TOÝA GELIŇ! ( çaklendirmesiz hemme agzalara degişli, islän gelibermeli)

Hoş geldiňiz gadyrly Eziz myhmanlar!
 
Geliň geçiň, törümiz giňdir ýerleşersiňiz.Ýetip gelýän täze Hijri-kamary 1433 ýylyňyz  we Jumga güniňiz gutly,mübärek bolsun!

Hawwa, Adam pahyryňky hem göwünd-ä! Biriýylgyryp seretse hem göwni hoş bolýar. Men hem Siziöýüme çagyryp toý edip bilmesem hem şu internediň içindäki wagtlaýynça öýüme  ýylgyryşlarym  bilen Sizi çagyryp toý edýän,  ýene bir gezek Hoş geldiňiz! 

Hawwa, Adamyň bedeniniň iýmite mätäç bolşy ýaly Ruhy hem iýmite mätäçdir. Men Size bu toýda tapanjamdan şol Ruhy naharlary hödürleýärin.Siz bu «tagamlary»öň müňlerçe gezek dadan hem bolsaňyz, bulara doýma ýokdur, özüm hemfakir-miskinlikden ýaňa şu tagamlara gaty mätäç, alyň«Bismillähirrahmänirrahym» başlaberiň!

1.Hikmetiň (manyly syrly söz)we bagtyýarlygyň başlangyjy Ýaradyjyňy tanap, Oňa ybadat etmekdigini,
2.Betbagtlyklaryň başy hem özÝaradyjyňy tanaman, ylymsyz-jahylgalmakdygyny,
3.Her näçe günäkär hem bolsaň, çyn toba edeni Allah (j.j.)-yň bagyşlaýandygyny,
4.Namaz diniň diregidir, gaýrat edip diregimizi berk saklajak bolmalydygyny,
5.Ýüregimizde Hakyky Imany ornaşdyryp ýaşadyp bilsek, bizden daş-töweregimize Söýgi we Adamkärçilik ysynyň bark urjakdygyny,
6.Ömrümiziň her pursadyny gymmatly geçirmek islesek, Allahü tealanyň öz ylmy we gudraty bilen bizi elmydama görüp we eşidýändigini,
7.Ýene-de, 1000 sany ylym  bilip, 1-ni hem etmäniňden, 1 ylym bilip, AMAL edeniň artykmaçdygyny , Kyýamatda bilip hem etmedik işleriň hakynda jogap soraljakdygyny,
8.Edebiň bolmasa Ylymyň abyraýsyz bolýandygyny,
9.Tekepbir (ulumsy, men-men) we Imansyz Adamyň jennete girip bilmejekdigini,
10.Kemçiliklerimizi we artykmaçlyklarymyzyaýdanlarynda özümizden gitmän, orta halda durmany,
11.Garypçylygyň başy isrip, ýaltalyk we hapysalykdygyny,
12.Bize belanyň,manysyz gürlemekden we diňlemekden, köp iýmekden we harama seretmekden gelýändigini,
13.Adamlara haýyr etjek bolup ýaşamalydygyny, hiç bolmasa eliňden ýa diliňden zyýan bermeseň hem, şonuň  Uly Haýyrdygyny, her gün özümize ýataldalyň,ynandyralyň we AMAL etjek bolalyň!
14.Doga-dileglerimiziň kabul bolmaklygy YHLASA we HALAL lukma baglydygyny unutmalyň.
15.Adamlara noşniýetli bolup, ynanjaň bolmalydygyny, aldanaly-aldatmalyň, mazlum bolalyň, ýöne ZALYM bolmalyň, ÝÖNE, =Musulman bir deşikden iki gezek sokulýan däldir=, ýa-da= Kör hasasyny bir gezek aldyrar= sözlerini hem unutmalyň.

Ynha, Hormatly EZIZ myhmanlar, bu «tagamlary» meniň ýaşululardan diňlän we okanlarymdan , =Baryndan bazar eýläliň= diýip Size hödür etdim, JANYŇYZA NOŞ WE ŞYPA BOLSUN!

Toý töwüri: Bilýänler bir «Elham bilen 3 Ihlas»+ doga(Magfirli),

« Ýä Rabbil Alemiin!,
Bizleri we bütin musulmanlary jahyllykdan gorap, Özüňe Sadyk gul, Pygamberiňe mynasyp ummat eýle! 

Bütin türkmen halkymyza, milletimize JAN SAGLYK, Parahatçylyk , Agzybirlik we Bereket nesip eýle! 

Bütin ýer ýüzüniň ynsanlaryna Hidäýet nesip eýle!
 
Syrkawlara şifa, Talyplara, Ýolagçylara we Bergililere ýardam eýle!

Bize haýyrly ömür nesip eýle!
 
Her näçe günäkär  bolsak hem, Seniň BIRLIGIŇE, BARLYGYŇA WE BAGYŞLAÝJYLYGYŇA ynanyp, umyt edýäris, bizijähennemiňden gorap, jennetiňe sal!»
 
Ämin,we Selämün Alel Mürselin wel Hamdülillähi Rabbil Alemin.

(gerek bolan wagty aslyny, manysyny üýtgetmän ýazgylarymy islän agza ullanyp biler, garşy däl.=tmolympiatda=adym, OKUWÇY, öňde-soňda birini ynjydan bolsam Bagyşlaň, Razy boluň!)