Dubaýa gezelenç (trafik)
Salawmaleýkim hormatly agzalar. Adyndan belli boluşy ýaly, bu gün Dubaýyň täsirleri we azajyk geň gören ýerlerimi aýdyp bermekçi.
Öňki bloglarymda ähli zat diýen ýaly geň görünýärdi we gyzykly gelýärdi. Ýöne Dubai bilen beýle bolmady. Ýazjak zatlarymy 100 gezek öňünden pikir etdim we onda-da size çalaja gyzykly bolar diýip umyt edýärin. Çünki Dubaý her bir 2 türkmeniň 1-i, gelip gidýän ýeri bolansoň, beýleki adamlaryň görip bilmedik ýa-da üns bermedik ýerlerini tapyp bilşimçe aýdyp bermekçi. Hiçkimiň kellesini, iň uzyn jaýyň näçe metrdigini, ýa-da haýsy ýurduň arhitektorlary gelip only gurupdyr we ş.m hemme tour agenstwalaryň saýtlarynda okap biljek zatlaryňyzy ýazyp, kellesini agyrtmakçy däl.
Ilkinji geň galyş. Uçardan düşeniňde, migrasiýa tarap barýançam, airport işgärleriniň arasynda hindi, hytaý, arab, gara .. we ýene-de 2-3 sany milleti gördümmikäm diýýän. Islän milletiňden adam bar. Ýagny özlerem 1-2 hepde gezmäge gelen dälde, ymykly ýaşaýan we işleýän adamlar. Migrasiýa baranymda, bir gara aýal IRIS Scan-da (gözüňi skan edýän), eli bilen gözüni görkezip "şiri şiri" diýip gygyrýar. Arabça birzat diýýämikä diýsem, soňundan orsunça gözüňi gatyrak aç diýýän ekeni. Garaz türkmenler edil uçardan çykan ýerinden ady belli we öz aýak-yzyny goýupdyr. Migrasiýada gygyryp gürleşýän işgärlerinden göni adamlarynyň myhmansöýerligi 0 diýip netije berdim. Ýa-da şular biz ýaly türkmenden ýadapdyr, ýa-da hemme kişä şeýle ýüz berýäler. Ýa-da men lepbeý-lepbeý diýýän thailara öwrenşipdirin.
Başdaky 2 günümi, özümi şeýle bir pes duýdum welin, bahymrak gaýtsam diýen pikir hem geldi. Internetde köp bloglarda "Dubaý millionerleriň şäheri" diýen ýaly düşünjeler hem bar. Hakykatdan hem şeýlemikä diýdim. Dubai Mall diýen ýerine aýlandym, dünýäniň iň belli markalary jemlenipdir. Içinde 5 sagada golaý aýlanyp hem hiçzat almadym. Ýanyňda iň bolmanda 10,000$ bolmasa, içine girip hem otyrmaly däl ekeni. Adyny birinji gezek eşidýän bir magazinime girip, guşak bahaladanymda 250$ diýensoň has hem şeýledigine göz ýetirdim. Ýa-da 3000$-a kastýum, 500$-a nauşnik we ş.m puly nirä sowjagyny bilmeýän adamlar we satyjylaryň ýanynda bolmak şeýle bir gyzyksyz ekeni. Ýöne şol ýokarda gürrüň berjek däl diýip söz beren iň uly jaýy we tans edýän fontanlary gördim.
Göwünsiz, özümi Dubaýda gezip ýören iň garyp adam ýaly duýanymdan soň, türkmenleriň aýlanýan bazaryny göreýin diýdim. Ana, bu bize gerek ýer. 1$-a futbolkadan başlap, 30$-a kastýuma çenli bar 😆 Ullakan bir raýon, ähli ýeri magazin we islän zadyň tapdyrýar. Bir kiçijek magaziniň içine gireniňden soň, mata, sagat, kompýuter, kowuş, herhili batareýkalar, fonarikler, kleý, ýalyk garaz bir türkmen söwdegäri girip, içinden bar gerek zadyny alyp gidibermeli edilen. Satyjylaryň hemmesi diýen ýaly orsça bilýä. Orsça bilýä diýýänim, zdrasti, sadis, horoshi we ş.m ýene-de iň gerek bolan, sanlary bilýäler. Käbirleri "ýüz elli" diýip türkmençe hem baha aýdýalar, ýa-da "bolýa","bolanok" ýaly sözleri hem bilýäler. "Plan zady tapsaneý","plan zady planydan iberdim" diýip gapdalyňdan geçip gidýän türkmenler hem adaty zat ýaly bolýan ekeni.
