Keçäniň gyrasy. Garasy.
türkmen keçesi.
ak düşekde, her dürli reňkler bilen çekilen nagyşlar.
nagyşlaryň käsi akyp duran suwa meňzeş, käsi güle meňzeş, käsi ýer, käsi asman... ynsan, haýwanat.. her zat... bu nagyşlaryň gözelligi ahmal galsaň seni jadylajak...
birdenem, bu gözelligiň daşyna ýogyn gara reňkli ýüň bilen gurşap çykýar, keçe ýasaýan gelneje.
ähli zadyň daşyna gara aýlaýar.
edil, ölen adamyň suratynyň daşyna gara aýlaýyşlary ýaly keçesi türkmen gelnejesi hem bu gözelligiň daşyna gara aýlaýar oturyberýär.
edil, «ähli zat ölümi dadar» aýatyny ýatladýan ýaly.
ýönekeý keçäniň üsti bilen ahyrzamandan söz açyp boljak eken.
keçäniň ortasynda oturyň we çar-tarapyňyzdan aýlanan gara zolagy synlap görüň.
siz gara zolagyň içinde.
ähli zadyň soňuny pikir ediň.
soňuň başlangyçdygyny pikir ediň.
-------------------
dagynyk gara pikirlerimi gelşi ýazy goýdum.
tagamsyz bolsa bagyşlaň.
bar bolup bilşim.
Arhiwiň ýagdaýy
● Doly tekst
● 17/17 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 17
Agam, men ýalňyşmaýan bolsam şol keçäň gyra-garasy geçiň ýüňünden edilýär geçiň ýüňünden edilýär geçiň ýüňi bolsa gaty bolup keçäň tozmazlygy üçin edilýärmikä diýýän ol garany bolsa erbetlige ýorman keçäň ramkasy diýip düşüneliň.
Dogrydanam, keçe-namazlyklar her dürli nagyşlar bilen çekilen, daşy bolsa ak reňkli yüň bilen gurşalan. Göräýmäge ýönekeý zat welin, bu barada-da ýöne söz açsaň açyp oturmaly
👍👍👍
Guzyñ ýüñi aslynda, ýöne guzyñ ýüñü kan tapdyrmansoñ, ýüñi gara boýap goýaýýalar.
shol kecede otyryp tankan cayyny icsen bir hili bashka zat bolayyalay. Gowy pikiriniz bar pishik aga. Gara pishiginem gozu yananda utgeshik bolshy yaly, ak kecanam garasy utgeshik many berya.
keçäň gyrasy ramka hökmünde ony jemleýär. bu dogry.
men ol gyra-gara başgaça seretmek isledim.
keçäniň içindäki nagyşlary - dünýä hökmünde, gyrasynyň gara ramkasyny bolsa bu dünýäniň wagtlaýynlygy hakynda simwolistik pikirlenen boldum.
«edebiýat» bölüminde goýsamam bu - edebiýatdan dashdadyr. bu «biderek pikirler» kategoriýasyna degişli ýazgy.
ýene bir biderek pikir.
1. ol gara pişgesini aldy-da yzygider gara nokatlar goýup çykdy.
2. soňra ak pişgesini aldy-da gara nokatlaryň arasyna ýerleşdirip çykdy.
3. ak-gara, ak-gara, ak-gara nokatlar gaýtalandy.
4. edil gara günleriň yzyndan ak günleriň geljegini ýatladýan ýaly.
5. edil «ähli kynçylyklaryň yzyndan ýeňillikleriň geljekligini» ýatladýan hadys ýaly.
6. kynçylygyň yzyndan ýeňillik - bu gowy habar.
7. ak-gara, ak-gara, ak-gara nokatlar.
Keçäň ýene bir gowy häsýeti bar, mörmöjegem kän bir getirmeyär, meslem şu islendik kiçiräjik möjek keçä münende, murty gyljagazlar meňzäp, yzyn gaçýar, ynha şunyn tagta bit ýerde ulansaň, kän bir keç`eli ýerä barmala däl şol,(şoloro näme sögjegime bilemok, söz ýokda), hemme erbet zat dp oňaýmasam 🙂
Kechanin birhiljek ysy bardy...
Dogrusy shol ysy menä halamok
Örülen ýüpli eýläk-beýläk chekilip bolandan soñ, örülen gamyshy achanlarynda, öwadan reñki bolýar, shol ýadymda galypdyr
Pishik dayy temadal sizi barde gorenime begendim , temanam gowja
Pishik dayy temadal sizi barde gorenime begendim , temanam gowja
Pishik dayy temadal sizi barde gorenime begendim , temanam gowja
Pishik dayy men hem gorenime begendim. Yoneeeee gara zatlary goryaniz gara pishik dayy bolanynyzdanmy namemi? Hemme zadyn hem serhedi bar-a Kechanin hem gyrgarasy(gyrasyndaky gara sheyle diyilyar) onun serhedi. Gowy hem gelishyar. Eger shol garalyk bolmasady kechanin ichindaki gozlelligi jemleyji bir kartina hem goze gorunmezdi. Mysal uchin gyzlaryn gozleligi gara sachnda ,gara gashynda,gara gozunde bolshy yaly.
Gara pisik, bagysla dost, yone musulmancylykda olen adamlaryn suratynyn dasyna gara ramka aylanmayar, menzetman biraz yalnysrak bolupdyr. Gara cyzygyn icindakileri dunya menzedip bilersin, gara cyzykdan baslap welin dunyanin dasyndaky alem baslayar, bizin ucin tumluk, mejhul bir alem, bizin ucin nabelli. Yagny bizin goryan, bilyan, duyyan zatlarymyz bir dortbuclygyn icine yerleser, bilmeyan zatlarymyzyn welin serhedi yok.