Görmäýin!...

 
Ýüz ýaşa çen şatlyk içinde ýüzseň,
Tikenleri däl-de,güli bolup gezseň.
Dilegim-mylaýym  ýylgyryp gezseň,
Goý,men seniň aglanyňy görmäýin.
 
Tüweleme, hiç bir zada zar däl sen,
Şunuň ýaly bolawersin, ertäň sen.
Ýarymgöwin,ejiz däl sen, hor däl sen,
Gaýgy-gamda igläniňi görmäýin.
 
Seni-gowlyk içre gözleýän wagtym.
Senden umudymy üzmeýän wagtym,
Seni özimede dözmeýän wagtym,-
Özgä nazar aýlanyňy görmäýin.
 
Ynan,bolmasamda bilgiç, ýa palman,
Bir-birimiz üçin dörän biz aňýan.
Gezeýin ýöreýin mähriňden ganman,-
Maňa eliň salganyňy görmäýin.
 
Bu sözlerim-buýruk ýa-da haýyş däl,
Ýalbarmak däl,ýazgarmak däl, käýiş däl.
Söwer ýaryň -ýazdyr gazaply gyş däl,
Günüň batjak öýläniňi görmäýin.
 
G. Daşgynow.