ULUGYZ

Sen-ä ulugyzdyñ - zülpleriñ towly,
Menem bir ma$galañ körpeje ogly.

Men-ä “Söýýän” diýip saýran bolardym,
Senem monça bolup aýnan bolardyñ.

Hemi$e gizlenip göz bilen dilden,
Bileje ýörärdik gumaksy ýoldan.

Ir säherden baryp atyzly pele,
Ak pagta ýygardyk ikimiz bile.

Köp sorag bererdim, sebäp uludyñ,
Gül ülkämde gözelleriñ gülüdiñ.

Degi$erdiñ: “Basym ýigit bolarsyñ,
Öýlenmekçi bolsañ, meni alarsyñ?!”

Ky:ndy bu sowalyñ jogap tapardan,
Oýlanýanym görüp, gözüñ gypardyñ.

Köp pikir ederdim bolup haly teñ,
Diýrdiñ: “Jogap ber-dä sowalyma meñ!”.

“Jady gözleñ a$ygy men, a$ygy,
Ýöne neýleý çapraz gelen ýa$ymy?

Taýyn baky öwrülmäge guluña,
Arman, läläm, ýa$yñ menden ulu-da!

Men ýigit çykýançam, ynanaý, gülüm,
Sen bolarsyñ ençe çagaly gelin!”

Bu sözlerme göz astynda gülerdiñ,
$onda has owadan, ajap bolardyñ.

Soñ diýerdiñ: “Ömrüm ahyryna çen,
Gara$aryn, meni aljagyñ bilsem.

Emma bu durmu$-da! Etseñem göwün,
Hasyl bolaýanok ähli arzuwyñ.

Käte söýen söýmedige çatylýar,
Ykbal aty bizden bidin çapylyar.

Aýra dü$sek, hergiz göwnüñ galmasyn,
Bir dilegim - güler ýüzüñ solmasyn!

Ömür salyn $at durmu$da kürekle,
Hem söýgimiz baky sakla ýürekde”…

$eýdip, bezediñ sen özgäñ törüni,
Soñ asla görmedik birek-biregi.

Bir wagt öwrülensoñ göwün $adyma,
Ynha, bu gun dü$düñ ýene ýadyma.

Men-ä bir ma$galañ körpeje ogly,
Senem ulugyzdyñ zülpleri towly.

Bä$im Ataýew