Dert

'Dert…' Hawa, belki – de hemmämiziň diýen ýaly uzagynda galmak isleýän zatlarymyzyň biridir bu 'dert', agyr yzlar goýýan bir artypdyr bu. Garşylaşan pursadymyzda köpimiziň ýeňilýän, hatda eredip akdyrýan duşmandyr Dert.
'Dert' jümlesi özünde näçe köp zat saklaýa şeýle dälmi? Başga tarapdan seredeniňde bolsa durmuşymyzyň 'içindäkiler' bölüminde 'dertler, aladalar, gaýgylar..' hem bardyr..
Dertsiz, aladasyz durmuş her birimiziň küýsegidir, emma hakykaty hem unutmaly däl, dünýä dertsiz, aladasyz bolmaz. Bu isleglerimiziň garşylygy beriljek ýeketäk ýer Jennetdir, ýagny ebedi bagtdyr.
Her bir gaýgy dert saňa ejizlik bilen birlikde hakyky eýäňi we soltanyňy ýatlatmak üçindir, hakykata myhman bolup geleniňi, soňzuslyga dalaşgärdigiňi ýatlatmak üçindir.. Her derdiň içinde derman, her zähmetiň içinde rahmeti görersiň.
Bütin bu aýdanlarymyzdan soňra Riçard Baçyň diýenleri ýaly hem aýtsak bolar: 'Her dert, içinde bir sowgat saklar.'
Ine Rabbimiz bizi şeýle terbiýeleýär; hem - de iň gowy şekilde..
Hawa, biziň her birimiziň şu pany dünýäde derdimiz bar. Dertsiz ynsan ýok diýen ýaly. Kimseleriň derdi haýyrsyz perzent bolsa, kimseleriň adamsy erbet, kimsesiniňki bolsa ýalançy. Kimseler jogapkärsiz, mähirsiz atadan, kimsesi bolsa biri – biri bilen oňuşmaýan maşgaladan dertli, kimler pulsyzlykdan. Kimler uzaklarda perzendini küýseýär, ýene birileri ýakynyny, söýgülisini ýitirýär, kimler bolsa iň ýakynyndakydan dertli..
Diýmek, dertlerimiz zerurlyklarymyz ýaly isleg we arzuwlarymyz ýaly çäksiz. Onda dertlerimiz hiç gutarmaz, baý bolsak – da, garyp bolsak – da .. Ýaş bolsak –da , ýaşuly bolsak – da.. Dertler durmuşyň bir hakykaty, edil aýnanyň arka ýüzi kimin. Eger dert bar bolsa, diýmek dertsiz ynsan – da ýok şu dünýäde. Beýle bolsa şeýlebir dert bilen dertlenmeli, başga derde dert diýdirmesin. Rabbymyzyň razyçylygyny gazanmak üçin 'Ondan razy bolmak' iň uly derdimiz bolmaly.
Ynsan eger hiç zatdan ajy we yzdyrap duýmasa, belki – de durmuş çekilmez hem – de şol bir yzygiderlikde bolardy. Berilenleriň gadyr-gymmaty nädip bilinerdi.. Aşyk Weýsel bu hakykata şeýle diýýär : 'Aýtmaryn derdimi dertsiz ynsana; dert çekmeýän derdiň gadyryny bilmez' we iň soňunda şeýle diýýär: 'Kör boldum, Weýsel boldum.'
Möwlana bolsa; ' Gülüň dikene çydamasy, ony ajaýyp ysly etdi.' diýýär…