Aldawçy awçylar

 
Çeşmäniň başynda üç awçy otyr,
Ak pyýala al şeraby guýýarlar.
Humar bolup dagyň agyr ysyndan
Bir-birine oňat sözler diýýärler.

Soňra gezegine öwünýär olar,
Asyl, boş geçenok atylan oklar.
Häsin ýetirse-de biri-biriniň,
Olar bir-birine ynananoklar.

Iki maral urýar bir okda biri,
Beýleki bir okda — durna sürüsin.
Üçünji şeýle bir çypdyrýar welin,
Ol ikisi diýýär: «Hak ynsap bersin!»

Emma şo hal iki maral uzakda,
Ýaňja bolan balalaryn ýalaýar.
Bir okdan ölmedik durna sürüsi
Gök Ýefratyn kenarynda ýaýnaýar.

...Dökýär üç aldawçy gazet üstüne
Kolbasa, konserwi — ýaglykda baryn.
Başga adamlar-a bilemok welin,
Men-ä şeýle awçylary söýýärin.

Gurbannazar Ezizow (1972)

Öwneňde allap gördüňmi?

Hiçem allamok(0%, 0 adam)

Azajyk allaýan(28%, 4 adam)

Allaýan, ýöne bildiremok(7%, 1 adam)

Konkretno jypdyrýan, ýöne ynandyrýan(28%, 4 adam)

Allaman öwünýän(0%, 0 adam)

Pespälsirän bolup öwünýän(21%, 3 adam)

(Emma jaý ýerinde ýalan ýagşydyr - Magtymguly)(14%, 2 adam)