Ýakyn geljekde dördünji etrabyň döredilmegi mümkin | Konserwator

Ruhubelent, Altyn Sähra we yzysüre Döwletli etraplaryň döredilmegine şaýatlyk etdik. Türkmenistanyň ekerançylyk meýdanlary ulaldygyça täze ilatly merkezler hem döremäne başlady. Berdimuhamedow Ahalyň merkezi boljak şäheri täzeden gurmalydygy barada görkezme beripdi; ol şäher häzirki Änewiň golaýynda döredilermikä  diýip oýlaýadym, ýöne wagt onuň Abadandygy baradaky çaklamalary getirýär. Başga-da ençeme şähergurluşyk, obagurluşyk taslamalary bar.

Türkmenistanda ýeke-täk subtropik klimata eýe bolan, Dehistan diýlip atlandyrylýan Balkanyň günorta bölegi örän ajaýyp ýer. Bu ýerde ekerançylyk üçin suwdan başga ähli şertler bar. Türkmenbaşy zamanynda bu ýerde kofe, çaý we klimatyna mahsus beýleki önümleri öndürmegi ýola goýmak üçin 1950-de başlan Garagum kanalynyň gurluşygy Madaw suw howdanyna çenli uzaldylmana başlady. Häzirki günde bu gurluşyk dowam edýär. Kanalyň gurluşykçylary Altyn Asyr kölüne gönükdirileni üçinmi nämemi entegem bu kiçijik gurluşyk tamamlanmady. Ýöne onuň ýakyn 5-6 ýylda tamamlanjakdygyna umyt edip bileris.

Gurluşyk tamamlansa häzirki Madaw obasynyň çäklerinde täze etrap dörederler diýip çaklaýaryn. Etrap gysga wagtda ilatyna gowşar, çünki töwregindäki Esengulydan, Bereketden we Serdardan ençeme adam çeker. Balykçy maşgalalaryň nesilleri ekerançylyk üçin bu ýere akyn ederler. Häzirki Etrek şäherçesi bolsa takmynan 10 ýylyň içinde oba öwrülip biler. Çünki dördünji etrap magnit ýaly adamlary özüne çeker.

Kanalyň gurulýan ýerleri hakykatdanam ajaýyp ýerler. O ýerde gadymy Dehistan harabalary ýerleşýär we turizm üçin ähmiýete eýe. Etrap döredilse täze döredilen beýleki 3 etrapdan has tiz ösmegi mümkin. Çünki Dehistan ýaýlasynda diňe amatly howa şertleri bolman turizm ähmiýetli harabalary hem bar. Ol ýerde ýaşaýan halkyň ýaşaýyş derejesi hem ýokarlanar. Bereketli ýaly firmalar, Rozmetow, Sopyýew ýaly nusgalyk agronomlarymyz ol ýerde uly mellekleri satyn almaklary mümkin. Çünki suw gelse topragyň hakykatdanam uly möçberde bereket eçiljegine ynanýaryn.

Beýleki bir tarapdan hökümet şol topraklara seresaply çemeleşse gowy bolardy. Meselem suwuň azlyk edýän şertlerinde täze etrapda Gollandiýanyň we Ysraýylyň agrosenagat sistamlaryny tejribe edip biler. Munuň üçin oba hojalyk inženerlerinden düzilen ýörite topar döretmeli hem-de orta möçberde inwestisiýa özleşdirmeli. Bu taslama üstünlikli amala aşsa täze sistamany ýuwaşlyk bilen bütin Türkmenistanda ornaşdyrmana başlasa bolar. Suw tygşytly, azap az, girdeji bolsa köp bolar. Onsoňam sagat dilimleriniň çalt hereket edýän zamanymyzda reforma geçirmek tebigy zerurlyk bolup durýar.

Döredilsinmi?

Hawa(66%, 8 adam)

Ýok(0%, 0 adam)

Bilemok(33%, 4 adam)