Football Friendly match: Ertir.com - Talyplar.com

Salam dostlar, doganlar, işliler, işsizler, şu temany okajaklar we şu temany okamajaklar!
Futbol bilen, umuman sport bilen gyzyklanmaýan bolsaň temany okap başlamankaň aýdaýyn, bu tema siz üçin ýaman gyzyksyz bolar, çynym. Şonuň üçin görmäýinem, köýmäýinem diýde çykyp goýber bu temadan. 🙂

Taaak, futbol bilen gyzyklanmaýanlar çykyp, diňe futbol bilen gyzyklanýanlar galdydämi?! 🙂 Onda şeýleräk, futbol bilen gyzyklanýan, futbol oýnamagy halaýan agzalar üçin gysgajyk bir teklip etmekçi bolýan. Aslynda bu barada maňa TPL-de bu sezon liderligini hiçkime bermeýän Mirasymyz agza takmynan 1 aý mundan öň teklip bilen ýüzlenipdi. Soň Garaşsyzlyk baýramy diýildi, Gurban baýramy diýildi, garaz başagaýrak bolundy-da.

Teklip şeýleräk: Türkmen internetiniň iň uly formlary hasaplanýan Ertir.com bilen Talyplar.com arasynda futbol boýunça Aşgabatda ýoldaşlyk oýnuny geçiräýsek diýýäs we muny goldajak agzalar tapylar diýip umyt edýäs. Mirasymyz agza (Talyplar.com captain) aýtmyşlaýyn: "Talyplar.com duşuşyga taýýar". Ýene bir gulaga degen gürrüňe görä, Ertir.comyň güýçli derwezebany Lukman Hekim agza hem-de Ertir.comyň güýçli goragçysy Ata agza dagylar bu oýunda Talyplar.comda çykyş etjeklermiş.

Ýokarkylardan çen tutsaňa garşydaşymyz güýçli. Ýöne üýüşsek bizem-ä pes däl, dogrydämi?! 🙂 Hany onda gaýrat edeliň. Futbola gatnaşjaklar, gatnaşmak isleýänler üçin şahsy habarlaşmam mydama-da açyk. Gatnaşjak sanymyzy bilip, soňam boşurak wagt belleşip, şoňa göräräk polýany gürleşäýmeli bolar-da. Hany ilki sanymyz bir ýetsin, polýa onsoň arkaýyn jaň edäýeris.

Gyzyldan gymmatly wagtyňyzy alyp ýadadanym üçin ötünç soraýan hem-de Sizden geljek tekliplere garaşýan.
Sagboluň.

Gurbanlykda haýsy raýonyň hiňňillikleri betinden diýilýäni boldy?

Hitrofka(9%, 2 adam)

Mir(19%, 4 adam)

Çoganly(4%, 1 adam)

Wasmoý(0%, 0 adam)

Bedew(19%, 4 adam)

Şor Garadamak(4%, 1 adam)

Köşi(9%, 2 adam)

Garadok(0%, 0 adam)

Bekrewe(0%, 0 adam)

30-njy mikraýon(9%, 2 adam)

Kalhoz Leningrad(0%, 0 adam)

Başga(23%, 5 adam)