Gitara Sapak3

Täze başlaýanlar üçin gitara sapaklary
Sapak3:
Ilkinji parçalar: Bu parçalar çalynanda diräp çalmaly. Ýagny i we m (süýem we orta barmak) barmaklar çalanda ýokarky kirşe ýaplangy ýagdaýda durmaly. Aşagynda san ýazylmadyk notalar boş kirşde (hiç hili perde basylman) çalynýanlygy üçin barmak nomeri ýazylmady. Akyjy çal, her sekunda bir nota gelsin. San sanaýan ýaly ; mi1 mi2 mi3 mi4 fa5 fa6 fa7 fa8 sol9 sol10 sol11 sol12.... diýiňde basyberiň. Ilkinji parçany gowy öwrenensoň (3-4 gün çalansoň) ikinji parça geç.

(**)

Üç sany konsept
1.Porte: Üstüne notalar ýazylan, inlikgän 5 sany çyzgylardan ybarat bolan setirlere aýdylýar.
2.Ölçeg çyzgysy: Porteni ýokardan aşak kesýän çygylaryň her birine ölçeg çyzgysy diýilýär.
3.Ölçeg: Ölçeg çyzgylary bilen bölünen bölümleriň her birine ölçeg diýilýär.

Hökmany Bellikler:
a.Gitara çalýakaňyz çep eliň baş barmagy dowamly sapyň arkasyndan ýokary çykma şekilinde bolmaly hem-de garşydan seredýän kişä görünmeli däl. Ýöne bu düzgüni ulanmak üçin baş barmagyňyzy gyra ýatyrmaň, barmak dik bolup aşak düşmeli. Baş barmagyňyz perde demirleri ýaly ýokardan aşak tarapa bolmaly. Kese durmaly däl. Ýöne garşydanam görünmeli däl.
b.Gitara çalýakaňyz sag el baş barmagyňyz ýa-da külbike barmagyňyz gitara ýaplangy şekilinde bolup biler. Sag eliňiziň bir ýere ýaplangy durmaýanyna dykgat ediň. Diňe ‘diräp çalyş’ wagtynda barmagyňyz ýokarky kirşe ýaplangy bolup biler.
c.Perdelere çep el barmaklaryňyzyň ujy bilen basyň. Barmaklaryňyz gyşyk bolmasyn, dik bolsun. Aşaky kirşe degmesin.
 
Howlukmaň gardaşlar, ýokardaky parçalary ýuwaş ýuwaşdan çalyp öwreniberiň. Soňabaka çalýan sazlaryňyzdan lezzet alyp başlarsyňyz 🙂

:)

Gardaş menä düşünen bolsam arap bolaýynlaý :((0%, 0 adam)

Dowam gardaş, ýuwaş ýuwaş boljak özä :)(0%, 0 adam)

Aý mennen gitarist çykmagam ahmal how :P(100%, 3 adam)

Umuman gowja eken :)(0%, 0 adam)