MTS Türkmen hökümedini suda berdi.
Orsýetiň MTS kompaniýasy türkmen
hökümetini suda berdi. Bu
kompaniýanyň türkmen hökümetini
suda bermek boýunça arzasy
Inwestision dawalary
durnuklaşdyrmak boýunça halkara
merkezinde 5-nji oktýabrda hasaba
alyndy.
MTS-iň Jemgyýetçilik bilen
aragatnaşyklar boýunça
departamentiniň ýolbaşçysy Ýelena
Kohanowskaýa Azatlyk Radiosyna
şeýle diýdi:
—Biz, dogrudanam, inwestision
talap arzamyz bilen ýüzlendik.
Häzirki wagtda biziň arzamyz eýýäm
hasaba alyndy. Emma şunuň bilen
birlikde biz türkmen tarapy bilen
gepleşikleri hem alyp barýarys. Biz
mundan ozal alyp baran we
yzygiderli häsiýete eýe bolan
gepleşiklerimizi dowam etdirýäris.
Suda ýüzlenmegimize garamazdan,
bu gepleşikleriň belli bir netije
berjegine umyt baglaýarys.
Orsýetiň MTS kompaniýasy 2010-njy
ýylyň dekabr aýynda
Türkmenistanyň aragatnaşyk
bazarynda mobil hyzmatlary bilen
üpjün etmek boýunça 2005-nji
ýyldan bäri amala aşyran işini
duruzdy. MTS bilen hyzmatdaşlygyny
bes eden Türkmenistanyň
Aragatnaşyk ministrligi öz kararyny
MTS bilen şertnamasynyň möhletiniň
dolmagy bilen düşündiripdi.
Çekilen zyýan
MTS-iň resmisi Ýelena
Kohanowskaýa halkara sudunyň
çykarjak kararynyň kompaniýanyň
peýdasyna bolmagynyň
mümkinçilikleri barada aýtmakdan
saklandy. Ol kompaniýanyň
Türkmenistandaky işini
duruzmakdan çeken zyýanynyň
möçberini hem mälim etmedi:
—Bu sanyň türkmen hökümetine
garşy gozgan inwestision talap
arzamyzda görkezilenligini aýdyp
biljek. Bellemeli zat, kompaniýamyz
Türkmenistanda öz işini
togtatmagyndan çeken zyýanynyň
belli bir bölegini ýylyň
dowamyndaky çykdajylarymyzyň
hasabyna ýazyp, aradan aýyrdy.
Biziň arzamyzda görkezilen
zyýanymyzyň möçberi ýörite
agentligiň geçiren barlaglary
netijesinde kesgitlendi.
Şu ýylyň başynda MTS
Türkmenistandan çekilmek bilen 600
million dollar zyýan çekýänligini
yglan edipdi. MTS Türkmenistandan
çykyp gaýdany bäri ýurtda mobil
aragatnaşygynyň hiliniň
ýaramazlaşandygy hem habar
berilýär. Ýurduň ýaşaýjylary ýeke-
täk mobil operatory ”Altyn Asyryň”
hyzmatlaryndan nägilelik
bildirýärler.
Orsýetiň MTS kompaniýasynyň suda
ýüzlenmegine türkmen tarapynyň
reaksiýasyny Türkmenistanyň
Aragatnaşyk ministrliginden anyklap
bolmady. Türkmenistanyň habar
serişdelerinde-de bu tema
agzalmaýar.
2010-njy ýylyň dekabr aýynda MTS
bilen tükmen hökümetiniň arasynda
dawa tutaşaly bäri türkmen
metbugaty diňe Daşary işler
ministrliginiň bu temadan ýaýradan
resmi beýannamasyny çap etmek
bilen oňdy.
MTS- gelsinmi?
Gelmesin(28%, 9 adam)
Gelsin(37%, 12 adam)
Bizareý shu gürrüñden(34%, 11 adam)
Arhiwiň ýagdaýy
● Doly tekst
● 30/30 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 5 maý 2012 ý. · Asyl sahypany gör ↗
Teswirler 30
bashga somuren zatlaryny aytsan bır roman bolar....
Bilyanem dalsiniz mts in ahli taryflarynyn tutumy in gymmady turkmenistanda tutyar. Mts kop bilip t.n maldyr oydya sol sebapli tmcell bolsa bolyar
dogry aydyan dost, barde oran gowy pullary gazandylar,
ansat gelip duran puldan kim yuz owirsinay !
Öňem ulanyp baramakdym, indem ulanmakçy bolamak geläýse-de.
MTC halkyň maglumatlaryny, döwletiň syrlaryny KGB-a satmasady hökümet oňa zat diýmezdi. Ýöne köp adamlar Türkmenistany günäkärleýär. Ýalňyş. Hukuk taýdanam Türkmenistanyň ýalňyşan ýerini göremok. Şertnama doldy, islese täzeden baglanyşar islese baglanyşmaz. Bu MTÇ ýamman kurtoý bolupdyrow
Bashda daglara wada berip sonam s...ip kowsalar bay berersina suda.
Turkmenistanyn ozi bir normalny sotowiy edip bilenok nace yil bari. Yekeje ozi, hic kim azar berenok.
Dowlet, Prezident arkasynda dur.
Sen sholaryn edip bilmedik zadyny bir kemsiz edenson sheytseler nahili bolara? Adalatmy?
Onaranokmy onda beydip Halkam, adamlaram, kompaniyalaram aldamaly dal.
erkek etya TM...kimin hozyayindigini bilsin-da MTS Ruslar!!!
Kimin erkekdigini Turkmen halky bir yil bari bay duyyandira, 20 gezek jan edip arkayin gepleship bilman her gezek biderek puly gidende.
Arkayin dashary yurtdaky chagalarymyz bilen SMS yaziship bilmedik wagty, jan edip gowumy diyip soramak ucin pul baryny iydirenimizde bay duyandyrys ozumizin erkekdigimizi.
Shu wagtjyk birine jan etjek boldum Ashgabadyn merkezinde. 10 gezek jan etdim, ocuk diyyarl. Ocuk daldigini bilip yene ayladim 11-nji gezek dushdi oydyan, shonda bir ozumi yene bir gezek has erkek duydum.
götüne depiplip kowlan soňam geljek bolýalaraý binamyslar
dogurdannam my bilemokdym