ALLAHA IMAN
Allaha iman – Allahutagalanyň barlygyna, ýeke-täkligine ynanmak hem-de Ony sypatlary we gözel atlary bilen doly tanamakdyr. Allaha iman ähli dinleriň esasydyr. Allaha ynanmak, Oňa daýanmak we ybadat etmek zerurlygy ynsanyň ýaradylyşynda bardyr. Allahyň barlygynyň delillerinden biri hem şudur. Çünki, ýaradylyş (fytrat) ýalan sözlemeýär. Ynsanyň ýaradylyşynda beýik Ýaradyja ynanmak, Oňa daýanmak, ybadat, doga-dileg etmek mätäçligi bardyr. Allahyň barlygyna hiç bir delil bolmasa-da, fytrat we wyždan delili artykmajy bilen ýeterlikdir.
Aslynda, Allahy inkär etmek ýoluna düşenler hem başlaryna bela inen wagty Allahy ýatlap, Ondan pena isleýärler. Ýöne beladan halas bolanlaryndan soň, ýene öňki boluşlaryna ýaşaberýärler. Munuň mysallary sanardan köpdür. Bu ýagdaýy Kurany Kerim şeýle beýan edýär: «Ynsana bir zyýan ýetende ol ýatan, oturan ýa-da dik duran halynda bize ýalbarýar. Ýöne ony şol zyýandan halas edenimizde, hamala, bize ýalbaran özi däl ýaly hereket edýär, öňki bolşuna galýar», (Ýunus, 12).
Allaha iman düşünjesi
Älemi ýaradan, edara edýän we özüne ybadat edilýän ýeke-täk hem-de iň Beýik barlyk bolan Allaha iman, iman esaslarynyň birinjisi hem-de esasydyr. Ähli ylahy dinlerde Allahyň barlygy we birligi, iň ähmiýetli ynanç esasydyr. Çünki ähli esaslar Allaha iman we Onuň birligi esasynyň üstünde binýat edilýär.
Allaha iman etmek, Onuň barlygyna we birligine, Beýik we kämil sypatlara (häsiýetlere) eýeligine, ähli zada güýji ýetýändigine ynanmakdyr.
Adam özüni ýaradan Rabbini bilmek we Oňa iman hem-de ybadat etmek üçin ýaradylandyr. Aýatda bu babatda şeýle diýilýär: “Men jynlary we adamlary diňe Meni mabud (özüne ybadat edilýän ) bilip, diňe Maňa ybadat we gulluk etsinler diýip ýaratdym.” (Zariýat 51/56)
(Türkmeniň gadymdan gelýän-däp dessurlary kitabyndan)
Arhiwiň ýagdaýy
● Doly tekst
● 6/6 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 30 iýul 2012 ý. · Asyl sahypany gör ↗
Teswirler 6
Jynlar we adamlar!
Chagalykdan bari aklymyza guyulyp gelyan söz 'Jyn'!!!
Yatmasañyz hana al-arwah, jynlar gelyar.
Jynlar barada maglumatlar bilesim gelyar
Hormatly =Aýna-ma=! Meniň jynlar hakynda bilýänlerim şular:
Jynlar hem biziň ýaly synag üçin ýaradylan mahluklar. Olar gaýyp aleminde bolanlary üçin biz olar hakynda doly maglumat bilip bilmeýäris ( belki gerek hem däldir). Olar hem öz aralarynda musulmanlara we käfilere bölünýärler. Ýöne bir gul Allahyň isleýşi ýaly päkize ýaşasa onuň goraýjy melekleri güýçli bolup, jynlar oňa zyýan ýetirmekden ejiz galýarlar. =AýatelKursini= irden,agşam umuman ýadyňa düşen wagty okamaly. Allah gorasa bütin dünýäniň käfir jynlary hem üýşse hiç zyýan ýetirip bilmez.
Ýöne çagalara =an-ha jyn gelýär ýa möjek gelýär= diýip, ÝALAN sözläp aldamak gaty ýalňyş. Belki düzedip bolmajak ruhy sarsgyn beriler.
Dogrusyny Allah biler.
Men ýazgylarymda esasy şu eserden peýdalanýaryn(www.ylmyhal.narod.ru) we =MIRAS= dükanlarynda satylýan =Türkmeniň gadymdan gelýän däp-dessurlary= atly kitaby. Size hem maslahat berýärin. Ol ýerden has dogry we doly maglumaty alyp bilersiňiz.
