Çepim Agyrýa Eje

Salam eje

ýene men geldim alada etme

mekdebi gutaryp geldim

ejelerem kakalar ýaly alada

edýärmi bilemok welin dostym

mekdepden gaçsa “ejem

gaharlanar alada eder” diýdidä

şonuň üçün soraýdym. Geçen

hepde Laçyn mugallym ” sag

elimde sarymsak çep elimde

çelpek” diýdire,diýdire ögretdi

sagymy çepimi men indi bilýän

ejem sagym niresi çepim niresi

agyrýan ýerimiňimeň

niresidigini indi gowy bilýän

eje, hany geçen gezek gelemde

“şu ýerim agyrýar ine şu ýerim

diýipdimä” yöne adyny tapman

aýdyp bilmedimdä nirämiň

agyrýanyny indi aýdaýyn seret

şu ýerim çep tarapamym

agyrýar eje hemem her gün her

gün agyrýar eje!

Dün irden ejesi Ahmediň

saçlaryny darap elinden tutup

mekdebe getirdi täzeje de

köýnek geýipdir jaň boldy

welin ýaňaklaryndan ogşap

“bar balam sapagyňa ” diýdi

menem agladym hiç kimden

utanmany agladym Laçyn

mugaldym “näme boldy ” diýdi

“ýykyldym dizim agyrýa”

diýdim ýalan sözledim eje

dyzym agyranokdy emma çep

tarapym agyrýardy ejejan bu

gün menem saçymyň

daralanyny isledim kakam ”

özüň daraý ” diýdi “iň

bolmanda mekdebe äkidäý

diýdim ” ogul iş ” diýdi menem

“maňa näme diýip ” agladym

“ogul çörek ” diýdi kakam,

dymdym emma mekdebe

barýarkam ýene agladym çep

tarapym has gaty agyrdy eje.

Howa garalýar men gideýin

seniň ýanyňa gaçyp gelýänimi

kakam bilnok biläýsä

gaharlanmaz ýöne

gynanaýmagy ahmal wah ejem

topragyňy kim dargadýar

gülleriňi kim goparýar rugsat

berme eje ýalbarýan topragyňa

kirli eller degdirmesene öýe

baramda ýadyma düşüp

muňada aglaýan gynanýan.

Seret eje kiçijek gap getirdim bir

gysymjyk aljak topragyňdan

bilýäňmi eje? her gelemde alýan

gumumy elýalygyma dolap

üstüňede suratyňy goyup baş

ujumda goýup ýatýan her gün

irden turup ysgap ogşaýan

hiçkime aýtma welin kä

mahallar gürläşýänem näme

edeýin seni göresim gelýädä…

Hää tasdan ýatdan çykarýadym

mugallym ertir ejeler barada

düzme ýazyp getiriň diýdi men

kakama ýazdyrjak mugallym

biläýsä ikilik goýar welin maňa

näme goýsa goyup geçsin men

seni hiç görmedimä näme

ýazaýyn näme diýeýin ejem

seň adyňy eşitsem çep tarapym

agyrýar hiç zat ýuwudyp

bilemok kämahalam çydamany

aglaýan düzmänem şeý diýip

ýazyp bilmerinä.. borda sagbol

gumuňa gurban men gideýin

ýöne meň düýşüme girip meni

ogşagyň hökman gelgiň seni

düýşümde görmesem çep

tarapym agyryp ýatyranok käte

çep tarapym agyrýar edil şu

ýerim çep tarapym gaty

agyrýar seni göresim gelýä

ejejan seni göresim gelýä seni

göresim gelýä.

copy_paste