“Söýgi näme?”
“Söýgi näme?” diýip soradym Taldan.
Ol diýdi: “Söýgimi gidirip goldan,
Örtenip, miwesiz galdym men, guzym.
Indi miwäm ýok-da,
Boýum bar uzyn”.
“Söýgi näme?” diýip soradym Hozdan.
Hoz diýdi: “Ýeňilip bir ajap gyzdan,
Gabygym gatady, çürüşdi maňzym.
Ondan beýlesinem
Özüň bil, oglum!”
“Söýgi näme?” diýdim bi gara Garga.
Ol diýdi: “Sataşyp yşk diýen ugra,
Garalyp galdym men: bişirdi hazan.
Edil pamyk ýaly
Ak guşdum ozal”.
“Söýgi näme?” diýip ýüzlendim Serçä.
Ol diýdi: “Entedip gijeden gijä,
Agrammy mysgala getirdi yşlym.
Men ozal dünýäde
Iň uly guşdum”.
“Söýgi näme?” diýdim zynjyrly Dälä.
(Pikirini bilmek aýyp zat däl-ä!)
Däli jogap berdi elhenç ses bilen:
“Men, men, men…
Ynha, Söýgi men!..”
“Söýgi näme?” diýdim bir ajap Gyza.
Ol iki elini uzatdy yza,
Diýdi: “Söýgi meniň edebim, haýam.
Ýogsa şol ýigidi
Guçardym eýýäm!”
“Söýgi näme?” diýdim Şahyra garap.
Şahyr bir ýylgyrdy kellesin yrap.
Diýdi: “Sorag bar-da, jogap ýok yşka,
Jogap bir başgadyr,
Söýgi bir başga!”
Ýeri : Turkmen Edebiyaty, Kerim Gurbannepes!
sizin pikriniz boyuncha soygi name?
Arhiwiň ýagdaýy
● Doly tekst
● 6/6 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 5 awgust 2012 ý. · Asyl sahypany gör ↗
Teswirler 6
sahyr yazsa gosgy okan yaly bolayyanay. sagja bol dost paylashanyn un
Soygi, soygi? Namekaray ol...
gowy goshgy sag bol!
“Söýgi näme?” diýdim zynjyrly dälä.
(Pikirini bilmek aýyp zat däl-ä!)
Däli jogap berdi elhenç ses bilen:
“Men, men, men…
Ynha, Söýgi men!..”
Ine söýgi...
gowja go$gy esasanam Kerim aganky bolany un
Söygi näme?
Bu duygy,$u sovaly adamzat duýgularna at goyup tapavutlandyranyndan buýan,aýal bilen erkek parhyna baranyndan buýan,adamlar biri birine höküm etmegi,aldamagy,erkini jylavlamagy övreneli bäri ...asyrlardan bäri berip gelýä,$u bir soval...
Biz bolsa oña üytge$ikden üytge$ik kesgitleme berjek bolup,dert azar...
Ynsan duýgularynyñ hemmesi ýaly söygem (gerek ýerinde) belent duýgy.adatça ,belentligiñ saýasynda kölegeleýän köp bolýa.käbir ýagdaýlarda $o kölgedäkilerden aldanan(bagy$lañ veli,oýnatgy'rak)lar bu belent duýga nälet okaýalar...men bu duýga kesgitleme berjek bolamok.beribem bolmaz.çûnki her kellede han otyrher kim bir,ýa da køp tarapdan seredýä muña.kimler vatany,kim ene atany. Kim namysyny satany ...söyüp yör...
(dinozavrlar asly bir görnü$dediler. Aý näme ,her alym olara bir görnü$ berdi 🙂)))
hemi$e ho$vagt ve bagtyýar bolmak isleseñ.erkiñi,özüñi kime ýa nämä däl.bir maksada bagla diýipdirler...