Koreýa nädip ösdi? | Konserwator
Günorta Koreýa ýerasty resurslary taýdan garyp, yzagalak ykdysadyýetli, jahyl halkly bir döwletdi. Türkmenistanyň 1/5 ýaly territoriýa eýe. 1990-lara çenli diktator we ýarym diktator režim bilen dolandyryldy. Emma diktator döwründe-de planly ykdysady syýasat alyp baryp XX asryň soňuna gelende dünýäniň iň uly 12-nji ykdysady güýji bolmany başardy.
Koreýa bilen Türkmenistanyň arasynda birnäçe meňzeşlikler bar. Meselem Koreýanyň ikinji prezidenti general Park özüni "ömürlik lider" diýip yglan edipdi. Ýöne ol 1979-da öldürildi. Koreýa gurlany bäri tä XX asryň soňky onýyllygyna çenli ýarym-diktator režim bilen dolandyryldy. Liberal kanunlar bolsa-da olar ýerine ýetirilmedi, emma bu gödeklik koreý ykdysadyýetiniň ösmegi üçin edilipdi.
Koreýany bilermenler 4 döwre bölýäler. Ýöne men 3-e böldüm:
1. Planly ykdysadyýet döwri - 60-70 ýyllar
2. Galkynyş döwri - 70-90 ýyllar
3. Demokratikleşme we Globallaşma döwri - 90ly ýyllardan soň
Birinji döwürde iki 5 ýyllyk plan düzülip onda esasan aýakgap öndürmek, oýunjak öndürmek ýaly ýeňil senagat döredildi. Koreýanyň ösüşi bolsa 3-nji bäşýyllyk plan bilen başlady. Onda esasan himiýa, gurluşyk ýaly agyr senagatlar döredildi.
Bilermenler Koreýanyň esasy ösüşi SAEMOUL diýlip atlandyrylýan ikinji döwürde bolandygyny aýdýarlar. Bu döwürde ýeňil senagat döredilipdi. Ýöne men olar bilen ylalaşamok. Meniň pikirimçe esasy ösüş Ýuşin döwründe başlaýar. Çünki, 1972-nji ýylda karar bilen ÝUŞIN döwri başladylanda Koreýanyň häzir professionallaşan ugurlary saýlanylyp alnypdy. Terjimesi "Täzeden Janlanyş" bolan bu döwürde Koreýa ösmek üçin nebithimiýa, polat, gämi gurulşyk we elektronika ugurlaryny saýlap aldy. Saýlan ugurlarynda ösmäni hem başardy. LG, Samsung ýaly şereketleri hemmämiz bilýäris. Onsoňam Koreýa gämi gurluşygynda ýalňyşmasam ikinji bolmaly. Hyundai Heavy Industries gämi gurluşykda iň belli firmalardan biri. Şol wagt ýene bir edilen peýdaly iş bolsa 86 sany gurluşyk firmasynyň harby önümleri öndürip biljek şekilde dizaýn edilmegi.
Koreýanyň elektronikasy 1980-lerde döräp başlapdy. Şol döwürler ýurtda liberal kanunlar ornaşdyrylanam bolsa dürli bahanalar bilen elektronika importynyň öňi alyndy. Onsuzam şol ýyllar Koreýa ýarym-diktator režim bilen dolandyrylýardy. Ýöne bu kanun bozulmalar koreý elektronikasynyň güýçlenmegine getirdi.
Koreýanyň belli ugurlary kesgitläp maksat edip goýandygyny aýdypdym. Şu bilen baglylykda döwlet husuyýetçiligi örän berk gözegçilikde saklap diňe öz islän ugrunda kesgitlenen maksatlara gönükdirdi. Meselem elektronika şereketi bolan Samsunga awtoulag senagatyna girmegi gadagan edildi, rugsat berilmedi. Edil şonuň ýalam Hyundai firmasyna elektronika ugry gadagan edilipdi. Döwletiň bu berk syýasaty firmalaryň öz ugurlarynda professionallaşmagyna getirdi. We netijede Samsung ençeme ýyllardan bäri elektronika äleminiň lideri.
Kanunlar hem infrastuktura hasaplanýar we ösüş üçin ähmiýete eýe. Muňa gowy düşünýän koreýler her döwür telekeçilik kanunyny döwrebaplaşdyryp durýar.
Soňky döwür - SEGÝE HWA
1990-njy ýylda saýlawa gatnaşan dalaşgärlerden şol bir ses çykýardy - Segýe hwa! Terjimesi "globallaşmak". 1990-njy ýyldan başlap Koreýa hakyky demokratikleşme ýoluna girdi. Kanunlar üýtgedildi. Onuň bu hereketleri ýurtda ykdysadyýetiň durnuksyzlaşmagyna getirdi, çünki Çaebol diýlip atlandyrylýan äpet şereketleriň näkanuny ýol bilen ösüşiniň öňi alnyp kiçi telekeçileriň ösmegine goldaw berlipdi. Maliýe syýasatyndaky eden-etdilikleriň soňuna çykylmaga synanşylypdy. Ýöne soňlugy bilen düzeldi. Häzir Koreýa full demokratiýaly döwlet hasaplanýar.
