Noýabr gyş geljegini buşlady....(Güýzüň soňky güni)
Ýakanok köňüle güýzüň şemaly,
Noýabr gyş geljegini buşlady.
Ikindin kölgeleň uzaýşy ýaly,
Ýene-de gijeler uzap başlady.
Kelläňi sokmaga tapaňok deşik,
Nädip geçirmeli soňsuz gijäni.
Ýa keýwanyň bilen süýji gürleşip,
Sanap çykmalymy güýzde jüýjäni.
Ne gapyň kakylýar, ne-de penjiräň,
Howadanam beter ýüzüň gamaşýar.
Şeýle günler, meniň çakyma görä,
Sen birine, birem saňa garaşýar.
Otuz üç ýaş köňle müň gussa salar
Daşarda çygly ýel gitdikçe güýjär.
Bu şeýle bolupdyr. Şeýle-de bolar:
Günleriň gysgalyp,uzalýar gijäň.
GURBANNAZAR EZIZOW.
Arhiwiň ýagdaýy
● Doly tekst
● 16/16 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 16
👍
Gün, günden irden Turmak Kynlaşýar, şondan gyş golaýlaýany bildirtýär). Goşgyny Haladym!
Gurbannazar Ezizowyn in halayan pasly guyz bolan bolmaly...
sada owadan we jana yakyn goshgy 🙂
D
...Günleriň gysgalyp,uzalýar gijäň...
...Umuman,go$gyda ynsan ömri hakda gürriñ gidýä(n ýaly maña)...
sho setir menem unsumi cekdi ozaa
Gurbannazar Ezizowyñ go$gularynyñ a$ygy
Meniň gowy görýän paslymyň soňky güni :(
men in gowy goryan paslym BAHAR 😉
Bu goşgusyny okamandym ön
bu wagt noýabr.
meniňem ne gapym kakylýar, ne-de penjiräm.
gapym kakylaryny isläp oturman, özüm ýaly başga bir gapysy kakylmagyny isleýäniň gapysyny kakaýsammykam?
ezizow başga.