Söýgi sistemasy
Bu mowzuk hindi we hollywood kinolary bilen düşünje we pikir dünýämize eksport edilen bir söýgi pelsepesi barada.
Bu mowzukda azajyk absurdizm uslubyny ulanjak. Hany käbir komediýa kinolary bardyr ‘absurd, ýöne arkasynda çuňňur many ýatyr’diýlen. Şo hindi kinolary, hollywood kinolarynyň içinde hem şeýle absurd we biziň düşünjemize, mantygymyza gabat gelmeýän ‘çuňňur manyly’ düşünje sistemasy bar. Hiç kimiň şahsyna #kakdyrmaşak ýok. Ýöne käbir agzalar eger göwünlerine aljak bolsalar bagyşlaweriň öňünden.
Şeýle bir dünýä göz öňümize getireli, bu dünýäde bir sistema işeýär, dogulan her bir çaga dogulan wagty bir çip ýelmenýär. Bu çipde şol çaganyň geljekdäki durmuş ortagynyň wasplary we daş keşbi barada maglumat ýerleşdirilýär. Doglan çaga gyz bolsa onuň çipine oglanyň maglumatlary, oglanyň çipine bolsa gyzyň maglumatlary ýerleşdirilýär. On soň bu çagalar, olaryň derdini, bagtyny, ýüregini, duýgylaryny düşünmeýän ‘ejderhalaryň’ eline tussag berilýär. Gyz ulalýar içindeki mylaýym duýgylary oýanyp başlaýar. Gün geçdigiçe güýçlenen bu duýgylar bilen ejderhanyň köşginde ýaşamak oňa agyrlaşýar. Oglan bolsa şazada da, ony tussagda tutyp bilmejegini bildikleri üçin erkinlik we ak at sowgat edýärler. Şazada ak atyna münip onuň üçin bellenen gyzy gözläp ýola düşýär. Ýolda welin her hili päsgelçilikler, duşmanlar bar. Esasanam, çipde bellenen gyzy tapan soň, iň uly duşman, gyzy tussagda saklaýan ejderha bilen duşmaly we parasyny ylalaşyp, prinsipe gidişip ýeňmeli. Ak şazadanyň işem kyn.
Bu diýseň üýtgeşik dünýäsinde myhman bolup, şazadasyny garaşyp ýatan gyzyň ýagdaýyna seredeliň.
- ‘Salamgy, gowy my ýagdaýlaryň?’
- G: ‘Salam, gowy. Ýöne içim gysýoree ‘
- ‘Hawa bäri ýaman iç gysganç eken. Wagtyňy nädip geçirýäň?’
- G: ‘Şu wagt romantik kino görýän. Hindi kino, Şahruhhan bilen Madhury şu wagt dagda tans edýärler.’
- ‘Tans etmäne başga ýer tapmandyrlar my?! Hollywood kinolary görýäň mi?’
- G: ‘Hawa, ol Titaýnik batan wagty Leýo üçin 3 hepde agladym. Söýgi kinolary gaty gyzykly.’
- ‘Hawa da, bu ýagdaýda başga näme gyzykly bolsun. Sen ony, garaşýan şazadaňy nädip tanaýaň?’
- G: ‘Bilemok, men ynanýan dünýäde men üçin ýaradylan biri bar, meni gözläp ýör, duşan wagtymyz men ony tanaryn.’
- ‘Agy nädip tanajak nämesi üýtgeşik? 3 gözi, 3 gulagy, 2 agzy bar my?’
- G: ‘😆 Ýok, eýle däl. Men bilemok. blum’
- ‘Diliňi çykarmak edep öýdýän sizde?! Şu şazadaň nähili biri bolmaly?’
- G: ‘Ak ýürekli, eli açyk, jomart, adamçylygy gowy.’
- ‘Bolany my şu? Gelmese näme etjek?’
- G: ‘Geler geler, men ynanýan.’
- ‘Aý bolýa umyt etmek gowy zat.’
Indi bu sistemada 2 gezek durmuşa çykan aýallara,ýada şazadalary gelmedik gyzlara, bellenen gyzy tapyp bilmedik oglanlara, ýada 2 gezek öýlenen erkeklere çözgüt tapyp bilmedim. Olar ‘sistemanyň hatasy’ diýp geçibermeli mi?
Bu sistemaň şeýle açyk ýaňlyşlary bar bolsa, her hili ýagdaýdaky soraglara jogap berip bilmeýän bolsa diýmek bu sistemaň özi absurd.
Öz ynanjymyzdaky takdyr, ýazgyt esasyna doly ynanyp düşinip bilsek başga pikirlere ätiýajymyz ýokdyr.
Ýokarda ‘ejderha’ hökmünde resmetmek pikri şol hindi kinolarynda ‘duşman’ ýaly görkezilen ene-atalar we ‘ejderha tarapyndan tussag edilen gyzyň’ hekaýasyndan alynandyr. Biziň terbiýe dünýämizde mukaddes ene-atalarymyzyň orny hemme wagt ulydyr.
Söýgi doly geljek umydy bilen...
Arhiwiň ýagdaýy
● Doly tekst
● 37/37 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 28 maý 2012 ý. · Asyl sahypany gör ↗
Teswirler 37
Lol ich gysyore diyipmishin gyz ))
Uytgedip bolmayan 3zadyn biri.
.a men koneje kerpic nokia🙂 hic hili cip d.n zat yok mende🙂))
sisteman hatasy
Chipdaki meni tapyp geldi dine wagty yenip gechaymek galdy ona 🙂
aslynda mena yazgyda ynanyan!
