NENEŇ OŇAT
Neneñ oñat!
Şol ýagyşlar ýagyp ýör,
Şol güller gülleýär türkmen düzünde.
Şahyr söýgi setirlerni ýazyp ýör,
Senem ýaşap ýörsüñ ýeriñ ýüzünde!
Neneñ oñat!
Bu säherde gussam ýok,
Güllerde damjalar – misli bir dürler.
Men saña ýer-gögi peşgeş beremok,
Geçdi oña ynanylýan döwürler.
Men diñe ýagyşmy, tupanmy, duman,
Parhy ýok, şadyýan, gussaly günde,
Minnetdar,
Minnetdar saña sag-aman
Ýaşap ýöreniñe ýeriñ ýüzünde.
Güýz donun geýipdir türkmen düzleri,
Baglaram sypaýy – miwe bişende.
Barha az aýdylýar söýgi sözleri,
Barha köp oýlanýañ iñrik düşende.
Neneñ oñat!
Täze güller açylsa,
Güle yhlas eden türkmen düzünde.
Hüwdi bolsa, çörek bolsa, gün bolsa,
Senem ýaşap ýörseñ ýeriñ ýüzünde.
Gurbannazar Ezizow
Arhiwiň ýagdaýy
● Doly tekst
● 13/13 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 23 maý 2012 ý. · Asyl sahypany gör ↗
Teswirler 13
Gosgy bolsa onda da yagys hakda bolsa durup bilemokda ))
Bet👍
Bet👍
shahyr, shahyrlygyn chyn bolyan bolsa, sonup yanyp, sonup git!!!
nenet onat goshgy eken. Halandy!
Gurbannazar aga bet goshgylar yazyp gidipdirlay
Guý, ýagys! Eziber tallan saçlaryn,
Geliber mün ýylky ýollaryn bile.
Ýöne dag daslaryn alyp gaýtma,
Dag basynda ýatan sillerin bile.
Guý sen, ikiýana bulap baglary,
Böwri ýarylana dönsün bu asman.
Baglar buýmaz ýagsyn ýagany bile,
Ýagsyn döwen güli guramaz asla.
Nämüçindir özüm bilip bilemok.
Sen gökden inende batýaryn gama.
Bir dilegim, ýüregimde gat ýasan
Geçen günlen ýatlamasyn gozgama.
Ýada salma çagalygyn günlerin,
Döwür geçdi «ös, saçym, ös saçlykdan».
Ikibasdan, gözün baglap enemin,
Aýakýalan, basy açyk das çykman.
Sen tans oýna belent jaýlan basynda,
Suw-sil et asfaltly das-töweregmi,
Hemem ilkidurmus päkligin bile
Durla menin bu säherli ýüregmi.
Guý sen ýagys! Güwläp-güwläp geçenson,
Beýhus eder bizin säherli seri.
Säherin çetinde asfalt gutaryp,
Anyrda sähranyn baslanýan ýeri.
Säher tarapyndan gelýän binalan
Sesin esdip çigildem hem jümjüme,
Ýol berer «Ýollarnyz ak bolsun» diýip.
Bu beýik hem Adalatly hüjüme.
Häzir bolsa, guýuber sen jos bile,
Ýöne dasy dündermesin sillerin.
Durlaber sen bu säherli ýüregmi
Hemem jümjümänin uzyn tellerin!
Elbet-de Gurbannazar aga!
Bl aýdýanyň Kerim agaň goşgusy🙂
Bärde Gurbannazar agaň goşgulary gidip otyr
Men saña ýer-gögi peşgeş beremok,
Geçdi oña ynanylýan döwürler.
Shu iki setirde yashlyk downunin soygusini beyan edipdir 🙂
Gurbannazar bulutdan ýekeje damja!
Daaaa, gowy pikir ummanyna batdym.....