HEZRETI OSMANYŇ (RA) GÖZEL AHLAGY (HÄSIÝETI)

Hz Ebu Bekir(ra) imany we dogruçyllygy bilen tapawutlanyp, jemagata
gözellik we güýç berýärdi. Pygamberimiziň (saw) ol hakda „Hemme
adamlaryň imanyny tereziniň bir tarapyna goýsaň, Ebu Bekiriňkini (ra)
hem bir tarapyna goýsaň onuň tarapy agyr geler“ aýdan hadysy hem
ýeterlikmikä diýýärin. Ýa-da Omar (ra) -yň adalat häsiýetini alyp
göreliň. Resulullahyň (saw) bu hakdada aýdan sözüni ýatlalyň. „Menden
soňra adamlara Pygamber iberilmeli bolsady, ol Omar bolady“. Ýada hz
Alyny alyp göreliň. Pygamberimiz (saw) bu hakda näme diýdi: „Men ylmyň
şäheri bolsam, hz Aly (ra) ylmyň gapysydyr“.

Hz Osman (ra) barada aýtjak birinji häsiýetimiz şudyr. Rowaýata görä hz
Osman (ra) gusulyny alandada içki eşiklerini çykarman suwa düşer ekeni.
Bir gün oňa „Sen näme üçin şeýle edýärsiň?“ diýip soranlarynda Ol diýseň
çuňňur imanly we köp adamyň kellesine gelmejek bir jogap berýär: „Men
Allahdan (jj) we Perişdelerden utanýaryn“ diýýär. Bu nähili gözel ahlak
we haýalylyk. Bu nähili Allah (jj) bolan söýgi, sylag we ýakynlyk. Ol
Allah (jj) hiç ýerde unutman, öz hereketiniň Onuň öňünde nähili
görünjekdigini alada edýär. Ol öz häsiýeti, haýa we ahlagy bilen
musulman jemagatyna gözellik goşýardy. Onuň özüni alyp baryşy
mu'minlerde täsir galdyrýardy. Öň bir alymdan „ Takwa adamy nädip tanasa
bolýar, hakyky mu'mini nädip tanasa bolýar?“ diýip soralanda ol şeýle
jogap beripdir: „Göreňde Allahy (jj) ýadyňa düşürýän adamlar takwa
adamlardyr“. Hz Osmany (ra) gören adamlar hem Allahy (jj) ýadyna
salýardylar. Bize başgada şeýle rowaýatlar ýetip gelipdir. Ýagny bir gün
hz Resulullah (saw) mesjidde musulmanlar bilen gürleşip oturan eken.
Daşarda hem yssy howa bardy, şol sebäpli ol aýagyndaky balagy ýokarrak
çekipdir. (Özi hem şoňa üns beren däl bolarly). Birden şol wagt mesidiň
gapysyndan hz Osman (ra) girýär. Resulullah (saw) ony görüp, aýagyndaky
balagy aşak çekýär. Ol elbetde Osmandan (ra) utanyp beýle edenok, şol
şahsiýeti görüp, Allahyň (jj) iň gowy görýän häsiýetiniň haýalylykdygyny
ýatlaýar. Diýmek hz Osman (ra) öz ahlagy, görnüşi we häsiýeti bilen
adamlara ýagşyygy buýrup, ýamanlykdan saklaýardy. Yslam taryhy
kitaplarynda biz hiç bir ýerde hz Osmanyň (ra) eden amallary bilen
öwünendigini ýada minnet edendigini, ýa hut biri bilen sogüşendigini,
dawa edendigine gabat gelemzok. Ol hemişe pespällik, kaýalylyk ederdi,
diýseň geçirimli we ýumşak häsiýetli ynsandy. Şol sebäpli Resulullah
(saw) şol sahabany diýseň gowy görerdi, uly sylag we hormat goýardy.

http://www.mugallym.narod.ru/makalalar/osman/ahlak.html

Turkmenistanda namaz okap sakal ossursen wahabist diyyalermi???

Howwa(66%, 8 adam)

yok(16%, 2 adam)

Bilemok(16%, 2 adam)