Chipdaki meni tapyp geldi dine wagty yenip gechaymek galdy ona 🙂
aslynda mena yazgyda ynanyan!
Free! Sagbol gaty gowy edip düşündiripsiň. Şu saýt seňki ýaly düşünjedäki agzalara gaty mätäç diýip düşünýän menem. Düýn-öňňün köne radiooýun diňledim. Bir ýerden-ä diskasy düşdi. Soňky tüýkilik sakal ezmez diýip. Tüýs şu tema laýyk radiooýun. Terbiýeçilik ähmiýeti uly eken.
))))) Maslahat gerek bolsa menem TEMA acyp maslahat sizden sorarynda.
dogulan her bir çaga dogulan wagty bir çip ýelmenýär. Bu çipde şol
çaganyň geljekdäki durmuş ortagynyň wasplary we daş keşbi barada
maglumat ýerleşdirilýär.
shol cagalykda yerleshdirilyan cipin icone programmalan hemmesi yerleshdirilya. Ulanmagy ynsanyn oz erkine goyulan. Shol cip gyz mashgala 7 yasha yetyanca, ogalan 9 yasha yetyanca cipe dushyan wiruslan ozi Onun guduraty blen arassalanyp durya. Eger gyz 7, oglan 9 yashdan son shol cipe dushek wiruslardan goramasa, onda wiruslar ynsanyn beynisinden yoyop bashlarlar. Kompyuterde wiruslary Antiwurus blen yok etyan bolsak. Ynsanyn cipini wirusdan gorayan IMANDYR. Cipin icine esasy 6 sany uly pyrgramma yerleshdirlendir. Sholary ulanmany basharmak bizin oz elimizde bolup duryar.
@Free, saňa telpek, dost.
G: ‘Bilemok, men ynanýan dünýäde men üçin ýaradylan biri bar, meni gözläp ýör, duşan wagtymyz men ony tanaryn.’
Free, munuň yzynam ýazda:
Soň, gara atly şazada bir aždarhanyň kimi gözleýänini bilmeýän, sada, ynanjyň gyz saklaýanyny bilip, baryp men seniň gözeleýän şazadaň diýip gyzy ynanadyrýar-da, aždarha bihabar wagty gyzy alyp gaýtýar, öz ýurduna. Wagt geçýär, gyz ol gara atly şazada ony gara atyny mündirip alyp gaýtsa-da, onuň atynyň garadygyny görmändigini we öz garaşýan ak atlysynyň däldigini bilip ondanam gaçyp gaýtýar. Soň ýene ak atly şazada umyt dikip otyrýar, emma ak atly şazadalar gara ata münenleri ak atyna mündürmeýänligi üçin gyzyň yzyndan gelenok. Gyz bolsa garaşyp-garaşyp, ahrym ýadan soň dagyň depesine çykýar-da.... (yzyny özüňiz biljek boluň hany)
dushinjek boldym emmma dushinmedim...:(
@fakiir agza gowy bellap geçipdir tüweleme .Yaşlary tehnologiyany gowy ulanyp bilenoklar gynansak hem sebabi geçen tm gidenimde takxi mündüm yaşlar hem bardy telefonlarynda ol yaşdaky adamlaryn görmeli dal zatlary bar. Adam naçe harama seretse onyn beden garraya we ruhyda çökgünlük bolya. Mekdeplerde yada maşgalada çagalary gowy terbiyelemeli. Sebabi eger çaganyn kellesinde pikir köp bolsa meselem okuwa girmek yada başka zatlar harama seretmage wagty hem bolmaz.
Indi bu sistemada 2 gezek durmuşa çykan aýallara,ýada şazadalary gelmedik gyzlara, bellenen gyzy tapyp bilmedik oglanlara, ýada 2 gezek öýlenen erkeklere çözgüt tapyp bilmedim. Olar ‘sistemanyň hatasy’ diýp geçibermeli mi?
Kabir adamlar gowysyndan gowysyny tapmaga synanşyalar yada tapanda hem göwnü yetenoklar we biraz wagtyn geçmegi bilen yzyna seredip görya weli göwnü yetmedik adamlary bagtly bolup yaşap yörler. Bu yerde hem Kysmata diyilyan zat bar eyyamm
Yadyma düshüshine göra VII ya VIII klasdadym öydyan menem icki dünyamde Shazadañ shahsyyetini janlandyryardym.
Meñ basharmayan zatlarymy ol basharmalydy,mañada öwretmelidi, kemciliksiz, men oñ üc yeketak, ol meñ uc yekatak bolmalydy we sh.m sanasañ sogaby bar
Her bir lak atan bolup yzyña düshen bolyanlardan shol idealy gözleyardim, barybir kemciliksizi yokdy.
Soñ shol Shazada meñ iciki dünyamde yashap bashlapdy, real dünyade kimdir birine göwün beraysem, kimdir birine biwepalyk edyan yalydym.
Ulaldygyñca köp zatlar üytgeyar, wagt gecmek bn gorkam gülkä öwrülyar. Yöne shol bir wagtlar icki dünyamde yashap gecen shol Shazada diylen duygyñ bolanlygyna asla ökünemok, tersine meni kop belalardan gorap saklanyna begenyan
ay mena name diyjegimi bilemok.. yone ene ata ka halatda ejdarha yaly bolup gorunya, hotya shazada diyilyani yogam welin onnada gyzda, ynanjan samsyjak gyz :(
tùweleme dùshùnjänizden pyrlanaýyn Free 🙂