Matematika saz diñlenende, oñat öwreniler

Matematikany her kim her hili usullar bilen öwrenýär. Sebäbi, öwreniş ukyplar dürli-dürli bolýar. Edil şonuň ýaly-da, tebigat ylymla­ryny öwrenmek hem şeýledir.
ABŞ-nyň alymlary bolsa, bu iki ylym öwrenilende, sazyň peýdasy­nyň bardygyny belleýärler. Saz beýniň işleýän böleklerine oňyn täsir edýär.
Atlanta şäherindäki Jorjianyň Teh­nologiýa institutynyň Saz zehini laboratoriýasynyň ylmy barlagçyla­ry “Matematika we tebigat ylymla­ry öwrenilende, gowy mukamyň ýaňlanmagy beýnä oňaýly täsir edýär. Beýniniň kabul ediş ukybyny artdyrýar” diýip belleýärler. Laboratoriýanyň asly hindi bolan müdiri, saz ugrundan professor Parag Çordia meseläni çözmek ba­batynda beýni öýjüklerini barlandygyny aýdyp, sazyň möhümdigini belläp geçdi. Çordia: “Oňat inže­ner we işiňde täzelikçi bolmak, şeýle hem bilime has içgin aralaşyp bilmek üçin dörediji bolmalysyňyz. Saz bu meselede ýönekeý bir güýmenje däl-de, aslynda, zehin hem-de durmuş üçin möhüm zatdyr” diýýär.

"Zaman" gazetinden