Globallaşmak syýasaty juda möhüm. Aslynda şuňa meňzeş düşünje Koreýada öňem bolupdy. Öňki maksat eksport etmekdi. Koreý iç bazary örän çäkli. Ykdysady ösüş üçin eksport gereklidi. Globallaşmak syýasaty netijesinde Koreýa başga ýurtlara maýa goýmana girişdi. Indoneziýa, Malaýziýa ýaly ýurtlarda, Ýewropada zawodlar açyp global şereketler halyna geldi.
Umuman jemläp aýtmaly bolsa Koreýa Gudraty 3 esasa daýanýar:
Bilim >> Bilim derejesi ýokarlandyrmak arkaly koreýler jahyllykdan halas bolup elektronika öndürip bilýän derejä ýetdi. Başda Samsung ýaly firmalarda ýewropaly inženerler işläpdi. Hökümet ýörite mekdepler döredip ýokary hilli adamlaryň ýetişmegini gazandy
R&D >> [Türkmenistanda kän bilinmeýän bir söz düzümi; terjimesi gözleg we kämilleşdiriş bolup biziň kitaplarymyza ulanylýan "ylmy gözleg" söz düzümi R&D-nyň terjimesi bolup bilmeýä] Islendik bir firmanyň rehimsiz konkurensiýa şertlerinde ösüş gazanyp bilmegi üçin tehnologiki üstünlik möhüm. Koreýa girdejisiniň esasy bölegini tehnologiýanyň kämilleşdirilişi we täze tehnologiýalary öndürmek ugruna harjady.
Firmanyň ýaryşyp biljek derejä ýetip bilmegi üçin täzelik döretmek şertdir! Koreýanyň ösüşinde döwlet tarapyndan şereketlere ylmy hemaýat üçin döredilen R&D institutlary öz netijesini beripdi.
Döwletiň syýasaty >> Köp ýurtlarda bolşy ýaly Koreýa şereketleriň puluna, ösüşine degmedi. Hökümet belli maksat goýup şereketleri şol maksada gönükdirdi. Ösüşi üçin maliýe we ylmy kömek berip tejribelileşmegini gazandy.
Koreýanyň tejribesini Türkmenistanda hyýalda ulanyp göreliňmi?
Göreli (beý diýseň tema açjak bolaryn)(78%, 11 adam)
Hökman däl(21%, 3 adam)
Arhiwiň ýagdaýy
● Doly tekst
● 30/30 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 10 maý 2012 ý. · Asyl sahypany gör ↗
Teswirler 30
Belläp geçeýin; Koreýa Türkmenistandan 5 esse kiçi. Emma welaýatlarynyň sany 16! Administrasiýa üçin jogapkär ýerlerniň kiçeldirmegi we belli ugurlara ýöriteleşdirilmegi ösüşe uly goşant goşýar. Dolandyryş aňsatlaşýar. Türkmenistanyň ilaty hem 6 milliondan geçen we 2030-lara çenli 7-8 milliona ýeter. Şeýlelikde biz welaýatlaryň sanyny köpeltsek ýerlikli bolar. Welaýatparazlyk, tireparazlyk düşünjeleriňizi gömüň!😎
seul betmi
woo munun bashga tema. bolmesen bolyar esasy. pikirlendiriji mowzuk, malades, Konserwator.
Talyp dost... bölmeli hoow 😆 Teswirimi okaman geçdiňmi😎
ay bir dowleti osdurmek dilinde ansat.. dashky faktorlara seretmeli ilki bilen..
turkmenistanyn dushmany kop, kop dowletin dost yali seredenine ynanman!
yene-de bizin dowletin geografiki yerleshishem opasniy zonada.. shonun ucin kan bir osubermegem howplyrak.
aaa entak polnyy okamok. bolmeli diymehoow dost. yone osush strategiyasyny bizde-de ulanyp bolarmy diyenini haladym. kan bolushdirsen kyn bolar.
Dogry aýtdyň ýöne ýalňyş netije çykardyň. Döwletimiz howply zonada ýerleşýä diýmäli-de möhüm ýerde ýerleşýär diýeli. Iň esasy howpumyz bolsa nebit-gaza baý bolmagymyz.
Bilermenleriň aýtmagyna görä energiýa baý bolan ýurtlar esasan doly güýjinde ösüp bilmeýärler. Çünki energiýa uly syýasat, uly inwestisiýa we uly üns talap edýär.
Netijede ýurtlar energiýa üns berýär, emma bu örän uly sektor bolany üçin şu arada ynsanlar ýatdan çykyp bilýär. Emma welin haçan-da ynsan güýji gowy bolnanda döwlet doly kuwwatyna syýsatçy, ykdysadyýetçi bolup bilýär.
Katara serediň, şu wagtlar dünýäniň iň baý ýurtlaryndan biri. Jan başyna 76 müň dollar. Emma energiýadan başga meselede karar berip bilýän ýurt däl. Türkmenistan hem şeýle günlere düşmezligi üçin energiýany tejribeliräk intellektual şerekete tabşyryp özi ynsana we beýleki ugurlara inwestisiýa etmeli.