Garaz, şeýlelik bilen Dubai nähili isleseň, şeýle bolýan şäher diýen netijä geldim. Baý ýaşamak isleýän bolsaň, baýlar ýaly ýaşa, orta halkyň geýýän eşiklerini geýesiň gelse orta halkyň barýan ýerleri bar. Söwda edip, kaçestwa dälde koliçestwa diýip ylgaýan bolsaňyz jygyldyk ýaly 10-10dan, 100-100den satyp ýatan magazinleri hem bar. Deňizde suwa düşeýin diýseň, kenary bar. Paraşutdan bökeýin diýseň, paraşutdan bökilýän ýerleri bar. Garaz, hiç bir belli bir ugur boýunça gidýär diýip biljek däl. Ähli ugurdan, gereklije ýeri bar.
Ýene-de käbir gyzyklyja eşiden zatlarym, Dubaýda hiçhili Israilyň graždany ýok. Çünki hiçisine wiza berenoklar we Israily döwlet hökmünde hasap hem edenoklar. Palestina üçin, 1:1 diýdikleri öýdýän. Başgada, gurluşyk gaty köp. Dubai soňky 10 ýylyň içinde guruldy diýen ýaly we häzir hem gurulyp gidip otyr. Gurluşykda işleýänleriň ählisi hindi. Olar hem ýaşaýan ýerleri barmyş we iş bilen obşide awtobus gatnadýar we şol iki aralykdan daşyna çykaranoklar. Garaz gulçulyk diýen ýaly. Eger Dubaida işgär gerek bolsa, arkaýyn, maňa diňe hindiler, maňa diňe musulmanlar, maňa diňe hytaýlylar ýaly arkaýyn milletçilik edip döwlet derejesinde işe çagyryp bilýäňiz. Hiçkim milletçilik üçin suda berjek bolup duranok, öwrenişilen.
Dubaýdan sykyp alyp bilen bar maglumatlaryma şular. Gyzykly bolandyr diýip umyt edýän.
Arhiwiň ýagdaýy
● Doly tekst
● 61/61 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 61
şol ululykdadyr. Prezident barýa diýip, asandyrlarda?
Baydak beyle uly dal, yone ashakdan aldym wellin, uzyn gorundi 🙂
da nu na,eger sheyle bolsa,ilkinji gezek tm baydagy sheyle ululukda durjakda dashary yurtda
sagja bol bet tema
beyle ululyk dal, 2 metrd'ir boyy...
2 metrem az zat dalow
shu burj'yñ chir depesine chykmak arzuwum.
nesip bolsa
Agajanjan sag bol berekella gowy
yokarda bira, foroporadyn profesional oytyan diydi wln, shujagaz anekdot yadima dushdi, goyayin diydim 🙂
Один фотограф, будучи приглашенным на вечеринку прихватил несколько своих снимков, дабы при случае показать их гостям.
Хозяйка, увидев снимки воскликнула:
- Какие восхитительные фотографии! У Вас, видимо, очень дорогой фотоаппарат!
Фотограф на это ничего ей не ответил, но прощаясь в конце вечера сказал:
- Спасибо, ужин был приготовлен великолепно! У Вас, наверно, очень хорошие кастрюли!
Agajan- bir sany jan bolmaly dalmi?
Agajanjan diyjek
goqy yerler. yone ashgabatcha yok eken 😉
2 ýyl töweregi ýashap gaýtdym..byr agzañ ýokarda belleýshi ýaly ashgabatça owadan däl,üste üstine ýaman hapa ýerleri kän..agajan her emirligiñ aýra kanunlary bar diýeniñ dogry..7 emirlik birleship (öñler hersi aýra ýurt kysymly bolan) BAE dörän..meselem Sharjada alkagol içgi satylanak,dogrusy tapmagyñ mümkin,emma bikanun..shortili gezmek gaty byr halananak..Dubaida bolsa hem içgi hem shorti doly açaçan..
