Söýgi Ministrligi | Konserwator

Google beýle ministrligiň hiç bir döwletde ýokdugyny aýtdy. Ýöne Jorj Orweliň bir romanynda şeýle ministrlik hakda gürrüň gidýän eken.

Bolmazlygyna garamazdan şeýle ministrligiň edip biläýjek işlerini edýän ýörite agentlikler bar Amerikada, Ýewropada. Geçen asryň soňlaryna dogry Amerikada aýrylyşmalaryň köpelmegi netijesinde uly çykdajy edip maşgalalar bilen meşgullanýan ýörite agentlik döredilipdir. Häzirem işleýämi ýa ýapyldymy habarym ýok.

Maşgala döwletiň beýnisi ýaly. Maşgala sagdyn we berk bolsa döwlet hem şol dereje güýçli bolýar. Çünki döwleti dolandyrýan liderler maşgalada ýetişýär, maşgala ejiz bolan bolsa ýetişenler hem ýalňyş düşünjelere eýe bolup ýurdy ýalňyş syýasat bilen dolandyrýarlar.
Ahlaga sygmaýan işleri edýän adamlar köp. Gyz aluw-satuwy ýaly ugurlardan işleýän jenaýatçylar kän. Playboy ýaly dünýäde birgiden neşir bar. Şeýle neşirler çagalar üçinem elýeterli bolup olaryň ahlaksyz bolup ýetişmegine getirýär. Diňe çagalar däl, ulylar üçinem howp, uly ýaşdakylar diňe öz adamsy ýa-da aýaly bilen däl, başgalar bilenem gatnaşykda bolasylary gelýä. Bu entek meseläniň kiçi tarapy, öz dostuna aýaly bilen ýatmaga rugsat berýän azgynlara näme diýjek?

Şow biznes älemi hem ahlaksyzlyga, maşgalasyzlyga ündeýän propogandalardan doly. Islän erkegi bilen wagt geçirmäne mümkinçiligi bolan zenanlaryň, ähli aýallara eli ýetýän erkekleriň maşgala gurmak islemezlikleri tebigy zat. Maşgala bolmasa nesil bolmaýa, döwlet iru-giç gutarýar. Dini tarapdan seredenimizde kyýamatyň gopmagyna sebäp boljak zatlardan birem şu maşgalasyzlyk. Uly imperiýalaryň ýykylmagyna-da ahlaksyzlygyň belli dereje täsiri bolupdyr.

Ýa-da aramyzda gyzlar türke gitdi, Dubaýa gaçdy diýip zeýrenýän ýigitlerimiz, geliniň terbiýesizligine haýran galýan gyzlarymyz bar. Umuman biz dogruny bilýäs, Amerikada hem maşgalany goramaga ýöriteleşen agentlikler bolupdyr. Geçen ýyl dokumental filmden öwrenmegime görä Ýaponiýa hem bu meseläni çözmek üçin çynlakaý ädimleri ätmäne başlapdyr. Ýaňy ýakynda bolsa Medwedew spirtli içgileriň çäklendirilmelidigini nygtapdy. "Medeniýetimiziň parçasy bolsa-da biz munuň zyýanyna göz ýummaly däl" diýen Medwedew pikirini goldajak deputatlara mätäçlik çekýär.

Umuman uly problema!

Maşgala bütewiligi, ýaşlaryň ahlak we terbiýesi, ylymy bilen gyzyklanýan ministrligi döretmelimi? Hawa, özem kän wagt ýitirmezden! Adyny hem täsirli etmeli - Söýgi Ministrligi. Şonda ünsi çeker, gyzyklanma bildiriler. Temanyň adyna gyzygyp okap oturanlar köpdür araňyzda (meselem).

Söýgi Ministrligi, döredilen badyna bütin dünýäde mediýanyň esasy habary boljagy belli. Nämedip biler bu Söýgi Ministrligi?

Şow Biznes äleminiň wekilleri ýaşlara güýçli täsir edýär. Şol sebäpli ministrlik Lady Gaga, Eminem, Sertab Erener ýaly meşhur aýdymçylar bilen ylalaşyp ýaşlara dogry täsir edilmegini gazanyp biler.

Mediýanyňam täsiri uly. Şeýlelikde bu ministrligiň ygtyýarlyklaryny güýçlendirip habar beriş serişdelerine gözegçilik etdirip bileris.

Mekdeplerde bir wagtlar Edep sapagy bardy. Uly synplar üçin söýgi sapagy hem berlip bilner. Bu sapakda sagdyn jynsy gatnaşyk, çaga terbiýesi, maşgalada enäniň we atanyň borçlary ýaly temalar öwredilip, geljekgi maşgalalaryň ideal bolmagyny gazanyp bileris.
Umuman köp işleri edip biler. Häzir bizde nikalaşmak barada komitet bar. Söýgi ministrligi bu komitetiň funksiýalarynyň ulaldylan görnüşi bolup biler.

Diňe Türkmenistanda däl, bütin dünýä ýurtlaryna hem täsirini ýetirip biler. BMG bilen hyzmatdaşlykda Dünýä Söýgi Gaznasy (WLF) döredilip bilner. BMG-da Türkmenistanyň başlangyçlary şu wagta çenli kabul edlip gelindi. Munyňam goldanjakdygyna şübhe etmeýärin. DSG mediýa we ŞowBiznes wekilleri bilen hyzmatdaşlyk edipazgynlygyň öňüni belli bir dereje alyp biler. BMG-nyň goşuny ýaly DSG-nyňam goşunyny döretse bolar. Elbetde DSG goşuny ruçkaly kitaply goşun bolup ahlaksyzlygyň möwç urýan ýerlerinde çäreler geçirip, maşgalalar bilen duşuşyp dogry ýola gönükmegine kömek eder.

Maşgala berk, dünýä abat bolar!

Pikiriňiz?

Gowy bolardy(57%, 8 adam)

Ylalaşamok(0%, 0 adam)

Bilemok(42%, 6 adam)