ýadamany bilmeýän, zähmet soýer isheññir halky bar. Dünýä bazarynda Ýapon hem Kareý önümleri ilkinji orunda.
Kän ösmek howply däl. Ösmek arkaly biz aslynda howpdan halas bolýas. Dünýä ykdysadyýetiniň bir parçasy bolmaly. Meselem Singapur dünýäniň maliýe merkezi.Türkmenistan hem şular ýaly esasy merkeze öwrülmeli. Şonda uruş howpy abanmaz
KATARyn arkasynda birtopar Arap yurtlary yatir.. Turkmenistan kop meselede oz bashyna netije chykaryp oz bashyna hereket edip bilenok..
Şol ýadamany bilmeýän zähmetsöýer halk bizde hem bar. Koreý halky başda jahyldy. Nämäň nämedigine düşünmeýärdiler. Emma döwlet başga ýurtlardan alan karzyny bilime we transport infrastukturasy we beýleki esasy ugurlara ýatyrdy. Netijede Koreýa dinamikleşdi. Bilim derejesi ýokarlandy we şondan soň Samsunglar, Hýundaýlar gowy önüm öndürip başladylar.
Aslynda bolsa şol firmalarda başda ýewropaly inženerler işläpdi. Çünki koreý kadrlar ýokdy. Bilime goýlan inwestisiýalardan soň köpeldi. Häzirki wagtda Koreý uniwersitetlerinden uçurym bolýan inženerleriň sany ABŞ-kydan köp. Koreýa 50 million; ABŞ bolsa 300 million
Berekella awtor!
Bu hem bir wariant.
Shägirtleriñ dörejegine ynamym bar.
Aslynda men bu bölmek meselesini ýalňyş düşündirdim. Muňa hem men günäkär. Dogry düşündirip bilsem goldamaýanlaram goldardy.
Goshulyan, men koplench Singapury mysal hokmunde goryadim yone Koreya yatdan chykyp baryar. Singapur okeana achylan port bolany uchin belki doly mysal bolup bilmez yone Koreya bize has menzeshrak yagdaydaky bir yurt. Yone Singapury hem analiz edip tema achsanam gowy bolar. Shu osush diyen dushinjani chopanlara chenli bermeli. Bu millet arak diymegin yerine yatyp turyp hallalyk, adalat, osush diyse, chalt wagtda osushler galkynyshlar bolar. Gije adamy oyandyryp maksadyn name diyse yurdymy dunya markasy etmek diyjej derejede anlarymyz bolmaly. Bu ish kyn yone in sha Allah mumkin. Eger adamlar bu dereja yetse ol 3 sany y classyn hem kan sozleri gechmez yaly bolar. Dowam gardash...
usa kömek edendir...bolmasa başgaçarak bordy...
Konserwator birem bolmek sozjugini kan ulanma. yanlysh asossasiyalar berya bizin shuurymyzda yatan kabir sebablerden. Aslyna seretsen welayatlaryn gornushini SSSr den galan kone kolhoz, oblast gornushinden uytgetmeli duybinden. Has kamil we bizin yurdymyza layyk bir duzime owurmeli. Yone bular son oz ozunden boljak zatlar, geljekki bagtyyar nesiller bu meselelerde bizden has gin bilgi we dushinjeleri we mumkinchilikleri bolar in sha Allah. shu wagtky mesele halallyk, adalat, osush
😆 Täzeden döretmek diýeli onda. Türkmenistan 5 ykdysady raýona, olaryňam hersi iki ýa-da 3 any kiçi ykdysady raýona bölünýär häzirki günde. Biz şol kiçi ykdysady raýonlaryň statusyny welaýat düýüp üýtgetmeli. Bolany başga problema ýok. Birem olary biraz tertipleşdirmeli. 😎
Работников корейского крематория поймали на краже золотых зубов
В Южной Корее полиция арестовала шестерых работников сеульского крематория, подозреваемых в краже золотых зубов у покойников, сообщает Ренхап со ссылкой на полицейское управление Сеула.
По версии следствия, один из подозреваемых по фамилии Ли с августа 2006 года заработал около 20 миллионов вон (17,7 тысячи долларов) на продаже драгоценного металла, собранного из печей крематория. Остальных пятерых арестованных, по информации Agence France-Presse, подозревают в хищении золота в общей сложности на 14 миллионов вон.
Как отметили в полиции, расплавленное в крематории золото после продажи шло на производство ювелирных украшений и тех же золотых коронок. В законе отдельно не прописано, как следует поступать с золотом, оставшимся после сжигания тел умерших, но самовольный сбор металла считается уголовным преступлением, - пояснил представитель полиции.
Какое наказание ожидает арестованных в случае признания их виновными, не уточняется. Во избежание повторения подобных инцидентов впредь в полиции Сеула предложили органам местного самоуправления тщательней проработать законодательство.
По информации AFP, в последние годы все большее количество жителей Южной Кореи предпочитает кремацию похоронам.
http://lenta.ru/news/2011/12/01/crematorium/
Koreyada şeýdibem baýaýanlar bar eken
Koreyada şeýdibem baýaýanlar bar eken