur heniz.
Lak atylar ýenleslere,
Hormatlydyr edaly gyz.
Durmus gurun, ylalasyn
Ýöne ara düsen söze
Orun berip könlünizde
Dyzap durman öýünize.
Ýigit kimin, bir är kimin
Ilin-günün hosy bolun.
Adynyz-abraýynyz bilen
Bir hataryn basy bolun.
Oguldan ýanyp ýörenler,
Çeke-çeke ahy-zary,
Diýsin sizi ýüze sylyp:
«Wah, gyz dogsa bolmaýarmy!»
Yhlas bilen dileýärin
Ýüze sylyp günüm-aýym.
Size gin dünýede abraý
Miýesser etsin ylaýym!
sagbol define