Ýazsam ýazarn otyrarn,tema açsam hem boljak el degse..ýöne shu ýerini belläýin,köpler BAE'ñ paýtagty Dubaidyr öýtýä,emma Abu Dhabi,aralary Ashgabat-Mary ýaly..paradoks,Dubai Emiradyñ paýtagtyndan söwda,turizm,bizness we etc. ùçin has oñaýly
mowzuga garashyñ,has anyk maglumat bererin
Dubaya gidipdim. Oz aylananja yerlerimi yd saldyn. Okap hezil etdim.Gowy yazypsyn.Berekella!
Biz shaerin merkezinde Siti sentrin golayynda bir otelde galdyk. Edil yanymyzda hytay restorany bardy.Agshamlaryna durli renkli togalak elde yasalan ajdarha suratly lyustralaryny dashardan yakyp goyyardy. Yanyndan gechende brihili gurbakgadyr pyshbaganyn ysy gelyan yaly burnumy tutubrak gechyardim. Ishdam gapyldy. In gyzykly giden yerim hem Hytaylaryn bazary boldy. Halkara bazary (bazar Intenational) (bu bazary kopler gormandir) gaty uzak. Yerde bir gyzyl hat chekilen shony sypdyrman gitsen ahyry yenen sol hat yzyna getiryar. Yere seredip gidiber,meli. Tutushlugyna hytay zatlary. Bazara toplayyn beryarler. Kichijik dukanjyklar we onunyzynda uly ish yeri. Islendik zady bahalat,sana toplayyn derrew yetishdiryarler. Men-a toplayyn dal- dogrusy ullakan alan zadym hem bolmady. Yone gorup gaytdym. Wiyy( Sauna Belt aldym )
Dubayda in gyzykly yer suwa dushulyan playžy eken. Durshy bilen ors. 2 gun suwa dushduk. Araplaryn yashayn rayonlaryna gidip aylandyk. Owadanja jaylary bar eken. BIr tanyshymyz oyune myhmanchylyga chagyrdy. Ozi pars. Mashgalasynda 2 ogly bir gelni we ayaly. 5 adam. Yone olaryn 6 mashyny bar eken.( Nayynsap birini bize sowgat berayse-de boljakdy. Barybir artykmach) Hemmesi-de Mitsubishi,Toyota.
Dukanlarda aylanyarkam donuz tine hem dushdum. Yslam yurtda donuz eti satylyar.(in halamadyk zadym)
Namaz wagty kochelerde hem bolsa yetishibildiginden namaza duryarlar( in halan zadym)
Birdukana bardym welin menden bir zatlar sorady. Sonra Marianna ,Zarianna diydi. Egnimi gysdym. Dushunmedim. Sonra bazara aylanyp yorkak turkmen ayallarynyn mekany bolan oteller ekeni shol sanalan atlar.
Gyzyklyja yurt. Gidip gorun siz hem.
awtor sana jan diyesim-ä gelenok, aga diymegem islämok, h diyip yüzlensem bolarmy? 😆 (şutka)
Mydama bolşy yaly teman bet! Şeyle ôwrenişilmedik stildäki yazgylary halayan. Dubay dubay welin yöne men yssy yurdy halamok. Dubay diyilse yada Katar diyilse jokrama yssy yadyma düşyän. Kataryn şayollaryndaky plasmas agaçlary, gülleri entegem unudyp bilemok 😆 ösümlik ösdürip bilmän şeytmeli bolupdyrlar. In halayan yerlerim Kanada, Norwegiya, Şweysariya... yöne dine hyyalymda gitdim o yerlere... 🙂
P.S yürejik? 😉
aytmasanay :S
way gidip gelesim geldida..yaman owadan yerler ekeni.. 👍
senniňem gözüňe derrew kanuny, düzgüni bozanlar düşýäraý 😆
sen beý diýdiň welin, meniň ýadyma bir zat düşdi.
Türkmen Owaza çykýan bagşylaryň biri tw kanalyň öz kamerasynda kliba düşünde, aýdym aýdyp durka elini galdyran boldy welin, gaty gülkünç boldy. Soň edil şol hereketi hususy studiýalar bilen klip düşürende etdi welin, gelşiklije hereket bolup dur.
Diýjek bolýanam apparatyň gowy bolmasa-da, çygylanyň peýdasy ýok. Hem başarnyk hem apparat gerek.