Ynam hakda oýlanma.

Soňky döwürler hemme zat barada oýlanmak endigini tapynypdyryn. Oňler şu güniň barada pikirlenip, okuw we iş bilen başagaý bolup, köp zat barada oýlanmalydyram öýdemokdym. Ýyl gitdigiçe ömrüňden gädilip wagt gitýäni bildirýän bolaýmasa...

Hawa, durmuşda bizi näme ýaşatýarka? Howa, iýmitlenmek, hereket etmek, gün...bu zatlaryň özeni nirede ýa nämede? Ertirki gün ir bilen oýanmana, öz işleriň bilen gümra bolmana name itergi berýär? Adamy dogulanyndan täää iň soňky demine çenli näme ýaşatýar? Öz ýanymdan hümlendim, oýlandym, we şol zat Ynamdyr diýen netijä geldim. 

Çaga özüni bilip başlanyndan ene-atasynyň ony taşlap gitmejegine, mydama ýanynda boljagyna ynanýar. Ynanýany üçin hem arkaýyn ýatýar, turanda arkaýyn turýar. Ýaşy ulalybersede ene-atasynyň goldaw berjekligine, mäkäm goltgysy boljagyna ynam etyär, ynanyp ýaşaýar. Öz çagalary bolansoň, şol çagalaryň ynamy, diregi bolmalydygyny bilýär, özleri eýýam Ynama owrulýaler.

Ynamy ýitirmek iň agyr duýgularyň biri bolsa gerek. Aýdaly, (Alla gorasyn, şükür Türkmenistanda ýok diýen ýaly) çagany çagalykdan taşlaýan maşgalalar bar, ýetimler oýünde ýene-de ulalýan çagalaryň kopüsiniň gözünde gorkujygy bar ýalydyr, sebäbi olar enäniň ak süýdi bilen almaly ynamlary ellerinden alynan. Ulalanyndan soň hem daş töwerege doly ynap edip bilýän daldirler. Olar gowşak bolanoklar, olar diňe özlerine ynanyp owrenensoň töweregine ynanýan däldirler.

Iki juwan ýaşlaryň arasyndada ynam bardyr. Birek-birege ynanmak, birek-biregin hiç ýüz döndürmejegine ynanmak ýaly ertirki günüňe howes berýän zat barmyka? Päk söýgi gatnaşyklarynda birinji orunda bolmaly zat Ynam. Özara ynamyň bolmasa, gatnaşyklar hem uzaga çekip bilmez. 

Dost-ýar bilen hem şeýle. Dostun saňa wepalydygyna, aglan günüň komege geljegine, begenen günüň begenjiňi paýlaşjagyna ynamyň bolmasa dost bolmak kyndyr. Elmydama ýüzlenip biljek ýaryň, dostuň ýa joraň bar bolsa, geljekki günüňde kösenmejegiňi bilmek, ertirki günüňe ynamly ýaşamak ýaly adamy bagtly edip bilýän duýgy azdyr. 

Ene-ata bolanyňda hem çagaňa ynanmak gaty wajyp. Çagaňa ynanmasaň, çaga ynamly durmuş bermek kyn. Goldaw bermeli, çaganyň durmuşynda ätjek ädimlerine böwet bolman, atjek ädiminden sapak almany öwretmeli. Durmuşyň nähili öwürimi bolsada, öz ojagynda ýyly tapjagyna ynanmaly. 

Garaz ynam, ynam, we ýene bir gezek ynam...