Degişme-mi ya-da oylandyryjy hereketler-mi?

Dag gerşine çykan owlak möjege haýbat atypdyr. Möjek oň bolşuny synlap:

 - Seniň haýbatyňdan gorkyandyr öýtmegin, saňa bu sözleri duran ýeriň diýdirýändir - diýipdir.

*****

Öküzüň şahasyna çykan siňek:

 - Gördüňizmi, men öküzi ýeňdim. Ol meni şahasyndan düşürjek bolup nüçe jan çeksede başaranok - diýip öwnüpdir.

*****

 - Men bolmasan sen näme işlärdin? - diýip, iňňe sapakdan sorapdyr.

 Sapak:

 - Bolýar, onda men gitdim. Sen men bolmasam nädip tikin tikip bilerkäň? - diýip gidiberipdir.

*****

Öňde bir öwünjeň:

 - Meniň bir uly halym bar. Onuň boýy esli ýere ýetjek - diýip öwünipdir.

Şonda beýleki bir öwünjeň:

 - Be, onda seniň halyň meniň öýümüň ýokarsyndaky deşigi ýapmaga ýetjek eken - diýipdir.

*****

Möjek sürüden guzy alypdyr. Ol eden işine begenip, tokaýyň bir çetine geleninde oňa aýy topulypdyr. Elinden guzyny aldyran möjek oňa seredip:

 - Özüňden ejiziň göwnüne degmäge utanaňokmy? - diýipdir