Aydyshyk /fizika degishli/

Wehimi-
Beriñ jogap näçedir Ýerdir Günüñ arasy?
Näçe gektar bolarka gury ýeriñ barysy?
Näçe tonna gelerka çekip görseñ dogrusy?
Asyl çekip bormyka shondan bize habar ber!

Halaçly-
Sekiz minutlyk ýoldur Günden Yeriñ arasy.
Ýer üstünden üçden biri gury ýeriñ barysy.
Arzuw edip Arhimedem ötdi-gitdi dogrusy,
Çekjek bolshup durmaly,bizden jogap sheyledir.

Wehimi-
Irde-giçde gutaryp,günüñ nury solarmy?
Bardy-geldi solaýsa ahyrzaman bolarmy?
Ahyrzaman bolaýsa janly jandar galarmy?
Çäre tapyp bormuka,shondan bize habar ber!

Halaçly-
Irde-giçde saralyp,günüñ nury solmayar,
Arkayyn bol, Gurban aga,ahyrzaman bolmaýar,
Goja zemin ýashaýar oña bela gelmeýär,
Çäre gözläp horlanma,bizden jogap sheyledir.

Wehimi-
Neüçin ilki doganda Aýyñ ýary görünýär?
On dördi gijelerde tutush bary görünýär?
Käbir ýyldyz näme üçin öçük-sary görünýär?
Olar süýshmän durmuka,shondan bize habar ber!

Halaçly-
Aý ýashmagyn dürýänçä on dort sutga gerekmish,
Dessine görjek bolma barybir biderekmish,
Ýyldyzlaryn her biri joshup urýan ýürekmish,
Ömürboýy süýshýärler,bizden jogap sheyledir.

Wehimi-
Ozal nirden aýrylan bu dunýäniñ asyly?
Togalakmy,süýrümi,näme ogshar mysaly?
Näme üçin meñzesh däl ýylyñ dört pasyly?
Dünýäñ çeti barmyka,shondan bize habar ber!

Halaçly-
Dumanlykdan aýrylan bu dünýäniñ asyly,
Süýrümi,togalakmy ýumurtgadyr mysaly,
Güne görä gyshyklykdan döreýändir pasyly,
Dünýäñ çeti tapylmaz,bizden jogap sheyledir.

Wehimi-
Näçe metr bolarka Ýer dashyna aýlansam?
Al howadan añyrda näme barka saýlansam?
Ynanarmyñ eger men Marsa baryp öýlensem?
Wysal hasyl bormyka,shondan bize habar ber!

Halachly-
Niresinden aýlanjak,ol-a shona baglydyr,
Ýokary galdygyñça ýyldyzlar has çaglydyr,
Marsda etsem-goýsamyñ gelnejeme baglydyr,
Ynanmanam durjak däl,bizden jogap sheýledir.

Wehimi-
Neüçin munda ýaz bolsa, Günortada gysh bolýar?
Ýerin ýashyn aýdyp ber dogry näçe ýash bolýar?
Aýdan Günüñ arasy näçerajik dash bolýar?
Dunýä baky durmuka,shondan bize habar ber!

Halaçly-
Goja zemin aylanyp kä ýaz,käte gysh bolýar,
Ömrüñ bilen deñeseñ tükeniksiz ýash bolýar,
Sowallar ownaberse bar bilenim kash bolýar,
Bakylykdyr biribar,bizden jogap sheyledir.

Wehimi-
Tokioda Gün name üçin Ashgabatdan ir dogyar?
Oña sebäp nämekä,kä wagtlar dash ýagýar?
Deñiz suwy näçe gezek her gün kenara agýar?
Ony saklap bormuka,shondan bize habar ber!

Halachly-
Ir ýashyanlygy üçin o ýerde Gün ir dogýar,
Damja asmanda doñup, Ýere bolsa dash ýagýar,
Deñiz suwy iki gezek her gün kenara agýar,
Saklamag-a bashartmaz,bizden jogap sheyledir.

Wehimi-
Halaýyklar,eshidiñ,hich zat gelmez elimden,
Dynç bashym bar, bir bela tapaýmaýyn dilimden,
Sowuñ azashýan bolsan dogry barýan ýolumdan,
Gurban, bir zat bormuka, shondan bize habar ber!

Halaçly-
Akmyradam sen ýaly, köp zat gelmez elinden,
Tapjak bolsañ shu wagta çen tapardyñla diliñden,
Diliñ saýrak,tesme gaýrak, dogry barýañ ýoluñden,
Yshk mülküniñ wezirine bizden jogap sheyledir.

Bellik. Aydyshyk: Gurban Çaryýew (Wehimi), Akmyrat Hudaýberdiýew (Halaçly)

shygyr gownunizden turdumy?

hava(77%, 7 adam)

yok(11%, 1 adam)

okamadymam(11%, 1 adam)