AB$ baran turkmen studentlerinin sany yokarlandy...!

ABŞ-da ”Açyk gapylar” atly 2011-
nji ýyl boýunça ýaýradylan
hasabatda 2010-11-nji okuw
ýylynda Türkmenistandan
Birleşen Ştatlara 210 studentiň
bu ýurduň ýokary okuw
jaýlarynda okamaga barandygy
aýdylýar.
Halkara bilim instituty (IIE)
tarapyndan taýýarlanan
hasabatda ABŞ-a okuwa baran
türkmenistanly studentleriň
sanynyň geçen ýylky bilen
deňeşdirilende takmynan 8%
ýokarlanandygy görkezilýär.
Maglumata görä, Merkezi Aziýa
döwletlerinden ABŞ-a iň köp
student Gazagystandan barypdyr.
2010-11-nji okuw ýylynda bu
ýurtdan ABŞ-a 1,890 studentiň
barandygy habar berilýär.
2010-11-nji okuw ýylynda ABŞ-a
Täjigistandan 249,
Gyrgyzystandan 279,
Özbegistandan bolsa 560
studentiň okuwa barandygy
aýdylýar. Degişli okuw ýylynda
ABŞ-da okaýan daşary ýurtly
studentleriň sany 723,277-e
ýetipdir. Iň köp student Hytaýdan,
Hindistandan we Günorta
Koreýadan barypdyr.
ABŞ-nyň Söwda ministrliginiň
berýän maglumatlaryna görä,
ABŞ-da okaýan daşary ýurtly
studentlerden ýurduň
ykdysadyýetine her ýyl jemi 21
milliard dollara barabar girdeji
gelýär.