Seni ýitiren günüm

Seni ýitiren günüm
Nähili gündi?!.
Shol güne men düshünemok shindizem.
Bulut gelip,
Günüñ öñün örtensoñ,
Gijä çalym edip durdy gündizem.
Wah, ýogsam gysh günem däldi-le ol gün,
Ol gün adaty bir günüdi güýzüñ.
Ýöne, nämüçindir, eshitmeýärdim
Hemisheki bagshy gushlañ owazyn.
Nirdedir bir ýerde
Irmän çalynýan
Dutaryñ owazam çykýardy güñleç.
Adamlañ ýüzünde,
Ýylgyrsalar-da,
Ne-hä buýsanç bardy,
Ne-de bir gynanç.
Uçup ýören arzuwlarym-ak gushlam
Gara bulduñ añyrsynda aýlanyp,
Geçip bilmän,
Perwaz urup ýördüler...
A men bolsam durdum diñe oýlanyp.
Bir görsem,
Kümüshmi-zerden ýasalan
Jadyly gaýygñy kürekläp sen hem
Gözýetime - deñze siñip barýardyñ,
Barýardyñ nokada öwrülip kem-kem.
Ne yzyñda garaýardym gaharly,
Ne çeksem diýýärdim tükenmez näziñ,
Alasarmyk bolup,
Walla, añk bolup
Durdum bir özüm.
Seni ýitiren günüm
Nähili gündi?!.
Shol güne men düshünemok shindizem.

Italmaz Nuryýew