Dünýede her kimiň öz gylygy bar - EZİZOW -
Dünýede her kimiň öz gylygy bar,
Oňatlary saýlap-seçgin — diýdiler.
Edep-sypaýçylyk adamy bezär,
Mydam gödeklerden gaçgyn— diýdiler.
Diýişleri ýaly, gaçdym-da ýördüm,
Gödekligem meni kowlap ýörmedi.
Ol öňümden çyksa, ýüzüm öwürdim,
Oň nä derdi — asyl gaty görmedi.
Sypaýy diýlenler bolýar her hili.
Juda sypaýylar daşym aldylar.
Duýman durka, kastlary bar ýaly,
Sypaýlygmyň dulugyna çaldylar.
Sypaýçylyk bilen hormat etdiler.
Sypaýçylyk bilen adym tutdular.
Sypaýçylyk bilen arzan satdylar.
Sypaýçylyk bilen etdiler baryn.
Soň ýene diýdiler ýanyma gelip,
Mert ýigide näzik bolmak ýaraşmaz.
Bardyr adamlarda şeýle bir gylyk,
Ajyň ýokmy — süýjüňe-de garaşmaz.
Eýsem, ýaranjaňlyk, öz külbäň küýi,
Göriplik hem juda-juda küteklik
Ýaly gylyk-häsiýet duş gelýän güni
Iň ýaramaz gylykmydyr gödeklik?!
Baş çykarmak gerek şeýle gylykdan,
Näçe çuň düşünseň şonça-da ýagşy.
Kebzä pyçak sokýan sypaýçylykdan,
Tumşugyňa kakýan gödeklik ýagşy.
Eý, siz, sypaýylar, men taýa bakan
Gelmäweriň leşger çekip, dökülip,
Ýaşasyn hak üçin gulakdan çekýän,
Göni göze bakýan sagdyn gödeklik!
Godeklik?
Erbet(16%, 2 adam)
Gowy(0%, 0 adam)
Yerinde gowy(83%, 10 adam)
Arhiwiň ýagdaýy
● Doly tekst
● 14/14 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 5 maý 2012 ý. · Asyl sahypany gör ↗
Teswirler 14
Ynanjan Gyz
On ýyl geçdi gün ýaly,
Oýlanýaryn sen hakda,
Ynanjaňdyň gar ýaly,
Eräp gitdin dodakda.
Saňa, «Soltanym!» diýip,
Umyt baglapdym göge.
Ynanjaňdyň ýagyş deý,
Siňip gitdiň topraga.
Sen ynanjaň gözeldiň,
Bakardyň sen uzaga.
Sen ynanjaň durnadyň,
Duşduň ýerde duzaga.
Düşüberdiň, kän düşduň,
Düşuberdiň ýene-de.
Şeýdip, ýerde düşündiň
Hile diýen senede,
«.Men seni söýýän!> diýip,
Bir gün çökdüm dyzyma,
Bakdyň sen gussa bilen
Men ynanjaň gözüme.
Diýidiň : „Sen belent söýýäň,
A men pesde otyryn.
Git, oglan. deňiň gözle,
Saňa hesret getirin!»
Ote sypaychylygyn peydasy yok!
Shahyryn bu goshgysam hemmekiler yaly gowy yazylan. Paylashanyn ucin sagbol
Eý, siz, sypaýylar, men taýa bakan
Gelmäweriň leşger çekip, dökülip,
Haladym, gaty gowy yazylan. Sagja bol awtor paylashanyna
sps paylashanyn un, bet goshgy !
sagbol
Gödeklik gowy yaly edilip görkezilen yaly bolupdyr 🙂
Aslynda welin beyle däl, şahyrlaryn ayry dünyäsi bolyar, ol dünyälerini özleriçe bezeyär. Aslynda sypayyçylyk dost, duşman hemmänin arasynda hormat, sylag getiryär. Yöne bu sypayyçylyk etjek bolup hakyny gidermeli diymek däl; hakyny talap etmek bolsa gödeklik däl.
Ikinji goşgyny juda haladym. ''Dodakda gar yaly eräp gitmek'' örän owadan.
Goşgular wakalara has tapawutly penjireden seredyäni üçin gözel bolya, gözel zatlaram yüregin togunmagyna getiryär. Yagny adama hem fiziki, hem ruhy keyp beryä.
Govy gosgy eken.
sanq paylashanyna,beyik setirler
Kop kop sagja bol go$gyna
haladym, awtora minnetdar!
🙂
yerinde gowy 🙂