Ýagyşsöýüjiler üçin öň ýazan goşgym
Ýagyşsöýüjiler üçin öň ýazan goşgym
Saralan ýaprakdan dolupdyr ýollar,
Mylaýym ýagyş hem bezeýär ony.
A men dostum bilen barýan bu ýoldan,
Käşgä gelmese-di, bu ýoluň soňy.
Töwerek asuda, arassa örän,
Misli bu gözellik biz üçin dörän.
Damjalar ýuwaşja degýärdi bize,
Damjalar ýaş bolup gözmüzden akýar.
Biz şeýle minnetdar bu altyn güýze,
Gaçmadyk ýapraklar gabanyp bakýar.
Bu altyn ýapraklar ýollara sygýar,
Asmandan damja däl ýatlama ýagýar.
Gülüşýäs, derdinýäs arkaýyn ýöräp,
Synlap ýapraklaryň altyn şöhlesin.
Ýagyş şol ýagyp dur ýola sepeläp,
Wah tutup bilsedim damjaň ählisin.
Dostum mahal-mahal maňa seredýär,
Her bakyşy doňan kalbym eredýär.
Bulutlar damjasyn eçýär seçeläp,
Ýapraklar tans edýär ýollarda taýyp.
Iki dertdeş bolup barýarys ýöräp,
Käşgä bolup bilsem dostuma laýyk.
Irmän diňleýär ol gutarmaz derdim.
Onuň üçin men barymy bererdim.
Indi gözüm düşse şol ýodalara,
Ýatlaryn elmydam gözel dostumy.
Ol günler siňipdir hakydalara
Ýapraklaram örter olaň üstüni.
Birdenkä düşäýse dostum ýadyma,
Şonda ýatlamalar ýetýär dadyma.
03.12.2007
Arhiwiň ýagdaýy
● Doly tekst
● 22/22 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 16 maý 2012 ý. · Asyl sahypany gör ↗
Teswirler 22
Aýyplaşmaň, öňler goşgynyň yşgyna düşüp ýören wagtlarym, adaty däl ýaly edip ýazjak boldum. Bolşuna gör-ä!
+10 😉
onler diydigin 2007 ler oydyan haa??
inddi dogryny yalnysdan ayyryp bilyan diyyanda haa?😆😆
Gaty gowy ýazylypdyr, BRAWOOOO👏
Dogryny ýalňyşdan diýmäli-de, kämilleşmek diýäýeli. Aradan dört ýyl geçipdir, adam bir ýerde dursa, yza galdygydyr!
Super 🙂
menem kawagt yagyshda yeke yorap içimi gurledyan....
👍
Mena haladym,uytgeishkragem boljak bolupdyr!
Bu altyn ýapraklar ýollara sygýar...
Shu setirde yapraklaryn azlygyndan nyshan dalmay?
shu yerine dushunip bilmedim...
Size Gurbannazar aga yaly guyzun ashygy,her goshgynyzda guyzden bir setir hich bolmanda tapylya 🙂))
Saralan ýaprakdan dolupdyr ýollar,
Mylaýym ýagyş hem bezeýär ony...
....Bu altyn ýapraklar ýollara sygýar....
Ters gelenokmy ? ya men ters dushunyanmi?🙂
Edil az diyjek bolmadym aslynda, yollary doldurypdyr diyjek boldum!
syganok diyseniz shony,gowurak bolmazmy?
Ustunlik agam!
Bu goşgynyn düzetmeli yerleri bar aslynda. Önki durky bilen goydum. Şol wagtky yatlamam yadymda galsyn diyip!
olam dogry 🙂
Birdenkä okamda goshgyn adyny,
Şonda o dowurler dushyar yadyma 😎
sizin yazan setirlerinizi remix etdimlay 🙂))
Goşgyň özüni okamda düşýä ýadyma, adyny däl!
teswir yazman gecip bilmedim, gaty gowy ruhumy okady gosgy...
gowy yazylypdyr!!
Gowy goşgy, sagboluň paýlaşanyňyza! Güýzi, ýapragy, ýagyşy, dostuňyzy owadan wasp edipsiňiz.. Dogrudan hem güýzüň tebigaty has owadan bolýar.Täze ýere gitmek üçin reňk üýtgedýän kimin ýa-da aýralygyň reňki hem diýse bolar.. Belki-de kürtesidir sary reňk bu güýzüň! Ýöne meniň pikirimçe bu pasyl aýralygyň pasyly. Agajyň ýapraklara berýän sarydyr, gyrmyzy reňklerine garamazdan, bu pasyl ýapragyň agaçdan aýrylmagynyň hasratydyr. guşlaryň agaçlardan uçup gitmesiniň hasraty. Guşlaryň asmandaky tansy bolsa, belki-de güýzüň tansydyr..