Ekin tymsaly

Ekin

tymsaly

1 Isa kölüň ýakasynda halka ýene öwretmäge başlady.

Daşyna şeýle uly mähelläniň toplanandygy zerarly Ol köldäki bir gaýyga münüp oturdy. Tutuş mähelle bolsa kölüň ýakasynda, gury ýerde durdy. 2 Isa olara tymsallar arkaly köp zatlar öwretdi. Olara tälim bermek bilen şeýle diýdi: 3 «Gulak

asyň! Bir daýhan ekin ekmäge gidýär. 4 Ekip

ýörkä, tohumlaryň birnäçesi ýoluň üstüne düşýär. Guşlar hem gelip, ony çokýarlar. 5 Birnäçesi topragy az, daşlyk

ýere düşýär. Topragy çuň bolmansoň, olar tiz gögerip çykýar. 6 Ýöne olar gün gyzanda, kökleriniň ýokdugy zerarly ýanyp, gurap gidýärler. 7 Birnäçetohumlar tikenleriň arasyna düşýär. Tikenler ösüp, olary  basýar. Şeýlelikde,olar hasyl bermeýär. 8 Birnäçesi bolsa

gowy ýere düşýär. Olar ösüp, köpelip, käbiri otuz, käbiri altmyş, käbiri hem ýüz esse hasyl berýär». 9 Isa onsoň

olara: «Eşitmäge gulagy bar adam eşitsin!» diýdi.

10 Isa ýeke galanda, Onuň töwregindäkiler bilen

Onkiler Ondan bu tymsalyň manysyny soradylar. 11 Isa

olara şeýle diýdi: «Hudaýyň Şalygynyň syry size berildi, ýöne ondan daşarda bolanlara hemme zat tymsallar arkaly aýdylýar. 12 Şonuň

üçin hem olar görmesine görýärler, ýöne hiç aňmaýarlar,

eşitmesine eşidýärler, ýöne düşünmeýärler;

ýogsam Maňa tarap öwrülip, bagyşlanardylar"

 Ekin tymsaly düşündirilýär

13 Isa olara şeýle diýdi: «Siz bu tymsala düşünmeýärsiňizmi?

Onda başga tymsallara nähili düşünjeksiňiz? 14 Daýhanyň

ekýäni Hudaýyň sözüdir. 15 Käbir adamlar

ýoluň üstüne düşen tohumlara meňzeýärler. Olar sözi eşidýärler, emma ýüreklerine ekilen bu sözi şobada şeýtan alyp gidýär. 16 Şonuň ýaly-da, daşlyk ýere ekilenler sözi eşidip, ony dessine şatlyk bilen garşylan adamlardyr. 17 Emma olarda kök ýokdur, çydamsyzdyrlar. Bu söz üçin muşakgat ýa-da yzarlama bolanda, olar derrew ýüz döndererler. 18 Başga birileri tikenleriň arasyna düşentohumlara meňzeýärler: olar sözi eşidýärler, 19 emma
dünýäniň gaýgylary, baýlygyň aldawçylygy, başga höwesler ara girip, sözi bogýar

we söz hasyl bermeýär. 20 Gowy topraga

ekilenler bolsa, sözi eşidip, ony kabul edýärler we käbiri otuz, käbiri altmyş, käbiri hem ýüz esse hasyl berýändir».