=Ylmyhaldan= bölekleýin göçürme:
= Beýik we tämiz ruhlar ynsany goramak wezipesini ýerine ýetirýär. Bular meleklerdir. Hapysa we erbet ruhlar bolsa, ynsana zyýan bermek üçin elden gelenini gaýgyrmaýar. Bular käfir jynlar we şeýtandyr. Erbet ruhlar erk-erada we ruh taýyndan ejiz adamlary täsir astyna alyp, olary ulanýarlar. Olaryň eline düşenbiçäre adamlara medisinada: paranoik, şizofrenikýaly dürli atlar berilýär. Şeýle keselliler köplenç doga-dileg bilen gowulaşýar.=
Allah sizden razy bolsun.. shular yalyk temalary açyp durun imanymyz guyçlendirer yaly..
Miskin aga sagboluň,giňişleýin düşündiripsiňiz.
👍
Bir waka
okapdym, oran haladym we
turkmenca terjime etdim!
Ensallah, siz hem halarsynyz:
Awtobusda bir shaherden
bashga bir shahere gidip
baryardylar. Awtobusda 40-
a golay yolagcy bardy. Iki
sany yash yigit ozara
Biribaryn gudraty we biz
ynsanlara beren nygmatlary
barada gurleshyardiler,
shonda awtobusdan bir
yashuly bularyn gurrunine
gulak gabardyp, olam hem
goshulmagy uslyp bildi we:
-Yashlar, siz Huday barada
gepleshyaniz oydyan.
Huday, aslynda, hic bir yerde
yokdur(hasha), ozuniz ony
bar edyaniz oz pikirleriniz
bn, ynha, men shu yasha
cenli Hudayi gormandirin,
onun adlaty barada hic zada
shayat bolmandyryn we
sh.m. - diydi. Yashulydan
beyle soze garashmadyk
yashlar birbada
aljyrasalaram, olar iki
yerden ona Biribaryn bar we
Birdigini dushundirjek
bolup shunca dyrjashsalar,
yashuly kejirligine tutupdy,
tey, bolmanson, olaram
goybolsun edipdi. Shonda
birden awtobusyn tizligi
artyp, iki yana sallanyp
bashlady, shofyor:
-Awtobusyn tormozy
dowuldi, shu tizlik bn ya
daga carpyp durmaly
bolarys, ya-da dera gacmaly
bolarys - diyip aljyranny
gygyrdy. Awtobusdaky
hemme yolagcy yetiship
bildiginden ayatdyr-towur
okap, Allany komege
cagyrmaga bashladylar,
hatda, halki men ateist
diyyan yashuly hem
ayakaldygyna Allah, Allah,
Ozun yetish,.. diyip
samrayardy. Anha, shonda
shofyor tormoza basyp,
awtobusy durdurdy we shol
yashula:
-Yashuly, men sizin yashlar
bn gurruninizi dinledim,
gaharlanybam, seni synap
gormek ucin sheytdim, ol
name ucin aydyan sozlerin
bn edyan hereketlerin den
gelenok, yashyndan
utanokmy!? - diyip sorady,
shonda yashuly:
-Oglum, shu wagta cenli
men icimdaki Biribary
tanaman gezipdirin, ynha,
shu iki yash oglan we sen-
ucuniz mana bu babatda
oran onat goltgy berdiniz,
indi mundan son men
Biribara layik bende bolmak
ucin gayrat etjek, sizdenem
Alla razy bolsun - diydi!
Anha-da, men ateist
diyyanlerem janlary
bokurdaklaryna gelende
Allany yatlayyalar. Bu
babatda ayatdyr
hadyslaram bar, bir ayat
mysal bersek:
Hacanda
ynsan denizde gark boljak
bolanda Mana(Allaha)
yalbarar, Mana layik bende
bolmak we ybadat
etjekligi barada, Biz ony
halas edemizson welin,
ynsan beren sozuni
unudar, hakykatdanam,
ynsanogly oran
nankordur!
Yone hasap gununi we
amallaryn garshylygynyn
gysharnyksyz beriljegini
hem yatladyar, elbetde!
Bizi hemishe dogry yolda
yoretmegini Biribardan
dilemek bn!