Jenap Yalnyzlyk

Jenap Yalnyzlyk bilen aranyz nahili? Menin-a önden bari aram saz.  Ony gowy göryan ol hem menden hoşaldyr diyip pikir edyan. Jenap yalnyzlyk uzyn boyly, arassaçyl, arassa we özüne seredyandir. Gaty syratly bolmasa-da ünsi özüne çekmani başaryar. Eşiklerini nirde dikdiryanini-ha bilmedim welin geyinişi gaty üytgeşikdir. Durmuşymda tanan in dünyagarayşy gin , medeniyetli, ayagynyn üstünde durup bilyan barlyklaryn biridir. Okamagy, pikir etmegi we arzuw etmegi gowy göryar. Ynanjy kamil. Özüne ynamy güyçli, özi özüne yetya. Hiçkime yallakylyk etmez, hasap hesip, söwdalaşmak yada öz peydasyna işlere sabr etmez. İlin islegine göra hereket etmez, gula gulluk etmez. Wepalydyr, sadykdyr. Ona edilen yagşylyklary asla yadyndan çykarmaz yöne yamanlyklara gelende welin yady balygyn yadyna döner; kemlikleri we öyke kineleri çalt yadyndan çykarar. Hiçkim bilen duşmanlygy yokdur.  Heleyligi halamaz,  gybat etmez. Başga birinin kölegesine mataç bolmany,  hüyr we gür agaç yalydyr. Yüregi gysan wagty diwarynda asylgy bir yazga sereder: bu yazgy kim bilyar haysy ussat yazyjynyn galamy bilen bezenen biljek dal yöne şeyle yazylgy : “Bu-da geçer elbet”. Jenap Yalnyzlyk yazgyny okan wagty yylgyrar, yarym pespal, yarym buysançly. Haçan-da ona adamlardan yada dünyanin çarhyndan şikayat etjek bolsam, sözlerimi eli bilen sowuşdyrar. Üns bermesene diyer. Yalnyz geldik bu dünya. Yalnyz hem gitmerismi? Aslynda şayat men, kamahal şonun üçin hem wagtal wagtal yüregi gysyar . Jenap Yalnyzlyk in köp başgalary bilen garyşdyrylmakdan bimaza bolyar. Yalnyzlyk, İşsizlik diymek daldir. Jenap İşsizlik başga obada yaşayar. Birazajyk hasiyetsizrak biridir. Hany howlusyna gaçan toplary yarmana dyrjaşyan gaharjan garrylar bardyra, şolara menzeş. Bizinki bilen hem kamahal salamlaşar bolany. Onsonam yalnyzlyk hiçkimsizlik diymek daldir. Jenap Hiçkimsiz şaherin daşynda gowakda yaşayar. Saçy sakgaly bir birine garyşan.  Bizinki bilen kyrk yylda bir gezek garşylaşar bolany. Yalnyzlyk ne işsizlik ne-de hiçkimsizlikdir.  Yalnyzlyk esasan adama daş töweregi adamlar bilen gurşalan wagty gelyan duygudyr , kabirleri muna “daş töweregin köpçülik wagty yüregin yalnyz haly ” diyyaler. 
Jenap Yalnyzlyk şey diyyar: “Yalnyzlyk adamyn öz-özi bilen söhbet etmegidir. ” Göniden göni.  Goşantsyz.  Oyunsyz. Yalansyz.  Pak we arassa söhbet… Kamahal mende-de bolya, sebapsiz, yöne yere. Güyçli bir gaçma arzuwy içimi gemirmane başlar. Telewizor, radyo, gazetler… hemmesinden uzaklaşyan. Telefonlary bir gyra galdyraryn. Emaillara seretmen, hiç kime yeke setir hem yazman. Gapylary yapyp wagtlaynça bejeriş işine girerin, iç dünyame çekilerin. Etmeli işlem dag yaly üyşüp gider stolumda. Okalmaly hatlar, üstesinden gelinmeli jogapkarçilikler üyşüp gider bir gapdalda. Köça çykasym gelmez, çyksam hem bir gyradan yörarin, çetden. Göze görünmeyanlerden bolmak islarin. Görünmeyan bir jisim yaly yabany. Tötanlik bilen bir tanşyma ya-da meni tanayan okayjylarymdan birine duşup gürleşmek islesem hem dilim çolaşar, iki sözün başyny birikdirip bilmen. Çünki şol pursat içimde Jenap Yalnyzlyk bn gürleşyandirin. Şol bir wagtyn özünde iki yerde bolup bilmen.  

Kamahal bolyar-a hemme kişide,  yöne yere, sebapsiz . Balkonumyzyn aşagyna Jenap Yalnyzlyk geler. Penjirane  daş zynar. Hany çyk daşary diyer. Çyk oynaly. Bolyar-a kamahal . Yalnyzlyk çagyryar.  We sen ayakgabyny geyip, hemme zady we hemme kişini bir gyra taşlap , ruhunyn gizlin merdiwanlaryndan üç üçden, baş başden  düşersin. Gizlin yerde  Jenap Yalnyzlyk sana garaşar. Bile oturup söhbetdeş bolarsyn dandana çenli. Durmuşdan ,wagtdan, adamlardan, döreyişden gürrün ederis. Jenap Yalnyzlyk pelsepani halayar. Aslynda hiç zady çözüp bilmersin , onsuzam söhbetdeşlikdir maksadymyz, çözgüt  tapmak bahana. Bilmedim Jenap Yalnyzlyk bn aranyz nahili? Menki önden bari gowudyr. Ony gowy göryan, olam bizin dostlugymyzdan hoşaldyr diyip umyt edyan.